ՍՐԲԱԶԱՆ ՀԱՅՐՆ ԻՐ ԳՐԱՍԵՆԵԱԿՈՒՄ ԸՆԴՈՒՆԵՑ ԻՍԼ. ՄՇԱԿՈՅԹԻ ԵՒ ԱՌԱՋՆՈՐԴՈՒԹԵԱՆ ՆԱԽԱՐԱՐՈՒԹԵԱՆ ԿՐՕՆԱԿԱՆ ՀԱՐՑԵՐԻ ՊԱՏԱՍԽԱՆԱՏՈՒ ՍԷՅԷԴ ՄՈՋԹԱԲԱ ՄԻՐԴԵՀՂԱՆԻՆ

Կիրակի թւականիս նոյեմբերի 21-ի առաւօտեան, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Իսլ. Մշակոյթի եւ Առաջնորդութեան Կրօնական փոքրամասնութիւնների հիմնարկի պատասխանատու Սէյէդ Մոջթաբա Միրդեհղանին:

Հանդիպմանը ներկայ էին Թեմական խորհրդի ատենապետ ճրտպ. Նորայր Արամեանը եւ Ի.Ի.Հ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը:

Հանդիպման ընթացքին անդրադարձ եղաւ փոքրամասնութիւնների գրասենեակի եւ Ազգ. Առաջնորդարանի հետ աշխատանքային կապերի եւ փոխյարաբերութիւնների նաեւ համայնքիս ազգային հասարակական միջոցառումների նկատմամբ ցուցաբերող բարիացակամ մօտեցման եւ սահուն ընթացքին:

Ազգային Առաջնորդարանի հանրային Կապ