ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հանդիպում Նորւեգացի Լրագրողի Հետ

Թւականիս սեպտեմբերի 26-ին, Թ. Հ. Թեմի Թեմական Խորհրդի փոխատենապետ՝ պրն. Վարուժ Յովհաննիսեանը հանդիպեց նորւեգացի լրագրող՝ տկն. Թով Գրադւալի հետ, որը ներկայացնում էր Մորգէնբլադէթ լրատւական հաստատութիւնը:

Թով Գրադւալը, 1988 թւականի Հայաստանի Սպիտակ քաղաքի աղետալի երկրաշարժից յետոյ, առաջին անգամ այցելել է Հայաստան:  Այնուհետև շարունակել է աշխարհի տարբեր շրջաններում ուսումնասիրել հայերի մասին:  Վերջին անգամ 2005 թւականին եղել է Հայաստանում և շրջել համարեա բոլոր եկեղեցիները:

Նա Իրանում հայ համայնքի կեանքի վերաբերեալ հարցեր ուղղեց և Պրն. Յովհաննիսեանը մանրամասնօրէն պատասխանեց բոլոր հարցերին, ընդորում իրանահայ դպրոցների, միութիւնների, մշակութային և կրօնական կենտրոնների և համայնքի բարւոք վիճակի մասին:

Վերջում, երբ Գրաւդալն իմացաւ, որ Ս. Աստւածածին եկեղեցու շրջափակում 3 Սիրիահայ ընտանիքներ են ապրում, որոնք գաղթել են Իրան, և որոնց Թեհրանի Հայոց Առաջնորդարանը հովանաւորում է, բաւականին զարմացաւ և մեծ հետաքրքրութիւն յայտնեց այդ ընտանիքներին այցելելու և իրենց հետ հարցազրոյց ունենալու համար:

Պրն. Յովհաննիսեանի ուղղութեամբ, այցելուները մեկնեցին Ս. Աստւածածին եկեղեցի, ուր այցելեցին եկեղեցին և Արտակ Մանուկեանի անւան թանգարանը:  Այնուհետև մէկ ժամից աւել հարցազրոյց են ունեցել Սիրիահայ ընտանիքների անդամների հետ, որից յետոյ մեծ գոհունակութեամբ թողել են շրջապատը:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com