ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ՍՐԲՈՑ ԹԱՐԳՄԱՆՉԱՑ ԵԿԵՂԵՑՈՒ ՀԻՄՆԱԴՐՄԱՆ 50-ԱՄԵԱԿ

Կիրակի, 2018 թւի Նոյեմբերի 4-ին, տեղի ունեցաւ եպիսկոպոսական Ս. և անմահ պատարագ, նւիրւած Սրբոց Թարգմանչաց Եկեղեցու հիմնադրման 50-ամեակին:

Սրբոց Թարգմանչաց եկեղեցում պատարագեց և յաւուր պատշաճի քարոզեց Թեմիս Առաջնորդ Գերշ. Տ. Սեպուհ Ս. Արք. Սարգսեանը:

Սրբազան հայրը քարոզի սկզբին խօսելով ընդհանրապէս եկեղեցիների մասին ասաց. «Քրիստոնէական հասկացողութեամբ եկեղեցին մենք ենք, իսկ շէնքը և կառոյցը մեզանով է, որ վերածւում է տաճարի, շնչաւորւում և դառնում մեղքերի քաւութեան վայր և սրբերի ժողովարան»:

Իր խօսքի միւս բաժնում Սրբազան հայրը հակիրճ բացատրելով եկեղեցու կառուցման պատմութեան մասին, ասաց. «1962 թւականին Իրանի կենտրոնական նահանգում ահաւոր երկրաշարժ տեղի ունեցաւ, որի հետևանքով հազարաւորներ զոհ գնացին: Մեր ժողովրդից շատերը ապաստան գտան նաև Թեհրան և իրենց հայ քոյրերի և եղբայրների, մեր համայնքի նաև արտաքին աշխարհի քրիստոնեայ հաւաքականութիւնների օժանդակութեամբ կարողացան յաղթահարել այն դժւարութիւններին, որին ենթարկւել էին: Ինչպէս Հոլանդիայի Կարմիր Խաչի Կազմակերպութիւնը, որն ամենաարագ և լաւագոյն ձևով օգնութեան հասաւ և այստեղ բնակարաններ կառուցելով օժանդակեց մեր ժողովրդին»:

Ապա անդրադառնալով եկեղեցու 50 տարիների աշխատանքներին, աւելացրեց՝ «Այսօր երբ 50 տարիների հեռաւորութիւնից դիտում ենք անցեալ տարիները, գոհութիւն և փառք ենք յայտնում Աստծուն, որ մեր ժողովուրդն իր այդ տառապալից կեանքից յետոյ կարողացաւ յաղթահարել այդ բոլորին և Աստծու օրհնութեամբ և շնչով և մեր ժողովրդի համատեղ գոյակցութեամբ ապրել իր կեանքը, ստեղծագործական իր ընթացքով»:

Քարոզից յետոյ, Սրբազան Հայրն ընթերցեց Եկեղեցու 50-ամեակին նւիրւած Մեծի Տանն Կիլիկիոյ Կաթողիկոս Արամ Ա վեհափառ Հայրապետի ոսկետառ կոնդակը:

Ապա եկեղեցու հանգուցեալ հիմնադիրների, բարերարների, 50 տարւայ ընթացքում ծառայած քահանաների- տիրացուների, եկեղեցու խորհուրդների անդամների և սոյն եկեղեցու Եկեղեցասէր Կանանց Միութեան ննջեցեալ անձանց հոգիների խաղաղութեան համար կատարւեց հոգեհանգստեան արարողութիւն։

Ս. պատարագին ներկայ էին շրջանի մի քանի պատգամաւորներ, Պատգամաւորական Ժողովի և Թեմական Խորհրդի ներկայացուցիչներ, Մեծի Տանն Կիլիկիոյ Կաթողիկոսութեան Ազգային Կենտրոնական Վարչութեան Քաղաքական Ժողովի անդամ՝ պրն. Թովմաս Թովմասեանը, պրն. Վարդան Վարդանեանը և հոծ բազմութիւն:

Յաւարտ Ս. պատարագի, սոյն տօնի առիթով եկեղեցական խորհուրդը յոբելեանական հանդիսութիւն էր կազմակերպել, որին ներկայ եղան եկեղեցական խորհրդի կողքին թաղամասի պատգամաւորները, Կրօնական և Թեմական Խորհուրդների ներկայացուցիչները, շրջանի դպրոցների ուսուցիչներ, եկեղեցական խորհուրդների ներկայացուցիչներ եւ այլ բարերար հրաւիրեալներ։

Վերջում, Սրբազան Հայրը, եկեղեցու խորհրդին նւիրեց Վեհափառի ոսկետառ կոնդակը:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com