ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Զօրավար Եազդին այցելեց հայ նահատակների ընտանիքներին

Մեծ Թեհրանի պահակազօրի հրամանատար՝ զօրավար Եազդին, Թեհրանի պահակազօրի մի խումբ պատասխանատուների ընկերակցութեամբ, Նոր տարւայ սեմին այցելեց հայ նահատակներ՝ Ռազմիկ Խաչատրեանի և Նորիկ Բաբախանեանի հարազատներին:

Հանդիպմանը, որին ներկայ էին նահատակների ծնողներն ու ազգականները, զօրավար Եազդին մեծարեց միաստւածային կրօնների, մասնաւորապէս իրանահայութեան նահատակներին և ընդգծեց, որ նրանց նահատակութիւնը խորացրել է Իրանի ժողովրդի միասնականութիւնն ու սրտակցութիւնը:

Այս այցելութիւններին ներկայ էին նաեւ Թեհրանի Հայոց Թեմի ատենապետ՝ Ռոբերտ Բեգլարեանը, Տէր Գրիգորիս քհնյ. Ներսիսեանը, Տէր Վրթանէս քհնյ. Բաբախանեանը եւ իրանահայութեան սրբազան պաշտպանութեան արժէքների պահպանման յանձնախմբի անդամ՝ Արտաշէս Իսկանդարեանը:

Նահատակ Ռազմիկ Խաչատրեանը ծնւել է 1965 թւականին՝ Թեհրանում: Տարրական ուսումն ստացել է Թեհրանի հայոց ազգային «Նայիրի» դպրոցում: Կիսատ թողնելով ուսումը անցնում է աշխատանքի եւ վարպետանում է ինքնաշարժի էլեկտրականութեան եւ մարտկոցի նորոգութեան բնագաւառում: Նա Ներսէս և Սիրանոյշ Խաչատրեանների որդին է և ունի երկու քոյր եւ մի եղբայր:

Զինւորական ծառայութեան տարիքին հասնելով շատ հայ երիտասարդների նման քաղաքացիական պարտք զգալով եւ նկատի առնելով ԻԻՀ-ի չափազանց զգայուն պայմանները իրանական 1365 թւականին (1986) մեկնում է զինւորական ծառայութեան: Զինւորական ծառայութեան վարժութիւնների շրջանն անց է կացնում Թեհրանում և ապա գործուղւում է Խուզեստան նահանգի պատերազմական գօտում՝ Ահւազի եւ Օմիդիէյի միջեւ գտնւող զօրանոցը և 23 ամիս ծառայում է այդտեղ: Օմիդիէյի եւ Ահւազի միջեւ գործուղման ժամանակ դաժան թշնամու արձակած գնդակից ծանրօրէն վիրաւորւում ու հայրենիքի պաշտպանութեան ճամբին նահատակւում է հիւանդանոցում:

Նահատակ Նորիկ Բաբախանեանը ծնւել է 1963 թւականին՝ Թեհրանում: Ունի 4 եղբայր եւ մէկ քոյր: Տարրական ուսումն ստացել է Թեհրանի հայոց ազգային «Սահակեան» դպրոցում: Աւարտելով «Քուշէշ-Մարիամեան» հայոց միջնակարգ դպրոցի ուսողութեան ճիւղը, 1986 թւականի օգոստոսի 9-ին մեկնեց զինւորական ծառայութեան և 22 ամիս ծառայելուց յետոյ 1988 թւականի յունիսի 3-ին նահատակւեց «Էյնէ Խոշ»-ի ճակատում:

Նորիկը լիովին գիտակցելով Իրանին ու հայրենիքին ծառայելու նշանակութիւնը, մեկնեց զինւորական ծառայութեան և պատրաստ էր ցանկացած անձնազոհութեան: Ծառայութեան շրջանում իր զինւորական պարտականութիւններից բացի, նիւթապէս էլ նեցուկ էր հանդիսանում ճակատներին:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com