Սրբազան Հօր Շնորհաւորանքը Նորուզի առիթով

Սիրելի հայրենակիցներ

Նոր տարւայ - Նորուզի - տօնական այս օրերին, երբ աշխարհը Քորոնավիրուսի յառաջացրած համաճարակի պատճառով տագնապի է մատնւած, մենք աղօթախառն ու անկեղծ զգացումներով շնորհաւորում ենք իրանցի մեր հայրենակիցներին եւ բոլորին մաղթում առողջութիւն, յաջողութիւն եւ արեւշատ երկար կեանք։

Գիտենք, որ այս օրերին, Քորոնավիրուսի պատճառով բոլորս պարտադիր բանտարկւած ենք մեր տներում, բայց գիտենք նաեւ, որ մեր կառավարութիւնը իր ողջ անձնակազմով, հնարաւոր բոլոր միջոցներով աշխատում է ժողովրդի տագնապահար վիճակը մեղմացնել։

Մեր կոչն է մեր հայրենակիցներին լինել զգոյշ եւ զգաստ, հետեւենք մեզի տրւող ցուցմունքներին, թելադրութիւններին եւ յորդորներին, հեռու մնալ հաւաքներից եւ ամէնից կարեւորը աղօթենք. աղօթենք իրարու համար մեր երկրի՝ սիրելի Իրանի եւ իր ժողովրդի համար։ Աղօթքը սիրելիներ բուժիչ եւ զօրացուցիչ ուժ ունի եւ մեզ ամրապնդում է մեր հաւատքին մէջ։

Այս մտածումներով կրկին անգամ շնորհաւորում ենք հոգեւոր առաջնորդ Այաթուլլահ Ալի Խամենէին, Հանրապետութեան Նախագահին, պետական այրերին եւ ողջ ժողովրդին բոլորին մաղթելով նոր ու նորոգեալ կեանք եւ աստւածային օրհնութիւն։
Շնորհաւոր Նորուզ եւ խաղաղութիւն բոլորիդ։

Սիրով՝
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ
18 Մարտ 2020
Թեհրան