ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ՎԱՐԴԱՎԱՌԻ Տօնակատարութիւն Կ.Օ.Մ.-ի Հովանաւորութեան Ներքոյ գտնւող ընտանիքների համար

Թեհրանի Հայոց Թեմի Կարիքաւորներին Օժանդակող Մարմնի (Կ.Օ.Մ.) նախաձեռնութեամբ, երեքշաբթի յուլիսի 10-ին, կազմակերպւեց դաշտահանդէս՝ « Վարդավառ»-ի, Քրիստոսի այլակերպութեան ու պայծառակերպութեան տօնի առիթով, մեր կարիքաւոր համայնքի համար, Նայիրի համալիրի շրջափակում:

Ծրագրին ներկայ էին Թեմական Խորհրդի անդամներից՝ պարոնայք Սերոժ Մատթէոսեանն ու Արամ Նովշադեանը, Կ.Օ.Մ.-ի յանձնախումբը, արժ. Տ. Կոմիտաս քհնյ. Ղարախանեանը, Սրբոց Թարգմանչաց եկեղեցու Կանանց Եկեղեցասէր Միութեան անդամների ներկայացուցիչները, «Սահակեան» Ազգային Բարեսիրական Կենտրոնի Վարիչ մարմինը, պաշտօնեան ու բնակիչները, նոյն համալիրում աշխատող՝ Արմենուհի Միութեան և Աշխարհատեսների Հայկական Կենտրոնի անդամներից և մեծ թւով հայրենակիցներ:

Նախ տկն. Մայրենի Յովասափեանը բացատրեց Վարդավառ բառի ստուգաբանութեան և մեկնաբանութեան մասին ըստ՝ Հայր Ղևոնդ Ալիշանի, Ղափանցեանի և Մելիք Փաշաեանի, որպէս հեթանոսական շրջանից՝ «Անահիտ և Աստղիկ» դիցուհիների պաշտամունքներից մնացած տօն, ու պատմական Հայաստանում նոյն տօնին կատարւող «Պասալու» ձիավարութեան ու գետի կամ լճի ջրում ցատկման մասին:Նաև «Վարդավառ» տօնի հեթանոսական շրջանից մնացած աւանդութիւնը, Ս. Գրիգոր Լուսաւորչի միջոցով կապւած քրիստոնէական «Քրիստոսի Այլակերպութեան ու Պայծառակերպութեան» տօնին:

Ապա Արժ. Տ. Կոմիտաս քհնյ. Ղարախանեանը բացատրեց Յիսուսի ու նրա երեք առաքեալների՝ Պետրոսի, Յակոբոսի ու Յովհաննէսի հետ բարձրացած Թափոր լեռան վրայ և կատարւած Քրիստոսի պայծառակերպութեան հրաշալի երևոյթի մասին, երբ հանդիպեց Մովսէս ու Եղիա մարգարէներին, որոնք Յիսուսին պատրաստում էին Երուսաղէմում կայանալիք չարչարման ու խաչման իրադարձութիւններին: Տ. Կոմիտասը հաւատացեալներին քարոզելով Քրիստոսի խաչման ու զոհողութեան կարևորութեանը համայն մարդկութեան փրկութեան համար, բոլորին յորդորեց, որ հաւատարիմ մնան Հայ Առաքելական եկեղեցու դաւանանքներին:

Դաշտահանդէսին հնչեցին կենդանի երաժշտութեամբ ուրախ երգեր ու մթնոլորտը ընդառաջւեց ներկաների պարերով: Նաև նւէրներ ստացան նոյն տօնին կապւող անուններ ունեցող անհատներ:
Ընթրիքը մատուցելուց յետոյ, Կ.Օ.Մ.-ի ատենապետ՝ պրն. Մուշեղ Ծատուրեանը լրիւօրէն բացատրեց մարմնի ուղեգծի և յանձնախմբի անդամների տքնաջան աշխատանքների մասին, իրենց առաքելութիւնը կատարելու մեր համայնքի համար: Նաև արտայայտեց, որ տնտեսական սղաճի օրէցօր բարձրացման պատճառով ու մեր կարիքաւորների թիւը շատանալով, մարմինն աւելի յետամուտ է տարբեր կազմակերպութիւնների հետ համագործակցելու և օժանդակութեան հնարաւորութիւններ հայթայթելու համար:

Դաշտահանդէսը աւարտւեց գիշերւայ ուշ պահին , ուրախութիւն պատճառելով ներկաներին:

Կ.Օ.Մ.-ի գրասենեակ

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com