Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԱՒԱԳ ՀԻՆԳՇԱԲԹԻ ԱՐԱՐՈՂՈՒԹԻՒՆՆԵՐ ԹԵՀՐԱՆԻ ԲՈԼՈՐ ԵԿԵՂԵՑԻՆԵՐՈՒՄ

Հայոց առաքելական եկեղեցին այս տարի Յիսուս Քրիստոսի երկրային կեանքի վերջին շաբաթը, Աւագ շաբաթը եզրափակող արարողութիւններից Սուրբ հաղորդութեան խորհուրդի հաստատման, Ոտնալւայի ու խաւարման կարգը վերապրեց Ապրիլի 1-ին։

Այս առիթով, Թեհրանի բոլոր եկեղեցիներում տեղի ունեցաւ յաւուր պատշաճի արարողութիւն։ Սուրբ Սարգիս Մայր եկեղեցում կրօնական արարողութեանը նախագահում էր՝ Թեմիս բարեխնամ առաջնորդ Գերշ. Տ. Սեպուհ Արք. Սարգսեանը։

Յետմիջօրէի ժամը 3-ին նախագահութեամբ Սրբազան Հօր սկսւեց Ոտնալւայի արարողութիւնը։ Յատկանշական է, որ արարողութեանը իրենց մասնակցութիւնը բերեցին Սուրբ Սարգիս եկեղեցու քահանայից դասը, ԻԻ Խորհրդարանի հիւսիսային իրանահայութեան պատգամաւոր՝ պրն. Արա Շավերդեանը։ Արարողութեանը ներկայ էին նկատառելի թւով հաւատացեալներ, որից մի կարճ ընդմիջումից յետոյ մեկնարկւեց կարգ չարչարանաց Տեառն մերոյ Յիսուս Քրիստոսի խաւարման արարողութիւնը։

Սրբազան Հայրը փառք ու գոհութիւն յայտնեց Աստծուն այն բանի համար, որ այս տարի ի տարբերութիւն նախորդ տարւայ յաջողեցինք կատարել մեծ պահքի եւ Աւագ Շաբաթւայ արարողութիւնները` ի մասնաւորի Ոտնալւայի եւ խաւարման արարողութիւնները ու յոյս յայտնեց այս օրերին մատուցւած աղօթքները պիտի հասնեն առ Աստւած եւ մարդկութիւնը կարժանանայ Աստծու ողորմութեան։

Ապա անդրադառնանով Պօղոս առաքեալի ուսացման, «Դուք էք Աստծու տաճարը» ակնարկեց այն իրողութեան, որ այսօր յարգարժան պատգամաւորը ընտանեօք մասնակցելով եկեղեցու արարողութիւններին ծառայութեան կենդանի օրինակ հանդիսացաւ ժողովրդի համար։ Ապա արարողութեան մասնակիցների ու ժողովրդի ներկայութիւնը, նրանց գործնական հաւատքի արտայայատութիւնը համարեց, եւ գնահատեց ազգային եւ հոգեւոր արժէքների նկատմամաբ տածած նախանձախնդրութիւնը։ Նա իր խօսքերի մէջ ակնարկելով օրւայ Աւետարանական հատւածներին, ի մասնաւորի Յովհաննէս առաքեալի առաջին նամակին, եղբայրասիրութիւնը եւ հայրենասիրութիւնը, ճշմարիտ Աստւածապաշտութեան եւ Աստւածասիրութեան փաստարկ ներկայացրեց: Ապա առաւել լուսաբանելով, իր խօսքը ասաց․ «Եթէ մենք եկեղեցու կեանքին չենք առնչւում ու չենք կատարում Աստծու պատւիրանները ու մեր ժողովրդի կարիքների ու իրաւունքնրեի նկատմամաբ անտարբեր ենք գտնւում, դա արդէն իսկ մեր մէջ սիրոյ բացակայութիւնն է նշանակում։ Նա յաւելեց, որ եկեղեցասիրութիւնն ու հայրենասիրութիւնը սկսում է ճանաչողութիւնից։ Սրբազան Հայրը ժողովրդին յորդորեց օրւայ Աստւածաշնչական հատւածներից ու աղօթքներից զօրացած առաւել կապւածութիւն ունենան հայրենիքին ու եկեղեցու՝ հոգեւոր եւ ազգային արժէքներին։

Խաւարման արարողութեան ընթացքին, Սրբազան հայրը ակնարկելով այն իրողութեան, որ այդ պահերին Քրիստոնեայ հաւատացեալը վերապրելով, իր Տիրոջ չարչարանքների պահը, խորապէս յուզւում եւ տրտմում է, բայց միաժամանակ անսալով Աստծու սիրոյ պատգամը, որ ասում է․ «Աստւած այնքան սիրեց աշխարհը, որ նունիսկ Իր միածին Որդուն ուղարկեց, որ ով նրան հաւատայ կը փրկւի ու յաւիտենական կեանք ունենայ, մխիթարւում եւ խաղաղութիւն է գտնում․ Սրբազան հայրը յիշատակելով Երուսաղէմի յարափոփոխ ժողովրդի վերաբերմունքը Քրիստոսի հանդէպ հնչեցրած «Խաչէ՛ք դրան, խաչէ՛ք խաչէ՛ք դրան», արտայայտութիւնները ու խաչի մահւան մատնելը Աստւածային սիոյն նկատմամաբ ապերախտութիւն համարեց։ Նա հաստատեց, որ Քրիստոսը իր կեանքով եւ ուսուցուներով եղաւ բաց հայելի մեզ համար, որի մէջ Կատարեալ եւ անմեղունակ մարդու եւ Աստծու պատկերը տեսնելով ուղղորդւենք դէպի յաւիտենական կեաքը տանող ճանապարհը։ Այդ իսկ պատճառով Քրիստոսի առաքեալները եւ նրանց յաջորդներն ու վաւերական քրիստոնեաները խաչի խորհրդով իմաստաւորեցին իրենց կեանքը։ Նա յաւելեց, որ դարէդար ճշմարիտ քրիստոնեաները որպէս յանձնաու անձինք՝ յանուն ճշմարտութեան եւ արդարութեան եւ յաւիտենական կեանքի ու սիրոյն իրենք խաչեալ Տիրոջ խաչակից եղան։ Նա հաստատեց, որ Տիրոջ խաչելութիւնը մի նոր կեանքի ու արարչութեան սկիզբ հանդիսացաւ։

Սրբազան հայրը անդրադարձաւ այն փաստին, որ կեանքում ամենադառն բանը տառապանքի մէջ լքւածութեան եւ ուրացութեան զգացումի ապրումն է, որը Յիսուսը ճաշակեց դրա դառնութիւնը։ Հայ ժողովուրդը եւս իր ցեղասպանութեան եւ այս վերջին Արցախեան գոյամարտի ժամանակ մնաց միայնակ եւ անօգնական։

Սրբազան Հայրը յորդորեց խաչի խորհրդի լոյսի ներքոյ վերատեսութեան ենթարկել կեանքը եւ լիցքաւորւել Աստւածաշնչական ճշմարտութիւններով։ Նա բաղդատելով Աստւած Որդուն աշխարհի նկատամաբ հոգատարութիւնը մարդկութեան ապերախտութան հետ, ասաց․ «Աշխարհի փրկութեան եւ խաղաղութեան համար գեթսէմանեան աղօթքի նկատմամբ մարդ արարածը ապերախտ գտնւեց»:

Սրբազան Հայրը եզրակացնելով, իր խօսքը քաջալերեց ժողովուրդը, որ իր կեանքը այնպէս ապրի, որպէզի կեանքում առկայ հալածանքներն եւ նեղութիւնները չըզգետնեն նրանց։ Նաեւ ասաց, որ այս խորհրդաւոր պահին պիտի աղօթենք մեզ համար խաչի դժնդակ ճանապարհը կտրող ու խաչը բարձրացող Տիրոջ, որ մեզ եւս Իրեն խաչակից դարձնի ու մաքրի մեր հոգու աղտերը եւ արժանացնի Իր հրաշափառ յարութեան։

Ազգային Առաջնորդարանի Հանրային կապ

 

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ