Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Արևագալի Արարողութիւն Սրբոց Վարդանանց Եկեղեցում

Թւականիս երեքշաբթի մարտի 6-ի առաւօտեան, Սրբոց Վարդանանց եկեղեցում տեղի ունեցաւ Արևագալի արարողութիւն, նախագահութեամբ Թեմիս Առաջնորդ՝ Գերշ. Տ. Սեպուհ Ս. Արք. Սարգսեանի և մասնակցութեամբ Առաջնորդական Փոխանորդ՝ Գերշ. Տ. Մակար Ս. Եպս. Աշգարեանի, բոլոր քահանայ հայրերի և հաւատացեալ ժողովրդի:

Արարողութեան աւարտին Սրբազան Հայրն իր քարոզն սկսեց սոյն բացատրութիւններով՝ «Աղօթքի և Աստւածապաշտութեան հիմնական և էական նպատակը մի կողմից Աստծուն փառաբանելն է և միւս կողմից նաև լուսաւորւել պաշտամունքից մեզ փոխանցւող լոյսով, որպէսզի կարողանանք մեր կեանքը Աստծու կամքի համաձայն ապրել»:

Մի ուրիշ բաժնում Սրբազան Հայրն աւելացրեց՝ «Քրիստոսն աշխարհ եկաւ, որպէսզի մեզ առաջնորդի, առաջնորդի յաւիտենական կեանքի: Նա Իր առաքելութեան սկսած ժամանակ ասաց՝ Ապաշխարեցէք, որովհետև մօտեցել է երկնքի արքայութիւնը: Հետևաբար, մենք պատրաստ պիտի լինենք երկնքի արքայութեան մուտք գործելու: Ապաշխարել ուրիշ բան չէ, եթէ ոչ աշխարհից ետ դարձ անենք դէպի Աստւած: Երբ դառնում ես դէպի Աստւած, այլ խօսքով դէպի գերագոյն Լոյս, այն ժամանակ քո կեանքի ճանապարհը լուսաւոր կը լինի և դու անսայթաքօրէն կը կարողանաս քայլել»:

Ապա բացատրելով Արևագալի արարողութեան մասին ասաց՝ «Մեր Արևագալի արարողութեան ընթացքին մենք երգում ենք՝ Լոյս, Արարիչ Լուսոյ, Առաջին Լոյս: Աստւած առաջին և Արարիչ Լոյսն է, որ լուսաւորում է ոչ միայն տիեզերքը, այլև մարդու միտքը և հոգին»: «Հետևաբար երբ կոչ ենք անում ապաշխարութեան, դառնալու դէպի Աստւած, այսինքն մենք դառնում ենք դէպի Լոյս, դէպի յաւիտենական կեանք», եզրափակեց Սրբազան Հայրը:

Եկեղեցական արարողութիւնից յետոյ, Սրբոց Վարդանանց եկեղեցու խորհուրդը, խորհրդի ժողովասրահում հիւրասիրեց Առաջնորդ Սրբազան Հօրը և քահանայ հայրերին:

ՏՕՆԵՐ

Կրօնական Տօների Օրացոյց


Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

Կիրակի 28 Ապրիլի 2024;
Սուրբ Խաչի Երեւման Տօն

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ