ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Թեհրանահայ հեծանւորդները վազքուղի դուրս եկան յանուն հեծանւային մշակոյթի տարածման

Ուրբաթ, յունւարի 12-ին, Հեծանւավազքի ֆեդերացիայի Թեհրանի հիւսիս-արեւելեան շրջանի կենտրոնի նախաձեռնութեամբ Ամանորի եւ Ս. Ծննդեան տօների առիթով տեղի ունեցաւ հեծանւավազքի մրցոյթ՝ թեհրանահայերի մասնակցութեամբ: Մրցոյթը կայացաւ «Թախթի» մարզահամալիրի հեծանւային դպրոցի պատասխանատուների համագործակցութեամբ:

 

Հեծանւավազքի ֆեդերացիայի պատասխանատու՝ Հասան Դադիզադէն խօսելով նախաձեռնութեան մասին նշեց, որ իր կառոյցի պարտքն էր  հեծանւավազքի զարգացման գործում մեծ ներդրում ունեցած իրանահայ հեծանւորդների գործը կիսատ չթողնելով հեծանւային մշակոյթի տարածման գործին ծառայեցնել իւրաքանչիւր լաւ առիթ, ինչպիսին կարող է լինել հէնց իրանահայութեան Նոր տարին շնորհաւորելու առիթով կազմակերպւած այս տօնական մրցոյթը:

Յայտագրւած հեծանւորդները թւով 16-ն էին: Մասնակիցները երեք՝ պատանիների, երիտասարդների, եւ երէցների տարիքային կարգերում վազքուղի դուրս գալով արդարացրեցին բոլոր սպասելիքները, յատկապէս այն պայմաններում, երբ գրանցւած տեղեկութիւնները խօսում էին մթնոլորտային օդի գերաղտոտւածութեան մասին:

Մրցոյթի գլխաւոր հովանաւոր՝ «Ջայընթ» (GIANT)  ընկերութեան կողմից անակնկալ նւէրներով պարգեւատրւեցին բոլոր մասնակիցները, ինչի կապակցութեամբ «GIANT»-ի ներկայացուցիչը յոյս յայտնեց, որ հայ համայնքը ինչպէս միւս ոլորտներում է առաջատարի դիրքերում եղել, հեծանւային մշակոյթի տարածման գործում եւս գրանցի նոյնը:

Մրցոյթի աւարտին Դադիզադէն յայտարարեց, որ սա լաւ մեկնարկ էր հայ համայնքի հեծանւորդների հետ միասին աշխատելու միաժամանակ խորհուրդ տալով հետեւելու նոր մրցոյթների ու միջոցառումների մասին յայտարարութիւններին: 

Լուրը քաղւած է «Ալիք»-ից

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com