Պատգամաւորական Ժողովի ատենապետն այցելեց Սրբազան Հօրը

Շաբաթ 4 մայիս, 2019-ի կէսօրին, թեմիս առաջնորդ Գերշ. Տ. Սեպուհ Ս. Արք. Սարգսեանն առաջնորդարանի իր գրասենեակում ընդունեց թեմիս Պատգամաւորական Ժողովի ատենապետ՝ պրն. ժոզէֆ Մեհրաբեանին։

Այցելութիւնը առիթ եղաւ խօսելու Պատգամաւորական Ժողովի վերջին երկու նիստերի հեզասահ աշխատանքների մասին եւ միաժամանակ խօսելու մօտիկ ապագային տեղի ունենալիք Պատգամաւորական Ժողովի ընտրական նիստի մասին։

Խօսւեց Կրօնական, Թեմական խորհուրդների եւ Հաշւեքննիչ Մարմնի ընտրւելիք կազմերի մասին, կարեւորութեամբ շեշտելով, որ որպէս կրօնական համայնք հարկ է ունենալ մեր եկեղեցու առաքելութեան հաւատացող, յանձնառու եւ պատրաստակամ հայորդիները։