ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Թ.Հ.Թ. առաջնորդ Տ. Սեպուհ արք. Սարգսեանի հարցազրոյցը

«Իրանն անվտանգ ու կայուն երկիր է, ուր քրիստոնեաներն ապրում են ապահով եւ վայելում են կրօնական ազատութիւն»: Ինչպէս տեղեկացնում է ԻՌՆԱ-ն իսպանական «Agencia EFE» լրատւական գործակալութեան հետ զրոյցում յայտարարել է Թ.Հ.Թ. առաջնորդ Տ. Սեպուհ Ս. արք. Սարգսեանը:

«Իրանում քրիստոնեաների, յատկապէս աւանդական՝ Հայոց Առաքելական, Ասորական եւ Քաղկեդոնական եկեղեցու հետեւորդների նկատմամբ հալածանքները բացառւած են: Իրանահայ համայնքում, առնւազն վերջին 100 տարւայ ընթացքում նման երեւոյթ չի նկատւել»,- ասել է Սրբազան Հայրը՝ յաւելելով, որ Իրանի իշխանութիւնները պաշտօնապէս ճանաչում են բոլոր քրիստոնեաների իրաւունքները:

Խօսելով կրօնական քարոզիչների եւ կրօնափոխ եղած անձանց ձերբակալութեան մասին, թեմակալ առաջնորդը նշել է, որ յիշեալները ձերբակալւել են երկրի օրէնքը խախտելու պատճառով, քանզի Իրանի օրէնքն արգելում է մուսուլմանների կրօնափոխութիւնը: Նա նշել է, որ դէմ է կրօնափոխութեան համար տարւող քարոզչութեանը, քանի որ, իր կարծիքով՝ բոլորը պէտք է պահպանեն իրենց ազգային եւ կրօնական ինքնութիւնը:

«Մեր գոյութիւնը պայմանաւորւած է մեր մշակութային ժառանգութեան՝ լեզւի, աւանդոյթների, սովորոյթների, եւ ընդհանրապէս հայկական ինքնութեան բաղադրիչների պահպանմամբ: Այդ իսկ պատճառով էլ հայկական դպրոցների, եկեղեցիների եւ մարզա-մշակութային միութիւնների գլխաւոր նպատակն ազգային ինքնութեան, բարոյականութեան եւ կրօնի պահպանումն է»,- ընդգծել է թեմակալ առաջնորդը:

Խօսելով իրանահայ համայնքի պատմութեան մասին, Սրբազան Հայրը նշել է, որ հայերն Իրանում ապրում են դեռեւս Քրիստոսի ծնունդից մի քանի հարիւրամեակ առաջ, եւ մշտապէս նպաստել են Իրանի հասարակական կեանքի վերելքին եւ երկրի բարգաւաճմանը:

Նա յատուկ ընդգծել է, որ Իրանը տարածաշրջանի կայուն եւ անվտանագ եզակի երկրներից մէկն է: Անդրադառնալով արտագաղթի երեւոյթին, Սրբազան Հայրը նշել է, որ քրիստոնեաները եւ ըդհանրապէս Մերձաւոր Արեւելքի ժողովրդներն արտագաղթում են առաւել ապահով վայրեր գտնելու նպատակով:

«Արտագաղթող հայերից շատերն Իրանում ապրել են բարեկեցիկ կեանքով: Ինձ զարմացնում է այն հանգամանքը, որ երբ նրանցից հարցնում եմ արտագաղթի պատճառների մասին, չունեն որեւէ պատասխան»,- ասել է թեմակալ առաջնորդը:

Լուրը քաղւած է «Ալիք»-ի կայքէջից

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com