Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Սրբազան Հօր Պատգամը Հ.Մ.Մ. «Նայիրի» Միութեան 40 Ամեակի Առիթով

Ողջունում եմ ձեզ սիրելի հանդիսականներ քրիստոնէական ու հայրական ջերմ սիրով եւ սրտագին բարեմաղթութիւններով։

Անցեալ քառասուն տարիների ընթացքին Հ. Մ. Նայիրի Միութիւնը իբրեւ տաքուկ օջախ իր երթիկի տակ ընդունել, դաստիարակել ու հայակեանքի գոքապայքարին է պատրաստել մեր մատղաշ սերունդը։

Մշակոյթը մի ժողովրդի հոգեւոր գանձն է, հարստութիւնը, որով պատւանդանւում է կեանքը տւեալ ժողովրդի։ Հայ ժողովուրդը իր դարաւոր պատմութեան ընթացքին, որպէս մշակութասէր ժողովուրդ իր վանական համալիրները, հոգեւոր ուսումնարանները դարձրել է մշակոյթի կենտրոն, առաւել մեր ձեռագիրները, մեր մանրանկարչութիւնն ու ճարտարապետութիւնը, աւելին հայ հոգեւոր գրականութիւնը՝ Շարական, տաղ, գանձ, պատմութիւն ու երաժշտութիւն ցոյց են տալիս վճռորոշ դերը հայ մշակոյթի մեր ժողովրդի պատմութեան մէջ։

Հայ մշակոյթը իր բազմազան ժանրերով բխել է հայ ժողովրդի հոգու վճիտ ակունքներից, ահա թէ ինչու համար ասւում է արդարօրէն, որ մշակոյթը հայելին է ժողովրդի հոգեւոր ներաշխարհին։

Մեր ձեռագիրներն ու մշակութային կոթողները, ինչու չէ նաեւ խաչքարերը վկայութիւնն են մեր ժողովրդի հաւատքի եւ յաւերժութեան ձգտող իր ոգուն։

Մեր մշակոյթի բուն տարրերն են մեր լեզուն, մեր հաւատքն ու գրականութիւնը, պատմութիւնն ու հոգեւոր այն ստեղծագործութիւնները, որոնք միտքն ու հոգին լուսաւորում ու պայծառատեսօրէն առաջնորդում են դէպի նոր հորիզոններ։

Այսօր դժբախտաբար մեր լեզուն նահանջի մէջ է, մեր մշակութային կոթողները գազանաբարոյ վայրագութեամբ քանդւում ու անյայտանում են. մեր հայրենիքում մշակոյթի նախարարութիւնը փոխարինւեց նախարարի տեղակալութեան։ Դառն իրադարձութիւն է սա, որ սակայն երբեք պիտի չյուսահատեցնէ մեզ, ընդհակառակը մի նոր հոգով նոր զօրաշարժի պիտի ենթարկենք մեր բոլոր հնարաւորութիւնները ի խնդիր Մեսրոպակերտ մեր լեզւի անաղարտ պահպանման, որպէսզի նրանով առաւել ամրապինդ շարունակենք մեր կեանքի գոյապայքարը։

Մեր միութիւնների, մշակութային նոյնիսկ մարզական եւ ընկերային միութիւնների սրբազան պարտականութիւնն է մարզանքի կողքին հետամուտ լինել նաեւ հոգեւոր մարզանքի, հոգեւոր դաստիարակութեան, որով զօրացած պիտի կարողանանք տէր կանգնել մեր մշակոյթին ու մշակութային հոգեւոր արժէքներին։

Քառասունամեակի այս հանդիսութեան առիթով մի անգամ եւս շնորհաւորում եւ գնահատում եմ Հ. Մ. Նայիրի Միութեան ողջ ընտանիքը՝ վարչութիւն, միաւորներ եւ բոլոր անդամները մաղթելով որ Աստւած իր ամենակարող զօրութեամբ վերջ տայ կորոնա վարակին, որպէսզի մարդկութիւնը ետ վերադառնայ իր բնականոն կեանքին։

Աստւածային օրհնութիւն բոլորիդ,
Առողջ եղէք, ողջ մնացէք.

Օրհնութեամբ եւ աղօթասացութեամբ՝

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

4 Նոյեմբեր 2021
Թեհրան

 

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Կիրակի 21 Նոյեմբերի 2021;
Ընծայումն Ս. Աստուածածնի երից ամաց ի տաճարն եւ Բարեկենդան Յինանաց պահոց.

Երկուշաբթի 22 Նոյեմբերի 2021;
Ա օր Յիսնակաց պահոց

Երեքշաբթի 23 Նոյեմբերի 2021;
Բ օր Յիսնակաց պահոց

Չորեքշաբթի 24 Նոյեմբերի 2021;
Գ օր Յիսնակաց պահոց

Հինգշաբթի 25 Նոյեմբերի 2021;
Դ օր Յիսնակաց պահոց

Ուրբաթ 26 Նոյեմբերի 2021;
Ե օր Յիսնակաց պահոց

Շաբաթ 27 Նոյեմբերի 2021;
Սրբոցն Գրիգորի Սքանչելագործին, Նիկողայոսի հայրապետին եւ Միւռոնայ եպիսկոպոսին

Կիրակի 28 Նոյեմբերի 2021;
Ա. Կիրակի Յիսնակի

Երկուշաբթի 29 Նոյեմբերի 2021;
Սրբոց կուսանացն` Յուլիանեայ եւ Վասիլուհւոյ

Երեքշաբթի 30 Նոյեմբերի 2021;
Սրբոցն Ղունկիանոսի քահանային, Տարագրոսի, Պրօպոսի, Անդրոնիկոսի, Ոնեսիմեայ եւ այլոց աշակերտացն սրբոյն Պօղոսի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ