Աստւածածնայ Վերափոխման Տօնը Թեհրանի եկեղեցիներում

Հրատարակւած՝ Երկուշաբթի, Օգոստոսի 14, 2017, ժ. 10:59 | Տպել | Ուղարկել էլ-փոստով

Կիրակի 13 օգոստոսի 2017-ի առաւօտեան, Թեհրանի բոլոր եկեղեցիներում տեղի ունեցաւ Աստւածածնայ վերափոխման տօնի առիթով սուրբ եւ անմահ պատարագ:

Առ այդ, Ս. Սարգիս Առաջնորդանիստ եկեղեցում պատարագը մատուցեց եւ յաւուր պատշաճի քարոզեց Թեմիս առաջնորդ Գերշ. Տ. Սեպուհ Ս. Արք. Սարգսեանը:

Իր քարոզում Սրբազան Հայրը խօսելով Աստւածամօր ինքնութեան եւ տիպարի մասին և անդրադառնալով նրա առաքինի կեանքի բարեմասնութիւնների ու անխորտակելի հաւատքի մասին, շեշտեց՝ «Մարիամը եղաւ Մայր, Կոյս և Աղախին Քրիստոսի: Որպէս Մայր, լինելով ամենանւիրական և ամենասուրբ էակը, մնաց յաւերժական կոյսը Քրիստոսի եկեղեցուն, նաև մնաց խոնարհ, հեզ ու համեստ սպասաւորը Քրիստոսի»:

Աւարտին, բազմահարիւր հաւատացեալների ներկայութեամբ, եկեղեցու բակում կատարւեց աւանդական խաղողօրհնութեան արարողութիւնը:

Այդ առիթով Ս. Գրիգոր Լուսաւորիչ եկեղեցում պատարագեց եւ յաւուր պատշաճի քարոզեց առաջնորդական փոխանորդ՝ Գերշ. Տ. Մակար Ս. եպս. Աշգարեանը, որը պատարագից յետոյ եկեղեցու բակում կատարեց նաեւ խաղողի օրհնութիւնը:

Բոլոր եկեղեցիներում էլ հաւատացեալների հոծ բազմութեան մասնակցութեամբ հանդիսաւորապէս կատարւեց Աստւածածնայ վերափոխման տօնը, ինչպէս նաեւ այդ առիթով տեղի ունեցող խաղողի օրհնութիւնը:

View the embedded image gallery online at:
http://tehranprelacy.com/9-content-hy/news-hy/1225-2017081401#sigProId6974ea52de

Լեզու | زبان

Search

Կապ մեզ հետ

Աստւածածնայ Վերափոխման Տօնը Թեհրանի եկեղեցիներում

بخش فارسی

ՏՕՆԵՐ

Կրօնական Տօների Օրացոյց

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ

Հայկական անձնանուններ