Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԻՐԱՆԻ ԴԵՍՊԱՆԱՏՆԵՐԻ ՄՇԱԿՈՒԹԱՅԻՆ ԿՑՈՐԴՆԵՐԸ՝ ԱԶԳԱՅԻՆ ԱՌԱՋՆՈՐԴԱՐԱՆՈՒՄ

Իրանի քաղաքամշակութային դիւանագիտութիւնը արտացոլող Իրանի դեսպանատների մշակութային կցորդները, երեքշաբթի, յունիսի 19-ին այցելեցին Թեհրանի ազգային առաջնորդարան:

Ազգային առաջնորդարանի դահլիճում հիւրերին դիմաւորեցին Թեհրանի հայոց թեմի առաջնորդ Տ. Սեպուհ արք. Սարգսեանը, Թ. Հ. Թ. Թեմական խորհրդի ատենապետ՝ Ռոբերթ Բեգլարեան, փոխատենապետ՝ Վարուժ Յովհաննիսեան եւ դիւանապետ՝ Սերոժ Օհանեանը: Առաջնորդ Սրբազան Հայրը նախ բարի գալուստ մաղթեց իրենց և իր ուրախութիւնը յայտնեց այս հանդիպման համար:

Թեմակալ առաջնորդը շեշտեց, որ Իրանն աւելի քան 3000 տարւայ իր քաղաքակրթութեամբ և մշակութային ժառանգութեամբ հսկայ գանձ է, որը պէտք է լաւ ձևով ներկայացւի աշխարհին: Նաև շեշտելով, որ Իրանը հազարաւոր տարիներ առաջ եղել է տարբեր կրօնների համակեցութեան կենտրոն և օրրան, որը մատնանշւած է նաև Աստւածաշնչի մէջ, ուրախութիւն յայտնեց, որ մենք ապրում ենք Միջին Արևելքում և այս պարագային Իրանում, որտեղ տակաւին կրօնն իր իրական ներկայութիւնն ունի:

Սրբազան Հայրը նշեց նաև հայերի ու Իրանի ժողովրդի աւելի քան 3000 տարիների կապերի մասին, շեշտեց թէ հայ ժողովրդի զաւակները կապւած են Իրանին և Իրանի Ժողովրդին և դա արդիւնքն է եղել երկու ժողովրդների մշակութային, զինւորական, պատմական, ընկերային և տնտեսական խոր կապերի: «Մեր մեծագոյն պարտականութիւնը, իբրև Իրանի քաղաքացիներ, այն է, որ պէտք է աշխատենք մեր երկրի պատկերը լաւագոյն կերպով ներկայացնենք աշխարհին»- եզրակացրեց Սրբազան Հայրը:

Մշակութային կցորդներին ընկերակցում էին Իսլ. մշակոյթի ու կապի կազմակերպութեան ներկայացուցիչները:

Ընթացքում մշակութային կցորդները հարցերով դիմեցին Առաջնորդ Սրբազանին և ստացան գոհացուցիչ պատասխաններ: Նրանք փոխադարձաբար շնորհակալութիւն յայտնեցին նման առիթի ստաեղծման համար և ընդգծեցին, որ այս հանդիպման մասին կը փոխանցեն ամենուր:

Մշակութային կցորդներն ուկարկւելու են՝ Ռուսաստան, Պակիստան, Աֆղանստան, Ինդոնեզիա, Ալ Ջիրիա, Սերբիա և այլուր:

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ