ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Թեհրանահայ համայնքը նշեց Ս. Ծննդեան ու Աստւածայայտնութեան տօները

Շաբաթ, յունւարի 6-ին, Ս. Ծննդեան ու Աստւածայայտնութեան տօնի առիթով Ս. և անմահ պատարագ մատուցւեց Թեհրանի բոլոր եկեղեցիներում:

Նոյն տօնի առիթով Ս. Սարգիս Առաջնորդանիստ մայր եկեղեցում պատարագեց և յաւուր պատշաճի քարոզեց թեմիս առաջնորդ՝ Գերշ. Տ. Սեպուհ Ս. Արք. Սարգսեանը, Ս. Գրիգոր Լուսաւորիչ եկեղեցում՝ Գերշ. Տ. Մակար Ս. Եպս. Աշգարեանը և Սրբոց Թարգմանչաց եկեղեցում՝ Հոգշ. Տ. Արտաւազդ Աբղ. Շարոյեանը։

Առաջնորդ Սրբազան Հայրն իր քարոզի ընթացքում խօսելով Քրիստոսի Ս. Ծննդեան և Աստւածայայտնութեան զոյգ խորհուրդների մասին ինչպէս նաև դրանցից եկող գլխաւոր պատգամների և օրհնութիւնների մասին, կոչ ուղղելով ժողովրդին, որ հաստատ մնան իրենց քրիստոնէական հաւատքի մէջ և հաւատարմութեամբ կառչեն աստւածային խորդներին, հոգևոր և ազգային մեր անգնահատելի արժէքներին: Նա իր խօսքի աւարտին աղօթեց նաև աշխարհի, Հայաստանի, Արցախի, տարածաշրջանի և Իրանի խաղաղութեան համար առաւել ևս Իրանի պետական այրերին մաղթեց իմաստութիւն և յաջողութիւն: 

Ս. հաղորդութիւնից անմիջապէս յետոյ տեղի ունեցաւ մեր Տիրոջ Յիսուս Քրիստոսի Յորդանան գետում մկրտութիւնը խորհրդանշող՝ Ջրօրհնէքի արարողութիւնը, որից յետոյ, Ս. Միւռոնով օրհնւած ջուրը բաժանւեց հաւատացեալներին:

Նոյն օրը, թէ պատարագից յետոյ և թէ երեկոյեան, Թեհրանի ազգային առաջնորդարանի դահլիճում, թեմակալ առաջնորդը և ազգային իշխանութեան ներկայացուցիչներն ընդունեցին շնորհաւորանքներ:  

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com