Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հ. Ուս. «Չհարմահալ» միութեան նախաձեռնութեամբ Հայոց Ցեղասպանութեան 104-րդ տարելիցին նւիրւած ծրագիր

Հայոց Ցեղասպանութեան 104-րդ տարելիցին նւիրւած միջոցառումների շարանում, կիրակի ապրիլի 28-ի երեկոյեան Հ. Ուս. «Չհարմահալ» միութեան «Յ. Թումանեան» սրահում, միութեան նախաձեռնութեամբ կազմակերպւել էր բանախօսական գեղարւեստական ծրագիր:

Ներկաներին ողջունեց եւ բանասախօսին բեմ հրաւիրեց միութեան վարչութեան նախագահ Արշաւիր Քեշիշեանը:

Օրւայ բանախօս էր հրաւիրւել Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, ով անդրադառնալով Հայոց Ցեղասպանութեան իրաւական կարգավիճակին ընդգծեց, որ անհրաժեշտ է մեր երիտասարդներին զինենք ազգային ազատագրական վսեմ գաղափարներով եւ ոչ թէ լոկ ատելութեան զգացումով: Բանախօսը անդրադարձաւ այն հանգամանքին, որ Օսմանեան կայսրութիւնը եւ դրա իրաւայաջորդ Թուրքիայի Հանրապետութիւնը իրականացրել են առնւազն հինգ ազգերի կամ էթնիկական կրօնական խմբերի դէմ ցեղասպանութիւն, այսինքն մարդու դէմ ամենախստագոյն ոճիրը: Բանախօսը շեշտը դրեց այն համգամանքի վրայ, որ եթէ օրերից մի օր Թուրքիան ճանաչի Հայոց Ցեղասպանութիւնը լաւագոյն դէպքում այն կը հատուցի նիւթականով, բայց չէ որ Ցեղասպանութեան հիմնական նպատակըՀայաստանին տիրանալն էր եւ կարեւորեց տարածքային պահանջատիրութիւնը, որը ամրագրւած է Վիլսոնի Իրաւական վճիռով եւս եւ յստակեցրեց, որ Ցեղասպանութեան ճանաչումը արժեւորւում է այն ժամանակ, երբ այն նպաստի մեր հողերի ազզատագրմանը: Բանախօսը ընդգծեց, որ մենք մեր սերունդներին սովորեցնում ենք Հայոց Ցեղասպանութեան մասին իրականութիւնը այն հեռանկարով, որ մեր սերունդները հասկանան, որ Ցեղասպանութիւնը կատարւել է Հայաստանը գրաւելու նպատակով եւ եթէ մենք այսօր Ցեղասպանութեան հարց ենք բարձրացնում, բարձրացնում ենք մեր տարածքների ազատագրմանը հասնելու նպատակով:

Միջոցառման գեղարւեստական յայտագրում ելոյթներով հանդէս եկան միութեան երիտասարդական Լուսաբեր ասմունքի խմբի անդամները, ղեկավարութեամբ Անժէլ Մինասեանի, միութեան «Ուրարտու» երգչախմբից անհատ կատարողներ, ղեկավարութեամբ Էդիկ Թամրազեանի, իսկ պարային կատարումներով ելոյթ ունեցան միութեանը կից «Կակաչ» եւ «Ակունք» պարախմբերը, ղեկավարութեամբ Արուս Աւագեանի եւ Կարինէ Մանուչերեանի:

Օրւայ եզրափակիչ խօսքով ելոյթ ունեցաւ Իրանի հայ կաթողիկէ համայնքի առջնորդ Տ. Սարգիս եպս. Դաւիթեանը, անդրադարձաւ 2015 թւականին Վատիկանում Պապիկողմից Հայոց Ցեղասպանութեան պաշտօնական ճանաչման հանգամանքին, որը մեծ վրդովմունք առաջացրեց ժամանակին Թուրքիայի իշխանութիւնների մօտ եւ կարեւորեց Հայոց Ցեղասպանութեան բարոյական պահանջի հատուցումը եւս:

Լուրը «Ալիք»-ից

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com