Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Ս. Սարգսի Տօնի առիթով Հսկումի արարողութիւն և «Աղի օրհնութիւն» Ս. Սարգիս Առաջնորդանիստ Մայր Եկեղեցում

Սուրբ Սարգսի Տօնի առիթով, ուրբաթ, 15 փետրւար, 2019-ի երեկոյեան ժամը 6։00-ին տեղի ունեցաւ հսկումի արարողութիւն, նախագահութեամբ թեմիս բարեխնամ առաջնորդ գերշ. Տ. Սեպուհ Ս. արք. Սարգսեանի:

Հսկումի արարողութեան աւարտին հանդիսապետութեամբ եւ ձեռամբ Առաջնորդ Սրբազան Հօր, տեղի ունեցաւ «ԱՂԻ ՕՐՀՆՈՒԹԻՒՆ», որով պատրաստւելու էր «ՀԵՐԻՍԱ» Ս. Սարգսի տօնի առիթով:

Սրբազան Հայրն իր քարոզի ընթացքին, ասաց. «Աղի օրհնութիւնը, մեր եկեղեցու ամենահին և նւիրական արարողութիւններից մէկն է եղել, որ սերտօրէն առնչւած է որևէ մի եկեղեցու անւանակոչութեան և մատաղի օրհնութեան հետ»: Ապա դիմելով ներկաներին և մանաւանդ երիտասարդ-ուհիներին ասաց՝ «Մեր ժողովուրդը, Ս. Սարգսի նախատօնակին միացրել է նաև երիտասարդների և երիտասարդութեան օրը, որովհետև Ս. Սարգիսը, այնպէս ինչպէս աւանդութիւնն է պատմում մեզ, քրիստոնեայ մի կոյսի ազատում է հեթանոս թագաւորի ձեռքից և նրան փախցնում և տանում է Հայաստան և այնտեղ նա Տիրան հայոց թագաւորի մօտ է մնում»: «Այս պատմութեան շուրջ ժողովրդական աւանդութիւնները շատացել են, որոնք նպաստում են ժողովրդի հաւատքի զարգացմանը: Աւանդութիւնները պահելը և վերականգնելը նոյնքան նւիրական է և մեզ ներշնչող»- յաւելեց Առաջնորդ Սրբազանը:

Աղի օրհնութեան մասին, Սրբազան Հայրը բացատրեց՝ «Երբ աղը կօրհնենք, կը յիշենք Քրիստոսի այն խօսքը, որ ասեց իր ժողովրդին և առաքեալներին՝ Դուք էք աղը երկրի: Աղը համեմն է ճաշի, ճաշը պահպանողն է: Աղը քրիստոնէական մեր հասկացողութեամբ մեզ սրբող, մեզ զօրացնող և մեզ համեմող իրականութիւնն է»:

Նկատի ունենալով, որ Սուրբ Սարգիսը մանաւա՛նդ երիտասարդների պաշտպան եւ մուրատատու (Մուրազ տւող) սուրբ է, քարոզի աւարտին, Առաջնորդ Սրբազան Հայրը բոլոր երիտասարդներին նւիրեց «Օրհնւած Խաչ» և Ս. Սարգսի պատկերը, նաև աւանդական «աղի բլիթ»: Օրհնւած աղն էլ բաժանւեց մեր ժողովրդի զաւակներին։

Աղի օրհնութիւնից յետոյ, եկեղեցու բակում տեղի ունեցաւ ժողովրդական տօնախմբութիւն և հիւրասիրութիւն, պատրաստւած Ս. Սարգիս եկեղեցու եկեղեցական խորհուրդի կողմից:

Նոյն գիշեր, երեկոյեան ժամը 9։00-ին, տեղի ունեցաւ «Խաղաղական Ժամերգութիւն» որի աւարտին քարոզեց Սրբազան հայրը «ՀԱՅ ԵԿԵՂԵՑՈՒ ՍՐԲԱԿԵՆՑԱՂ ԵՒ ՄԵԾԱԳՈՐԾ ԴԷՄՔԵՐ» մասին: Իսկ կէս գիշերւայ ժամը 12-ին տեղի ունեցաւ «Հանգստեան Ժամերգութիւն», որի աւարտին քարոզեց՝ Գերշ. Տ. Մեղրիկ Սրբ. Եպ. Բարիքեանը, նիւթ առնելով՝ «ՍՈՒՐԲ ՍԱՐԳԻՍՆ ՈՒ ՆՐԱ ՈՐԴԻ ՄԱՐՏԻՐՈՍԸ»: Ապա «ՏԷՐ ՈՂՈՐՄԵԱ՜», աշխարհի խաղաղութեան, բոլոր հիւանդների առողջութեան և ննջեցեալների հոգիների խաղաղութեան համար։

Շաբաթ, 16 Փետրւարի առաւօտեան, ժամը 3։00-ին կատարւեց «Գիշերային Ժամերգութիւն», ապա «ՀԵՐԻՍԱՅԻ ՊԱՏՐԱՍՏՈՒԹԻՒՆ»։

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com