Այսու ուրախութեամբ յայտնում ենք Թեհրանի մեր սիրելի ժողովրդի զաւակներին, որ տնօրինումովը Թեմիս Առաջնորդ Գերշ. Տ. Սեպուհ Արք. Սարգսեանի եւ հաւանութեամբ Թեմիս Կրօնական Խորհրդի, յառաջիկայ կիրակի 19 նոյեմբեր 2017-ին, Ս. Սարգիս առաջնորդանիստ մայր եկեղեցում յընթացս ս. պատարագի տեղի է ունենալու քահանայական ձեռնադրութիւն եւ օծում:

Քահանայ է ձեռնադրւելու Ս. Սարգիս եկեղեցիում սպասարկող բարեշնորհ Յովիկ Սրկ. Խոսրովեանը:

Այս առիթով Ս. Սարգիս առաջնորդանիստ մայր եկեղեցում պատարագելու, ձեռնադրութեան եւ օծման կարգը կատարելու եւ քարոզելու է Թեմիս Առաջնորդ Գերշ. Տ. Սեպուհ Ս. Արք. Սարգսեանը:

Շաբաթ 18 նոյեմբեր 2017-ի երեկոյեան ժամը 4-ին Ս. Սարգիս Եկեղեցում կիրակնամուտի երեկոյեան ժամերգութիւնից յետոյ տեղի ունենալու է քահանայական կոչման հոգեպարար արարողութիւն:

Հրաւիրում ենք մեր սիրելի ժողովրդի զաւակներին ներկայ լինելու ս. պատարագի,  ձեռնադրութեան եւ օծման հոգեպարար արարողութեան հաղորդւելու համար օրւայ խորհրդով եւ միասին աղօթակից լինելու առ բարձրեալն Աստւած վասն նորաօծ քահանայի ապագայի օրհնաբեր ծառայութեան: