Կրօնական Խորհուրդը իր 11-րդ շրջանի 2-րդ նիստում նկատի ունենալով համաճարակային վիճակի շարունակութիւնը որոշում կայացրեց՝
- Այս հանգրւանին դադարեցնել մասնաւոր հոգեհանգիստների կատարումը։ Հոգեհանգստեան արարողութիւնը ընդհանրապէս կատարւում է յետ Սուրբ եւ անմահ պատարագի, անշուշտ սահմանափակ թւով հարազատների ներկայութեամբ։
- Հայ Եկեղեցու ծիսական կանոնին համաձայն թաղման արարողութիւնը սկսւում է տնում, եկեղեցում եւ ապա գերեզմանատնում։ Բայց նկատի ունենալով երթեւեկի դժւարութիւնն ու բուրաստանում Ս. Ստեփանոս Մատռան առկայութիւնը, մեր ժողովուրդը իր դիւրութեան համար ննջեցեալի եկեղեցու եւ գերեզմանատան կարգը կատարում են գերեզմանատնում։ Արդարեւ թաղման արարողութիւնը, հանգուցեալի ընտանիքի ցանկութեամբ կարելի է նաեւ կատարել ծխական եկեղեցիներում։
- Հոտ եւ հովիւի, ծխատէր քահանայ եւ ամուսնացեալ զոյգի եւ մկրտւող ենթակայի միջեւ առաւել մտերմութեան եւ ենթականերին եկեղեցւոյ եւ արարողութեան մասին իրազեկման նպատակով, որոշւեց եկեղեցու գրասենեակում ժամ ապահովելու օրը, քահանան ներկայ լինի եւ հարկ եղած բացատրութիւնների փոխանցման կողքին նոյն օրը զոյգերի կողմից կատարւի խոստումնագրի ստորագրութիւնը։
- Ժողովը մեր սիրելի եւ բարեպաշտ ժողովրդի զաւակներին թելադրում է եկեղեցու կարգ ու կանոնը պահպանելու նպատակով եկեղեցական արարողութիւնների ընթացքին նկարահանումների համար հրաւիրեն հայ նկարահանողներ։
- Այսուհետ եկեղեցական արարողութիւնները կը շարունակւեն նախկին ձեւով եւ հաւատացեալները կարող են ստանալ Ս. հաղորդութիւնը ճիշտ իր ժամանակին։
- Սակայն մեկնելով մեր ժողովրդի առողջութեան նախանձախնդրութիւնից թելադրելի է հնարաւորինս քիչ թւով մասնակցել խորհուրդների արարողութեանց յատկապէս Պսակներին։
ԿՐՕՆԱԿԱՆ ԽՈՐՀՈՒՐԴ
ԹԵՀՐԱՆԻ ՀԱՅՈՑ ԹԵՄԻ