Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Միասնութեան խորհրդանիշով մեկնարկեց Իրանի 51-րդ Համահայկական խաղերը

Միասնութեան խորհրդանիշով, ուրբաթ, սեպտ. 13-ի երեկոյեան «Արարատ» մարզաւանում բացումը կատարւեց Իրանի 51-րդ Համահայկական խաղերի, որը նւիրւած էր Հ. Մ. «Արարատ» կազմակերպութեան 75 եւ Հ.Մ.Ա.Կ.-ի Թաւրիզի եւ Ուրմիայի մասնաճիւղերի 65-ամեակներին:

Այս շրջանի խաղերին մասնակցել են շուրջ 700 մարզիկ-մարզուհիներ Իրանի հայկական համայնքներից եւ Թեհրանի հայկական միութիւններից, որոնք 8 օրերի ընթացքում կը մասնակցեն զանազան մրցումների: Հանդիսութիւնը մեկնարկեց Տէրունական աղօթքով, կատարմամբ Հայ Համալսարանականների ընդհանուր միութեան եւ Հ.Մ.Ա.Կ.-ի երգչախմբի, ղեկավարութեամբ՝ Արփի Սիմրոջեանի: Ընթացքում հայերէնով ու պարսկերէնով հնչեցին երգեր: Յաջորդիւ կազմակերպութեան սկաուտները մարզադաշտ բերեցին Իրանի եւ Հ.Մ.Ա.Կ.-ի դրօշները ու ծածանեցին Իրանի պետական հիմնով ու կազմակերպութեան օրհներգով: Ապա մարզադաշտում տեղակայւեցին մարզական խմբերը: Այս տարւայ Համահայկական խաղերի ջահը միասնութիւնն էր 5 ջահերի, որոնք օրեր առաջ օրհնւել էին՝ Թաւրիզում, Ուրմիայում, Գեարդաբադում, Շիրազում եւ Թեհրանում ու պահւում էին մարզաւանի Ս. Խաչ մատուռում, իսկ այդ ջահերի միասնութիւնից բոցավառւած ջահը եւ Համահայկական խաղերի հիմնական ջահը վառեց բռնցքամարտի ժամանակի ախոյեան եւ Հ. Մ. «Արարատ» Կ.-ի վաստակաւոր միութենական 85-ամեայ Վարանդ Զովէլեանը: Ջահի բոցավառման արարողութիւնը մէկտեղւած էր ճոխ հրավառութեամբ:

Ընթացքում հնչեցին մարզիկների եւ իրաւարարների երդումները եւ ցուցադրւեց տեսաֆիլմ, որը համապարփակ ներկայացրեց կազմակերպութեան զանազան միութիւնների ու միաւորների աշխատանքները:

Միջոցառմանը ողջոյնի խօսքով հանդէս եկաւ Հ.Մ.Ա.Կ.-ի Կենտրոնական վարչութեան նախագահ Հարմիկ Զովէլեանը, հրաւիրւեց Թեհրանի Քաղխորհրդի նախագահ Մոհսէն Հաշեմին, եւ ելոյթների եզրափակիչ խօսքով Թեհրանի հայոց թեմի առաջնորդ Տ. Սեպուհ արք. Սարգսեանը:

Հանդիսութեանը ներկայ էին՝ Իսլ. խորհրդարանում Սպահանի եւ հարաւային իրանահայութեան պատգամաւոր Ժորժիկ Աբրահամեանը, Իրանում ՀՀ արտակարգ եւ լիազօր դեսպան Արտաշէս Թումանեանը եւ դեսպանութեան դիւանագիտական անձնակազմը, Հայաստանում Իրանի դեսպան Քազեմ Սաջջադին, Հայ Աւետարանական եկեղեցու հոգեւոր առաջնորդները, Թ. Հ. Թ. Պատգամաւորական ժողովի, Թեհրանի եւ Սպահանի հայոց թեմերի Թեմական խորհուրդների, ազգային մարմինների, «Ալիք» հաստատութեան ներկայացուցիչներ, Թեհրանի Քաղխորհրդի եւ մարզական ֆեդերացիաների ներկայացուցիչներ եւ մեծ թւով հայրենակիցներ:

Բացման հանդիսութիւնը շարունակւեց պարային կատարումներով, որտեղ ելոյթով հանդէս եկան միութիւնների համատեղ պարախումբը ղեկավարութեամբ՝ Կարինէ Մանուչերեանի, նաեւ կազմակերպութեան պարախումբը, վերջում երգերի կատարումներով ելոյթ ունեցան երիտասարդ երաժիշտները:

Լուրը՝ «Ալիք»-ից

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ