ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Նշւեց «Սօսէ Մայրիկ» հանգստեան տան հիմնադրման 40 ամեակը

Թւականիս Նոյեմբերի 16-ին, թեմիս բարեխնամ առաջնորդ Գերշ. Տ. Սեպուհ արք. Սարգսեանի հովանաւորութեամբ, Թեհրանի Հայ Կանանց Բարեգործական ընկերութիւնը տօնեց իր հովանու ներքոյ գտնւող «Սօսէ Մայրիկ» հանգստեան տան հիմնադրման 40-ամեակը:

Ձեռնարկին ներկայ էին Գերշ. Տ. Սեպուհ արք. Սարգսեանը, Գերշ. Տ. Մեղրիկ Ս. եպս. Բարիքեանը, Վերապատւելի Սերգէյ Շահւերդեանը, ազգային և կրօնական մարմինների և միութիւնների ներկայացուցիչները, «Սօսէ Մայրիկ» ծերանոցի բնակիչներն ու աշխատակազմը և ընկերութեանս անդամուհիները:

Սկզբում ընկերութեանս նախագահուհի՝ տկն. Անահիտ Զարգարեանն իր բարեգալստեան խօսքը ուղղեց ներկաներին և ամփոփ տեղեկութիւններ փոխանցեց «Սօսէ Մայրիկ» Ծերանոցի գործունէութեան մասին:

Ծրագրի գեղարւեստական բաժնում երգով և արտասանութեամբ հանդէս եկան օր. Օֆիկ Մատթէոսեանը և օր. Ալենուշ Իսաղուլեանը, իսկ ներկաներից նաև իրենց ինքնակամ երգերով առաւել ճոխացրին ձեռնարկը:

Օրւայ առիթով պատրաստւած կարկանդակը կտրւեց սրբազան հօր և միութեանս վետերան անդամուհիներ՝ տիկնայք Զապել Թարվերդեանի և Այդա Եահինեանի միջոցով: Վերջում սրբազան հայրն իր հայրական խօսքն ուղղեց ներկաներին:

Հարկ ենք համարում նաև նշել, որ «Սօսէ Մայրիկ» ծերանոցի որոշ բնակիչներ, վատառողջ լինելու բերումով, անկարող էին մասնակցել վերոյիշեալ ձեռնարկին ուստի և այդ պատճառով, նոյեմների 24-ին, ծերանոցի հիմնադրման 40-ամեակի առիթով, վարչութեանս անդամուհիներն այցելեցին ու ճաշ հիւրընկալեցին «Սօսէ Մայրիկ» հանգստեան տան բնակիչներին և ուրախ ու մտերմիկ մթնոլորտում վայելեցին զւարճալի պահեր:

Թեհրանի Հայ Կանանց Բարեգործական ընկերութիւն

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com