ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հանդիսաւոր Ս. Պատարագ և Մատաղօրհնէք՝ Ս. Սարգիս Զօրավարի տօնի առիթով

Շաբաթ 27 յունւարին, Ս. Սարգիս Զօրավարի և իր որդու՝ Մարտիրոսի, նաև 14 զինակիցների յիշատակի տօնի առիթով, մատուցւեց հանդիսաւոր Ս. եւ Անմահ Պատարագ Ս. Սարգիս եկեղեցում, պատարագեց եւ յաւուր պատշաճի քարոզեց թեմիս բարեխնամ Առաջնորդ՝ Գերշ. Տ. Սեպուհ Ս. Արք. Սարգսեանը: Սոյն տօնը նաև անւանակոչութեան տօնն է Ս. Սարգիս առաջնորդանիստ մայր եկեղեցուն:

Սրբազան Հայրն իր քարոզի ընթացքին ասաց՝ «Որևէ մէկն իզուր տեղն իր անձը չի ուրանում, որևէ մէկն իզուր տեղն իրեն հալածանքների և նեղութիւնների չի ենթարկում: Ինքն իրեն նեղութիւնների ենթարկող անձը նա է, ով հաւատքով, սիրով և յոյսով լեցուն իր կեանքը զարդարել է և կապրի յանուն այդ ճշմարտութեան, արհամարելով ամէն ինչ և մանաւանդ ամենից կարևորն իր «Ես»-ը: Քրիստոսով ապրողն իր կեանքը վերածում է մի լուսաւոր ջահի, որ լուսաւորում է իր շրջապատը»:

Իր քարոզի մի այլ բաժնում շեշտեց, որ՝ «Ս. Սարգիսը քրիստոնէական եկեղեցու կեանքում հանդիսացաւ այն անձը, որ ոչ միայն իր «Ես»-ը մոռացաւ, այլ այն ինչ որ ունէր իբրև պաշտօն, դիրք և հեղինակութիւն, բոլորը մի կողմ դրեց և միայն ու միայն Քրիստոսին ընդունեց և Քրիստոսի սիրով սկսեց ապրել և գործել: Քրիստոնէական այդ ուժեղ և նւիրական հաւատքով է, որ, որպէս զօրավար, գործեց: Բայց զօրավարի իր հանգամանքն արժէք չունէր իր համար, նա այդ օգտագործում էր հաւատքը տարածելու, յանուն Քրիստոսի»:

Սրբազան Հայրն աւելացրեց՝ «Ս. Սարգիս Զօրավարը հաւատքի ախոյեան էր: Ախոյեան, որի համար աշխարհն իր հարստութեամբ, իշխանութեամբ և գրաւիչ հեշտասիրութեամբ ոչ մի արժէք չունեցաւ, այլ ինքն իր հաւատքով աշխարհին ասաց՝ կարող էք իմ կեանքն առնել, բայց իմ հոգին ոչ երբէ՛ք: Եւ այդ օրերի Սասանեան թագաւորը կարողացաւ սպանել Ս. Սարգսին բայց չկարողացաւ սպանել իր հոգին, հաւատքը և իր գործունէութիւնը, որ դարձաւ ուղեցոյց, իրենից յետոյ եկող Աւետարանի բոլոր սպասաւորներին»:

Պատարագի աւարտին տեղի ունեցաւ մատաղի օրհնութիւն և ապա հոգեհանգստեան արարողութիւն եկեղեցու հիմնադիր բարերարների՝ Սարգսեան ընտանիքի մահացած անդամների հոգիների խաղաղութեան համար, առողջութիւն ու Աստւածային առաջնորդութիւն մաղթելով իրենց զաւակներին և թոռներին: Արարողութեանը ներկայ էր նաև եկեղեցու բարերարի որդի և թոռը՝ Մարգար Սարգստեանի՝ Էդիկ Սարգստեանը:

Այնուհետև, օրհնւած աւանդական հերիսան բաժանւեց բոլոր հաւատացեալներին:

Նոյն օրը, ճաշին, այս տօնի առիթով, Ս. Սարգիս եկեղեցու խորհուրդը, «Արամ Մանուկեան» սրահում, ճաշկերոյթ էր կազմակերպել, քահանայած դասի, Թեհրանի բոլոր եկեղեցիների խորհրդների անդամների, դպրաց դասի, Ս. Սարգիս եկեղեցու բարերարների համար: Ճաշի ընթացքին, յատուկ կարկանդակով, նշւեց եկեղեցու կառուցման և օծման 45-ամեակը:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com