ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԿԱՐԵՒՈՐ ԱԶԴ

Այսու յայտնում ենք Թեհրանի թեմի մեր հաւատացեալ ժողովրդին, որ երկուշաբթի, օգոստոսի 6-ի առաւօտեան, թեմիս առաջնորդ Գերշ. Տ. Սեպուհ Ս. Արք. Սարգսեանի հրաւէրով գումարւեց Կրօնական Խորհրդի նիստ մասնակցութեամբ բոլոր քահանայ հայրերի, եկեղեցիների Եկեղեցական Խորհուրդների ներկայացուցիչների եւ հայ լուսանկարիչների ներկայացուցիչների։

Հանդիպման հիմնական նպատակը, մեր ժողովրդի գիտակցութեան մէջ, մի անգամ եւս, վերակենդանացնելն է եկեղեցու եւ եկեղեցում կատարւող խորհուրդների նկատմամբ քրիստոնէավայել, հայավայել, լուրջ ու վայելուչ կեցւածք ցուցաբերելը։

Ցաւով տեսնում ենք թէ ինչպէս կանայք անվայել հագուստներով, չասելու համար, կիսամերկ, իսկ այր մարդիկն էլ անյարգալից ձեւով մասնակցում են կրօնական արարողութիւններին, յատկապէս պսակի եւ մկրտութեան խորհուրդներին։

Առաջնորդ Սրբազանն ու ժողովականները մատնանշեցին խոցելի եւ եկեղեցու կեանքում անյարիր երեւոյթները։ Այս երեւոյթներից մէկը ուշացումով արարողութեան ներկայ լինելն, հարսի ու փեսայի ուշացումն են որով ամբողջ եկեղեցական կարգն է խանգարւում։

Ժողովականները որոշեցին, մի անգամ եւս, յատուկ գրութեամբ, խոստումնագրով պսակւողների եւ պսակի մասնակցողների ուշադրութեան յանձնել ուշացումների եւ նրանց հետեւանքների պարագան։

Աշխարհով մէկ եկեղեցու խորհուրդների՝ Ս. Պատարագի, Պսակի եւ Մկրտութեան արարողութիւններին հաւատացեալները ճիշդ ժամանակին են ներկայ գտնւում։ Ուշացումը անյարգութիւն է պսակի հրաւիրեալներին։

Սթափի՛ր սիրելի ժողովուրդ եւ յարգիր քո հայրերի ու սրբազան եկեղեցուդ կարգն ու կանոնը։

Թ. Հ. Թ. ԿՐՕՆԱԿԱՆ ԽՈՐՀՈՐԴ

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com