Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Ողջոյնի, սիրոյ եւ օրհնութեան խօսք

Սիրելի աշակերտ-աշակերտուհիներ,

Քրիստոնէական ջերմ սիրով եւ օրհնախառն աղօթասացութեամբ ողջունում եմ ձեզ բոլորիդ 2018-2019 դպրոցական տարեշրջանի այս առաջին ժամին, շնորհաւորում եմ ձեզ վերամուտի առիթով եւ բեղուն, արդիւնաշատ, յաջողութեամբ լեցուն տարի եմ մաղթում բոլորիդ։

Մարդկային կեանքի շարունակականութեան երաշխիքն է մեր ամենամեայ վերամուտի այս արարողութիւնը, որ միաժամանակ վկայութիւնն է մեր հաւատքի ու յանձնառութեան մեր կոչումին ու առաքելութեան նկատմամբ։

Այո՛, սիրելի աշակերտներ եւ աշակերտուհիներ մեր կոչումն ու առաքելութիւնը այն է որ հետամուտ լինենք մեր ինքնութեան, մեր ազգային ու հոգեւոր արժէքների պահպանման։ Այդ արժէքների գլխաւորագոյնները մեր լեզուն, հաւատքը, մշակոյթն ու պատմութիւնն են, որոնք մեզ անքակտելիօրէն կապում են նաեւ մեր պատմական հայրենիքին եւ անժամանցելի պահանջատիրական պայքարին։

Դպրոցը, եկեղեցին ու ընտանիքը գլխաւոր այն միջավայրն են, որտեղ արմատաւորւելու են հոգեւոր եւ ազգային այդ արժէքները։ Արտահարենիքեան մեր կեանքում, մշակութային-մարզական միւթիւններն, մամուլն ու լսա-տեսողական միջոցները իրենց կարգին կարող են առաւել լիցք տալ այդ աշխատանքներին։

Առանց մեր մայրենի լիզւի ու պատմութեան իմացումի մեր կեանքը պարպւում է իր իսկական էութիւնից։ Հայոց պատմութիւնը մեր կենսագրութիւնն է, մենք մեզ ճանաչելու ենք, որպէսզի կարողանանք շարունակել մեր ստեղծագործ, շինարար եւ կառուցողական կեանքը։

Երեք տարիներ առաջ ազգովին նշեցինք Հայոց Ցեղասպանութեան հարիւրամեակը եւ այդ առիթով ուխտեցինք վերանորոգ հաւատքով շարունակել մեր պահանջատիրական պայքարը։ Այս տարի ոգեկոչեցինք եւ դեռ ոգեկոչելու ենք Հայաստանի առաջին հանրապետութեան անկախութեան հարիւրամեակը, որով ուխտեցինք այդ հանրապետութիւնը կերտողների պատգամները մեր կեանքի սկզբունք դարձնել եւ ըստ այնմ շարունակել մեր կեանքը, մեր աչքերը միշտ յառած պահելով Արարատի գագաթին, այն խոր համոզումով, որ նա մի օր էլի իր իրաւատիրոջ վերադառնալու է։ Սա մեր պատմութիւնն է եւ դուք սիրելիներ պիտի՛ սովորէք այս բոլորը։ Լաւ իմացէք որ ազգերը ապրում եւ սնւում են իրենց պատմութեամբ եւ գոյատեւում՝ իրենց հայրենիքով։

Վարամուտի առիթով իմ թելադրանքն ու պատգամը ձեզ սիրելիներ այն է, որ սիրէք ձեր մայրենի լեզուն, ամուր պահէք ձեր քրիստոնէական հաւատքը եւ կառչած մնաք մեր հոգեւոր եւ ազգային արժէքներին։ Դպրոցը մեր երկրորդ տունն է ու փոքրիկ հայրենիքը, որտեղ դուք ամէն օր մի քիչ մեծանալու էք եւ մարմնով եւ մտքով։

Այս մտածումներով, մի անգամ եւս, շնորհաւորում եմ ձեզ եւ ձեր տեսուչին, ուսուցիչներին, ծնողներին եւ ողջ պաշտօնէութեան, մաղթելով որ իւրաքանչիւրը իր առաքելութեան եւ կոչումին համապատասխան աշխատանքով իր ժամանակը անժամանակ դարձնէ։

Այս տարւայ մեր նշանաբան պատգամը թող լինի Սաղմոսի հետեւեալ խօսքը. -

«Կուզե՞ս երկար կեանք ունենալ,
Կուզե՞ս բարի օրեր տեսնել.
Լեզուդ չարախօսութեան մի ծառայեցրու
Շուրթերդ բնաւ թող նենգութիւն չխօսին։
Հեռու մնայ չարիքից եւ միայն բարի՛ք գործիր,
Խաղաղութիւն կամեցիր եւ միայն դա՛ հետապնդիր»։

Աստւած օրհնէ ձեզ, Ամէն։

ԱՂՕԹԱՐԱՐ՝
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

 

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ