ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Կիրակի 23 Փետրւարի 2020;
Եսայի 58.1-14։ Հռոմէացիներ 13.11-14.25։ ԱՒԵՏԱՐԱՆ ԸՍՏ ՄԱՏԹԷՈՍԻ 6.1-21։

Երկուշաբթի 24 Փետրւարի 2020;
Եսայի 1.16‐20։

Երեքշաբթի 25 Փետրւարի 2020;
Բ օր մեծի պահոց 03 Եզեկիէլ 18.20‐23։

Չորեքշաբթի 26 Փետրւարի 2020;
Գ օր մեծի պահոց Ելք 1.1‐2.10։ Յովել 1.14‐20։

Հինգշաբթի 27 Փետրւարի 2020;
Դ օր մեծի պահոց

Ուրբաթ 28 Փետրւարի 2020;
Ե օր մեծի պահոց 06ԵՐԿՐՈՐԴ ՕՐԷՆՔ 6.4‐7.10։ Հոբ 6.2‐7.13։ Եսայի 40.1‐8։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Իրանում Հայաստանի Հանրապետութեան դեսպանութեան նախաձեռնութեամբ՝ նշւեց ՀՀ Բանակի կազմաւորման 28-ամեակը

Հայաստանի Հանրապետութեան Բանակի օրը, յունւարի 28-ը նշւում է ոչ միայն Հայաստանում, այլեւ աշխարհի իւրաքանչիւր երկրում, ուր Հայաստանի Հանրապետութիւնը ունի դեսպանատուն եւ դիւանագիտական ներկայացուցչութիւն:

Իրանում, Հայաստանի Հանրապետութեան դեսպանութեան նախաձեռնութեամբ, յունւարի 27-ի երեկոյեան «Արարատ» մարզաւանի «Վաչիկ Ղարաբէգեան» սրահում կազմակերպւել էր իւրայատուկ միջոցառում նւիրւած ՀՀ Բանակի կազմաւորման 28-ամեակին:

Հայաստանի եւ Իրանի պետական հիմներով մեկնարկած միջոցառմանը, հրաւիրւած էին Իրանի Իսլ. Հանրապետութեան պետական գերատեսչութիւնների եւ զինեալ ուժերի տարբեր զօրամիաւորների ներկայացուցիչներ, Իրանում Ռուսաստանի Դաշնութեան արտակարգ եւ լիազօր դեսպան Լեւոն Ճաղարեանը, Իրանում Էստոնիայի պատւոյ հիւպաստոս Արմէն Մութաֆեանը, Իրանում հաւատարմագրւած եւ Հայաստանի բարեկամ երկրների դեսպանութիւնների դիւանագիտական եւ ռազմադիւանագիտական առաքելութիւնների ներկայացուցիչներ, Թ. Հ. թեմի առաջնորդ Տ. Սեպուհ արք. Սարգսեանը, Իրանում Հայ կաթողիկէ հոգեւոր առաջնորդ Սարգիս Դաւիթեանը, ՀՅԴ Բիւրոյի անդամ Վիգէն Բաղումեանը, Թեհրանի եւ Նոր Ջուղայի հայոց թեմերի ազգային իշխանութեան ներկայացուցիչները եւ Թեհրանի հայոց թեմի ազգային մարմինների ու միութիւնների ներկայացուցիչներ:

Միջոցառմանը ելոյթներով հանդէս եկան Իրանում ՀՀ արտակարգ եւ լիազօր դեսպան Արտաշէս Թումանեանը եւ դեսպանութեան ռազմական կցորդ գնդապետ Արթուր Ազնաւուրեանը: Ելոյթներում ողջոյնի խօսքեր հնչեցին ՀՀ Բանակի 28-ամեակի առիթով եւ նրանց խօսքերում ընդգծւեց բանակի մարտունակութիւնը՝ երկրի անվտանգութիւնը ապահովելու առումով:

Իր ելոյթի ընթացքում, ՀՀ արտակարգ եւ լիազօր դեսպան Արտաշէս Թումանեանը ողջունելով ՀՀ Բանակի 28-ամեակը ներկաներին նշեց, որ անցեալ տարիներին Հայաստանի Բանակը լաւագոյնս է իրականացրել իր պարտականութիւնները, մեր երկրին պարգևելով խաղաղութիւն եւ անվտանգութիւն: Դեսպանը կարեւորութեամբ անդրադարձաւ Իրան-Հայաստան բարեկամական սերտ յարաբերութիւններին, ընդգծելով որ նման յարաբերութիւնները նպաստում են տարածաշրջանի անվտանգութեանն ու խաղաղութեանը:

ՀՀ դեսպանութեան կցորդ գնդապետ Արթուր Ազնաւուրեանն ողջունելով Հայոց Բանակի 28-ամեակը եւ հիւրերի ներկայութիւնը ընդգծեց, որ անցեալ տասնամեակներում Հայաստանի զինեալ ուժերը լաւագոյս եւ բարձր պատասխանատւութեամբ են իրականացրել իրենց պարտաւորութիւնները եւ յանձնառութիւնները: Նա ընդգծեց, որ այդ առումով կարեւորագոյն քայլերից են եղել հետեւեալները, որ ՀՀ Բանակը իր գործողութիւններով կասեցրել է թշնամու յարձակողական միտումները՝ Հայաստանի եւ Արցախի հարցով: Նա հաւաստեց, որ Արցախի հակամարտութեան կարգաւորումը չունի զինւորական կարգաւորման տարբերակ եւ Հայաստանի Բանակը իր քայլերով փորձել է երաշխաւորել խաղաղութիւնն ու անվտանգութիւնը ոչ միայն Հայաստանի եւ Արցախի հարցով եւ ապահովել ժողովրդի անդորրը, այլ նաեւ փորձում է իր դրական դերակատարութիւնը դրսեւորել տարածաշրջանային խաղաղութեան գծով: Նա կարեւորութեամբ անդրադարձաւ Հայաստանի զինեալ ուժերի արդիականացմանը եւ նորանոր զէնքերով ու տեխնոլոգիաներով օժտւելուն, նշելով որ բանակը բարձրացրել է իր ռազմունակութիւնը, օգտւելով արդի տեխնոլոգիաներ: Գնդապետը ընդգծեց, որ ՀՀ զինեալ ուժերը սերտ համագործակցութիւն է դրսեւորել բարեկամ երկրների բանակների հետ եւ ՀՀ Բանակը օժտւած է բարձր կարողականութեամբ ու պատրաստւածութեամբ մասնագէտներով:

Միջոցառմանը ցուցադրւեց Հայաստանի Բանակի մարտունակութիւնը պատկերող տեսաֆիլմ եւ հնչեց բանակի օրհներգը:

Լուրը՝ Ալիքից

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com