Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Թեհրանի Եկեղեցիների Եկեղեցական Խորհուրդների Համագումար

Թւականիս ուրբաթ 16 փետրւարի յետմիջորէի ժամը 4:00-ին, Ազգային Առաջնորդարանի դահլիճում տեղի ունեցաւ Թեհրանի եկեղեցիների եկեղեցական խորհուրդների համագումարը, հովանաւորութեամբ և նախագահութեամբ Թեմիս Առաջնորդ՝ Գերշ. Տ. Սեպուհ Ս. Արք. Սարգսեանի ու կազմակերպութեամբ՝ Թեմի Քրիստոնէական Դաստիարակութեան Բաժանմունքի:

Համագումարին ներկայ էին Թեհրանում գտնւող բոլոր եկեղեցիների եկեղեցական խորհուրդների անդամները: Առաջնորդ Սրբազան Հօր կողքից ներկայ էին նաև Առաջնորդական փոխանորդ՝ Գերշ. Տ. Մակար Ս. Եպս. Աշգարեանն ու Թ.Հ.Թ. Թեմական Խորհրդի ներկայացուցիչ և եկեղեցական խորհուրդների կապ՝ պրն. Հարմիկ Աւետեանը:

Համագումարն սկսւեց «Տէրունական» աղօթքով և «Զգործս ձեռաց» մաղթանքով: Բարի գալուստի խօսքով հանդէս եկաւ Առաջնորդական փոխանորդ Սրբազան Հայրը, որը ողջունելով ներկաներին, ընդհանուր գծերի մէջ անդրադարձաւ համագումարի նպատակի մասին, որը կրում էր «Իւրաքանչիւրս Աստծուց ընտրւած տնտեսներ ենք» թեման և ներկայացնելով ծրագրի հերթականութիւնը, հրաւիրեց Առաջնորդ Սրբազան Հօրը, որ կատարի օրւայ Աստւածաշնչական հատւածի սերտողութիւնը, որ քաղւած էր Ղուկասի Աւետարանից (ղկ 16.1-13) և խօսում էր տնտեսի առակի մասին:

Նախ ամփոփ անդրադառնալով մեր եկեղեցու Մեծ Պահոց ժամանակագրութեան մասին, Ս. Գրային Սերտողութեան ճամբով, Սրբազան Հայրը մասնաւորեց ու շեշտեց իւրաքանչիւրի դերակատարութիւնը, յանձն առած պաշտօնի ու պարտականութեան կարևուրութինը, ինչպէս նաև առանձնացրեց ու կարևորութեամբ մատնանշեց ճանաչողութիւնը յանձն առած պարտականութեան և պաշտօնին, որը առանցքն է կազմում որևէ առաքելութեան յաջողութեան: Նա իր ներկայացման մէջ յիշեցրեց ներկաներին, որ եկեղեցական խորհուրդները, որպէս մէկ ընտանիքի անդամներ հաւաքականօրէն պէտք է աշխատեն և համայնական շահը հետապնդեն միշտ իրենց ես-ը դէն գցելով՝ իբրև լոյսի որդիներ իրենց հայեացքն ուղղելով Քրիստոսին ու Նրա աստւածային պատւիրանների լոյսի տակ առաջնորդւեն:

Աւետարանական սերտողութեան աւարտին տեղի ունեցաւ մտածումների փոխանակում և հարց-պատասխան զրոյց: Ապա կէս ժամ դադար-հիւրասիրութիւնից յետոյ սկսւեց համագումարրի երկրորդ բաժինը, որտեղ ներկայացւեց մի դասախօսութիւն «Եկեղեցական Խորհուրդների Առաքելուիւթիւնը» խորագրով, ձեռամբ՝ Թեհրանի բարեխնամ առաջնորդ Գերշ. Տ. Սեպուհ Արք. Սարգսեանի:

Այստեղ Սրբազան Հայրը խօսելուց յետոյ, եկեղեցու Աստւածամարդկային կառոյց լինելու մասին և ակնարկելով նրա բոլորիս սեփականութիւնը լինելուն, յիշեցրեց, որ մեր բոլորի պարտականութիւնն է, որպէս առաքելութիւն Քրիստոսի մեզ յանձնած աշխատանքը շարունակել: Թէև շատ ծանր է մեր աշխատանքը, բայց որպէս քաղցր լուծ կրելու ենք և անձնուրացութեամբ հետևելու ենք մեր Փրկչին և օրինակւելու իրենից:

Նա խօսեց կատարւած աշխատանքի սիրով ու հաւատով զսպանակւած լինելու մասին, ինչպէս նաև շեշտեց հաւատարմութեան և հաշւետւութեան գիտակցութեամբ:

Սրբազան Հայրը խօսեց պարբերաբար մեր անձերը, գործը և աշխատանքը վերատեսութեան ենթարկելու մասին և մանաւանդ՝ եկեղեցու ներքին կեանքը բարելաւելու յետամուտ լինելու պատրաստակամութեան մասին:

Աւարտին տեղի ունեցան քննարկում, աշխատանքների արժևորում և առաջադրանքներ:

Համագումարն աւարտւեց գիշերւայ ժամը 8:30-ին:

Թեմի Քրիստոնէական Դաստիարակութեան բաժանմունք

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ