Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



«Հայ որբերի գորգի» մասին գրքի պարսկերէն եւ հայերէն տարբերակների շնորհանդէս՝ Հ.Ճ.Ճ.Մ.-ի նախաձեռնութեամբ

Ուրբաթ, մայիսի 18-ի երեկոյեան, Թեհրանի «Արտակ Մանուկեան» թանգարանում Հ.Ճ.Ճ.Մ.-ի նախաձեռնութեամբ տեղի ունեցաւ դոկտ. Յակոբ Մարտին Տէրեանի հեղինակած «Նախագահ Քալին Քուլիջը եւ հայ որբերի գորգը» գրքի պարսկերէն եւ հայերէն տարբերակների շնորհանդէսը:

Գիրքը անգլերէնից պարսկերէնի է թարգմանել Կարինէ Յարութիւնեանը, իսկ հայերէնի է թարգմանել Արմենուհի Բադալեանը: Գիրքը լոյս է տեսել Հայ մշակոյթի հիմնարկութեան (ԱՄՆ) նախաձեռնութեամբ:

Միջոցառման մեկնարկը տրւեց ՀՃՃՄ-ի վարչութեան նախագահ Վարուժան Եդգարեանի խօսքերով: Նա գրքի հրատարակման աշխատանքների համար ներկայ վարչութիւնից բացի, բարձր գնահատեց նոյն միութեան նախկին շրջանի վարչութեանը:

Օրւայ առիթով ելոյթներով հանդէս եկան Սեդա Թարվերդեանը եւ Գրիգոր Ղազարեանը: Առաջին բանախօսը «Հայ որբերի գորգի» գիրքը ներկայացնելով որպէս անուրանալի փաստարկ ծանրացաւ գրքի առանձանայատկութիւնների վրայ:

Գրիգոր Ղազարեանը ներկայացնելով գրքի մասին իր ուսումնասիրած ուղղւածութիւնը լսարանի հետ կիսւեց «Կանանց դերը ցեղասպանութեան ընթացքում» ուղղութեամբ:

Գրքի հայերէն եւ պարսկերէն տարբերակների շուրջ թարգմանիչների ելոյթներին յաջորդեց միջոցառման կապակցութեամբ Սրբազան Հօր օրհնանքի խօսքերն ու պատգամը:

Սրբազան Հայրը կարեւորելով Ցեղասպանութեան մասին նորանոր փաստերով աշխարհի հետ կիսւելու աշխատանքները իր եւ Թ. Հ. Թ. Թեմական խորհրդի ատենապետ Ռոբերտ Բեգլարեանի անունից պատրաստակամութիւն յայտնեց գրքի հրատարակմանը հարկաւոր արտօնագրի ձեռքբերման գործում համարժէք քայլեր ձեռնարկելը:

Թ. Հ. Թ. առաջնորդը նշեց նաեւ, որ նոյն որբանոցի սաներից մի քանիսը անցնելով եկեղեցական կեանքի, ծառայել են հայ ժողովրդին: Նա այստեղ յիշելով Ներսէս ծ. վրդ. Բաղդիկեանին (1961 -1965 թ.) նշեց, որ նա եւս եղել է նոյն որբանոցի որբերից, ով հետագայում անցնելով եկեղեցական կեանքի, Նոր Ջուղայի թեմում ծառայել է որպէս թեմակալ առաջնորդ:

Ծրագրի ընթացքում գեղարւեստական կատարումներով ելոյթներ ունեցան Մեղրի Բադալեանը (ասմունք) եւ Երազ Բանդարին (երգ):

Միջոցառման աւարտին Սրբազան Հօր ձեռամբ գնահատագրեր յանձնւեցին գրքի թարգմանիչներին եւ օրւայ բանախօսներին, ինչպէս նաեւ ՀՃՃՄ-ի նախորդ շրջանի վարչութեան ներկայացուցիչներին:


Լուրը քաղւած է «Ալիք»-ից

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ