2011 թւականից հայոց ազգ. «Շանթ» տարրական եւ միջնակարգ Ա օղակի «Մարիամեան» դպրոցները միաւորւել եւ կոչւում է՝ «Շանթ- Մարիամեան» կրթահամալիր:
Դպրոցը այս տարեշրջանի իր աշխատանքը սկսել է 59 աշակերտներով, որոնք սովորում են առաջին շրջանի միջնակարգ օղակում: Եօթերորդ դասարանի աշակերտների թիւը՝ 12 հոգի, ութերորդ՝ 24 հոգի եւ իններորդ դասարանի թիւը՝ 23 հոգի է:
Դպրոցի տեսուչն է Համիդ Թէյմուրին, որը համատեղ վարում է նաեւ «Շանթ» դպրոցի տեսչութեան պաշտօնը:
Փոխտեսուչի պաշտօնը վարում է Արբի Ալլահվերդեանը,
իսկ հայերէն առարկաները դասաւանդում է Ժոզէֆ Սուքիասեանը:
Դպրոցի ծնողական խորհրդի անդամները հէնց նոյն «Շանթ» դպրոցի ծնողական խորհրդի անդամներն են:
Նկատի ունենալով անցեալ տարեշրջանում առաջացած խնդիրները եւ ծնողների պահանջները, Կրթական խորհրդի ջանքերով եւ ուղղութիւններով՝ դպրոցի ղեկավարութիւնը փոփոխութիւններ կատարեց ուսուցչական կազմում, որը նպաստեց աշակերտների ուսման որակը բարելաււելուն: Նոյն նպատակով՝ Կրթական խորհուրդը ծրագրել է ամսական քննութիւններ, որոնց արդիւնքը հիմք կը կազմի դպրոցի ապագայ կրթական աշխատանքների ծրագրաւորմանը:
Այս տարի մշակութային բաժնում, ծնողական խորհրդի ջանքերով կազմւել է աշակերտական երգչախումբ եւ ծրագրւած է, որ տարւայ ընթացքում կազմւի նաեւ ասմունքի եւ թատրոնի խմբեր: Իսկ աշակերտներին կրօնական ուսուցումներ փոխանցելու նպատակով՝ Գրիգորիս քահանայի համագործակցութեամբ տեղի են ունեցել դասնթացներ՝ դպրոցում եւ Ս. Գրիգոր Լուսաւորիչ եկեղեցում:
http://tehranprelacy.com/9-content-hy/news-hy/1119-2017052001?tmpl=component&print=1&page=#sigProIda8575bd268