Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հանդիսաւոր Ս. Պատարագ և Մատաղօրհնէք՝ Ս. Սարգիս Զօրավարի տօնի առիթով

Շաբաթ 17 յունւարին, Ս. Սարգիս Զօրավարի և իր որդու՝ Մարտիրոսի, նաև 14 զինակիցների յիշատակի տօնի առիթով, մատուցւեց հանդիսաւոր Ս. եւ Անմահ Պատարագ Ս. Սարգիս եկեղեցում, պատարագեց եւ յաւուր պատշաճի քարոզեց թեմիս բարեխնամ Առաջնորդ՝ Գերշ. Տ. Սեպուհ Ս. Արք. Սարգսեանը: Սոյն տօնը նաև անւանակոչութեան տօնն է Ս. Սարգիս առաջնորդանիստ մայր եկեղեցու:

Քարոզից առաջ, Ս. Միւռոնով օծւեց Ս. Սարգիս Զօրավարի նկարը, որը նւիրւել է եկեղեցուն Աշգարեան ընտանիքի կողմից ի յիշատակ Հայկազ Աշգարեանի:

Սրբազան Հայրն իր քարոզի ընթացքին ասաց՝ «Ս. Սարգիսը, իր որդին և իր նահատակ ընկերները հանդիսացան այն անձինք, որոնք հաւատացին Քրիստոսին և իրենց հաւատքը չմնաց միայն խօսք և արտայայտութիւն: Նրանք երբ ասացին հաւատում ենք Քրիստոսին, իրօք հաւատացել էին և արհամարհելով ամէն տեսակի դժւարութիւն, խոչընդոտ և արհամարանք, իրենց կեանքը ամբողջութեամբ նւիրաբերեցին Քրիստոսին, որովհետև մի անգամ խոստովանել էին նրան որպէս Տէր և Փրկիչ »:

Իր քարոզի մի այլ բաժնում Սրբազան Հայրը խօսելով սրբերի մասին, շեշտեց՝ «Սուրբն այն մարդն է, որ նախ ունի մարդկային կոչում և քրիստոնէական հաւատքին հաւատարիմ ապրում է և գործում: Սուրբն է այն, որ իր գործի մէջ պարկեշտ և ազնիւ է, որ իր առաքելութիւնը կատարում է ամենայն բծախնդրութեամբ և հաւատարմութեամբ, իր աղօթքով Ասծուն է փառաբանում յարատև կերպով, Աստծու խօսքով է իր օրն սկսում և նրանով իր օրը արժևորում է և փառաւորում, իր աչքերը միշտ երկինք յառած Աստծուց առաջնորդութիւն է հայցում, որպէսզի չսայթաքի իր երկրաւոր կեանքում: Սուրբն նա է, որ Քրիստոսի սիրով լցւած, նախանձով չի դիտի իր նմանին, չի հպարտանայ, ուրիշի ունեցածին աչք չի դնի և ամենից կարևորը՝ իր նմանին կը սիրի իր անձի պէս»:

Սրբազան Հայրն բացատրելով սրբերի նկարների մասին աւելացրեց՝ «Մեր ժողովուրդն իր հայրենի նահատակների և կրօնական ճշմարտութեան համար զոհւածների յուշարձաններն է կառուցում, երկրի վրայ նաև անմահացնելու իրենց յիշատակը: Ամէն անգամ մենք նայելով այդ սրբապատկերներին, պատկերից այն կողմ սուրբի կեանքը և հաւատքն ենք տեսնում: Երբ կանգնում ենք սրբերի պատկերի առաջ, ոչ թէ նիւթեղէնն ենք տեսնում և պաշտում, այլ սուրբի հաւատքն ենք պատկերացնում, իր անասելի չարչարանքները, որը տարաւ ի սէր Քրիստոսի հաւատքին»:

Պատարագի աւարտին, եկեղեցու բակում տեղի ունեցաւ մատաղի (հերիսայի) օրհնութիւն և ապա հոգեհանգստեան արարողութիւն եկեղեցու հիմնադիր բարերարների՝ Սարգսեան ընտանիքի մահացած անդամների հոգիների խաղաղութեան համար, առողջութիւն ու Աստւածային առաջնորդութիւն մաղթելով իրենց զաւակներին և թոռներին:

Այնուհետև, օրհնւած աւանդական հերիսան բաժանւեց բոլոր հաւատացեալներին:

Նոյն օրը, ճաշին, այս տօնի առիթով, Ս. Սարգիս եկեղեցու խորհուրդը, «Հ.Բ.Ը. Միութեան» սրահում, ճաշկերոյթ էր կազմակերպել, քահանայած դասի, Թեհրանի բոլոր եկեղեցիների խորհրդների անդամների, դպրաց դասի և Ս. Սարգիս եկեղեցու բարերարների համար:

Յայտնենք նաև Ս. Սարգսի տօնին նախորդող ամբողջ շաբաթ, երեկոները, Ս. Սարգիս առաջնորդանիստ եկեղեցում տեղի ունեցաւ հսկում և ժամերգութիւն քահանայ հայրերի կողմից:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com