«Եվա»-ն ցուցադրւեց Թեհրանում

Հրատարակւած՝ Կիրակի, Նոյեմբերի 26, 2017, ժ. 13:00 | Տպել | Ուղարկել էլ-փոստով

Իրանահայ ռեժիսոր Անահիտ Աբադի «Եվա» հայ-իրանական համատեղ արտադրութեան ֆիլմը, յատուկ էկրանաւորմամբ ցուցադրւեց հինգշաբթի 23 նոյեմբերին, «Ֆարաբի» ֆիլմարտադրութեան կենտրոնի «Աբբաս Քիառոսթամի» դահլիճում:

Այս յատուկ էկրանաւորման հրաւիրեալներն էին Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը, Առաջնորդական Փոխանորդ՝ Գերշ. Տ. Մակար Ս. Եպս. Աշգարեանը, Իսլ. Խորհրդարանում Թեհրանի և Հիւսիսային իրանահյութեան պատգամաւոր՝ դոկտ. Կարէն Խանլարեանը, Թ.Հ.Թ. Թեմական Խորհրդի, ազգային տարբեր մարմինների և միութիւնների ներկայացուցիչները և մայեստրօ Լորիս Ճշնաւորեանը:

Նախքան ֆիլմի ցուցադրումը, ելոյթ ունեցաւ «Ֆարաբի» ֆիլմարտադրութեան կենտրոնի հիմնադրամի գլխաւոր տնօրէն՝ Ալի Ռեզա Թաբեշը, որը բացատրեց ֆիլմի պատրաստման դժւարութիւնների մասին:

Այնուհետև ֆիլմի ռեժիսոր և հեղինակ՝ Անահիտ Աբադը յատուկ շնորհակալական խօսք ուղղեց պրն. Թաբեշին, ֆիլմի պրոդիւսեր՝ Թաղի Ալի Ղոլիզադէին, կոմպոզիտոր՝ Վահան Արծրունուն, օպերատոր՝ Հասան Քարիմիին և իր բոլոր միւս գործընկերներին: Վերջում յոյս յայտնեց որ Սրբազան Հօր և հայրենակիցների բարի աղօթքներով, ֆիլմը յաջողութեան կարժանանայ «Օսկար» կինոփառատօնում:

View the embedded image gallery online at:
http://tehranprelacy.com/9-content-hy/news-hy/1442-2017112602#sigProIdc2a5fee92b

Լեզու | زبان

Search

Կապ մեզ հետ

«Եվա»-ն ցուցադրւեց Թեհրանում

بخش فارسی

ՏՕՆԵՐ

Կրօնական Տօների Օրացոյց

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ

Հայկական անձնանուններ