Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԱՌԱՋՆՈՐԴ ՍՐԲԱԶԱՆ ՀԱՅՐԸ ՀՈՎԱՆԱՒՈՐՈՒՄ Է Յ. ԹՈՎՄԱՍԵԱՆ ՄԻՋՆԱԿԱՐԳ ՕՐԴ. ԴՊՐՈՑԻ ՇՐՋԱՆԱՒԱՐՏՆԵՐԻ ՀԱՆԴԷՍԸ

Յ. Թովմասեան միջնակարգ օրդ. դպրոցը Թեհրանի մեր լաւագոյն կրթօջախներից, որը ամէն տարի շրջանաւարտուհիների մի ընտիր հոյլ ընծայում է մեր համայնքին:

Չորեքշաբթի 25 նոյեմբեր 2015-ին դպրոցի հանդիսութեանց սրահում տեղի ունեցաւ 2014-2015 դպրոցական տարեշրջանի շրջանաւարտների հանդէսը ծնողների եւ հիւրերի նկատառելի թւով ներկայութեան:

Հանդէսը հովանաւորում եւ իր ներկայութեամբ պատւում էր Թեհրանի թեմի առաջնորդ Գերշ. Տ. Սեպուհ Ս. Արք. Սարգսեանը:

Հանդէսը սկսւեց Տէրունական աղօթքով եւ փոխ-տեսչուհու՝ տկն. Հրանուշ Սարգսեանի բացման խօսքով, որից յետոյ անցեալ տարւայ շրջանաւարտուհիները վարեցին գեղարւեստական յայտագիրը, որը յագեցւած էր երգերով եւ ասմունքով: Օրւայ առիթով արտայայտւեց նաեւ դպրոցի տեսչուհի ազնւափայլ տկն. Սաթօ Խաչատուրեանը: Այնուհետ տեղի ունեցաւ վկայականայ բաշխում 50 շրջանաւարտների:

Վկայականայ բաշխումից յետոյ շրջանաւարտներին եւ ներկաներին իր պատգամը փոխանցեց առաջնորդ Սրբազան հայրը, որ իր խօսքը սկսեց հետեւեալ բառերով. «Բեմի վերեւ տեսնում ենք թւականը 2014-2015 դպրոցական տարեշրջան. Ճիշտ հարիւր տարի առաջ նոյն տարւայ այսինքն 1914-1915 դպրոցական տարեշրջանի հայկական դպրոցների շրջանաւարտները ոչ միայն զրկւեցին իրենց վկայականները ստանալուց այլեւ զրկւեցին իրենց կեանքից եւ ամէն ինչից. այսօր՝ հարիւր տարի ետք հազար փառք Աստծու մեր դպրոցների շրջանաւարտները ստանում են իրենց վկայականները եւ ուխտում հաւատարիմ մնալ Հայոց Ցեղասպանութեան զոհ գնացած իրենց հասակակիցների կտակին» ասաց Սրբազան հայրը, «պիտի շարունակէք վառ պահել ձեր սրտում հաւատքն ու սէրը ձեր Աստծուն, հայրենիքին, լեզւին, պատմութեան եւ հոգեւոր ու ազգային բոլոր արժէքներին»: 

Իր խօսքի վերջին բաժնում Սրբազան հայրը շնորհաւորեց շրջանաւարտներին, նրանց ծնողներին, դպրոցի տեսչութեան, ողջ անձնակազմին եւ յաջողութիւն մաղթեց բոլորին:

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Չորեքշաբթի 10 Յուլիսի 2024;
Ա Կորնթացիներ 1.1‐9։ ԱՒԵՏԱՐԱՆ ԸՍՏ ՄԱՏԹԷՈՍԻ 17.21‐18.4։

Հինգշաբթի 11 Յուլիսի 2024;
Տօն՝ Սրբոյն Եսայեայ մարգարէին

Ուրբաթ 12 Յուլիսի 2024;
Ա Կորնթացիներ 1.10‐18։ ԱՒԵՏԱՐԱՆ ԸՍՏ ՄԱՏԹԷՈՍԻ 18.2‐9։

Շաբաթ 13 Յուլիսի 2024;
Սրբոցն Թադէոսի առաքելոյն մերոյ եւ Սանդխտոյ կուսին

Կիրակի 14 Յուլիսի 2024;
Բ կիր. զկնի Վարդավառի

Երկուշաբթի 15 Յուլիսի 2024;
Տօն՝ Սրբոցն Կիպրիանոսի եպիսկոպոսին և քառասուն և հինգ վկայիցն,եւ սրբոց կուսանացն Յուստինեայ, Եւփիմեայ և Քրիստինեայ

Երեքշաբթի 16 Յուլիսի 2024;
Տօն՝ Սրբոցն Աթանագինեայ եպիսկոպոսին եւ տասն աշակերտացն եւ հինգ վկայիցն

Չորեքշաբթի 17 Յուլիսի 2024;
Ա Կորնթ 2։12-3։10, Մտթ․18։15-22

Հինգշաբթի 18 Յուլիսի 2024;
Տօն՝ Սրբոց նախահարցն` Ադամայ, Աբէլի, Սեթայ, Ենովսայ, Ենովքայ, Նոյի, Մելքիսեդեկի, Աբրահամու, Իսահակայ, Յակովբայ, Յովսեփայ, Մովսիսի, Ահարօնի, Եղիազարու, Յեսուայ, Սամուէլի, Սամփսոնի, Յեփթայեայ, Բարակայ, Գեդէօնի եւ այլոց սրբոց նախահարցն

Ուրբաթ 19 Յուլիսի 2024;
Ա Կորնթ․5։9-6։10, Մտթ 18։23-35

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ