ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հաղորդագրութիւն

Ս. Սագիս եկեղեցու Եկեղեցական Խորհուրդը ուրախութեամբ զեկուցում է, որ համանուն Առաջնորդանիստ մայր եկեղեցու կառուցման եւ օծման 45- ամեակի նւիրւած տօնակատարութեան ծիրում՝ հոգեւոր երգչախմբային համերգի ներկայացման առումով, արդէն իսկ համապատասխան փորձերն ու աշխատանքները տարւում են։

Համերգը տեղի է ունենալու Մայիսի 17-ին Ս. Սարգիս առաջնորդանիսկ Մայր Եկեղեցում։ Երգչախումբը կազմւած է Թեհրանի եկեղեցիների երգեցիկ խմբերի եւ Անահիտ Միութեան «Զւարթնոց» երգչախմբի համատեղ անդամներից։ Համերգի ղեկավարութիւնը վստահւել է շատ սիրելի ու յարգելի պրն. էդիկ Թամրազեանին։

Առ այդ, արդէն իսկ շաբաթական երեք հանգրւաններով փորձերը մտերմիկ եւ ընկերային մթնոլորտում անցկացւում են Զէյթուն քաղաքամասի «Նայիրի» Մարզամշակութային Միութեան կից՝ «Անահիտ» միութեան սրահում։

Ծրագրին իրենց բաժինն են ունենալու նաեւ Էլպիս Ֆերահեան մանկապարտէզի երգչախմբի սանուկները։ Այդ առիթով թւականիս երկուշաբթի 12 մարտի առաւօտեան եւ հինգշաբթի 15 մարտի երեկոյեան առաջնորդական փոխանորդ՝ Գերշ. Տ. Մակար եպս. Աշգարեանը ընկերակցութեամբ Ս. Սարգիս եկեղեցու եկեղեցական խորհրդի ատենապետուհի՝ տիկ. Շաքէ Եղիայեանի, այցելեց թէ՛ մանկապարտէզ եւ թէ «Անահիտ» միութեան սրահ, ու ներկայ գտնւեց երեխաների փորձին։ Սրբազան Հայրը շատ գողտրիկ զրուցեց մանկապարտէզի երեխաների հետ, նրանց հետ խօսեց, երգեց, քաջալերեց, գնահատեց ու շնորհաւորեց ու իր հայրական սրտի խօսքն ու օրհնութիւնները փոխանցեց թէ տեսչական կազմին եւ թէ բալիկներին, նոյնը կատարեց նաեւ մեծերի փորձերին ներկայ գտնւած ժամանակ, որոնց յաւելեալ տեղեկութիւններով լուսաբանեց կատարւելիք համերգի, ներկայացւած երգերի, նրանց ունեցած հոգեւոր իմաստին ու արժէքին, յօրինումներին ու հեղինակների մասին, միաժամանակ փոխանցելով Առաջնորդ Սրբազան Հօր՝ Գերշ. Տ. Սեպուհ Ս. Արք. Սարգսեանի գնահատանքը, ուրախութիւնը, հայրական սէրը, բարեմաղթութիւններն ու օրհնութիւնները։

Թ.Հ.Թ. Ս. Սարգիս Եկեղեցու Եկեղեցական Խորհուրդ

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com