Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀԱՆԴԻՊՈՒՄ ԱՊՐԻԼ 24-Ի ՈԳԵԿՈՉՄԱՆ ԵՒ ՄԱՅԻՍ 28-Ի ՏՕՆԱԿԱՏԱՐՈՒԹԵԱՆ ԿԵՆՏՐՈՆԱԿԱՆ ՅԱՆՁՆԱԽՄԲԻ ՀԵՏ

 

Երկուշաբթի թւականիս մայիսի 23-ին, Թեմական խորհրդի ատենապետ ճրտպ. Նորայր Արամեանը, Հ.Մ. «Սիփան» միութեան յարկի ներքոյ հանդիպում ունեցաւ Ապրիլ 24-ի 107-րդ տարելիցի ոգեկոչման եւ Հայաստանի Առաջին Հանրապետութեան 104-ամեակի տօնակատարութեան Կենտրոնական յանձնախմբի հետ:

Հանդիպման սկզբում կատարւեց Ապրիլ 24-ի 107-րդ տարելիցի ոգեկոչման ծրագրերի եւ յանձնախմբի գործունէութեան գնահատումը, որը մասամբ ազդւած է եղել համաճարակի անորոշ կարգավիճակից, սակայն այնուամենայնիւ նախաձեռնած ծրագրերն իրականացել են լաւագոյն կերպով, որի համար պրն. Նորայր Արամեանը շնորհակալական խօսք ուղղեց յանձնախմբի անդամներին նաեւ գնահատեց Միութիւնների աշխատանքները:

Անդրադառնալով Հայաստանի Առաջին Հանրապետութեան հռչակման 104-ամեակի տօնակատարութեան ձեռնարկներին, Կենտրոնական յանձնախմբի նախագահ պրն. Ալֆրէդ Քեշիշեանի կողմից ներկայացւեց Միութիւնների հետ համատեղ համագործակցութեամբ նախաձեռնած ձեռնարկներն ու տօնակատարութիւններն, ըստ հետեւեալի՝

  • Ուրբաթ թւականիս մայիսի 27-ին, ժամը 11:00-ից 23:00-ը միասնական ձեռնարկ «Արարատ» մարզաւանում, մասնակցութեամբ՝ Հ.Մ. «Արարատ» կազմակերպութեան, Հ.Ուս. «Չհարմահալ», Հ.Մ. «Սարդարապատ» եւ Իրանահայ Արհեստաւորների ու Հայկական Բարեգործական Ընդհանուր միութիւնների.
  • Շաբաթ թւականիս մայիսի 28-ին, ժամը 19:30-ին, տօնակատարութիւն եւ գեղարւեստական ձեռնարկ Հ.Մ. «Սիփան» միութեան «Նորայր Էլսայեան» մարզադահլիճում, մասնակցութեամբ՝ Հ.Մ. «Սիփան», «Հայ կին» միութեան կից «Արմենուհի», «Փերիոյ» Կրթասիրաց, Ս. Թարգմանչաց եկեղեցու եկեղեցասէր կանանց միութիւնների եւ Ս. Թարգմանչաց եկեղեցու խորհրդի.
  • Երկուշաբթի թւականիս մայիսի 30-ին, ժամը 19:30-ին տօնակատարութիւն եւ գեղարւեստական ձեռնարկ, Սրբ. Վարդանանց եկեղեցու սրահում, նախաձեռնութեամբ՝ Հ.Մ. «Սարդարապատ» եւ «Հայ կին» միութեան կից «Անի» միութիւնների ու Սրբ. Վարդանանց եկեղեցու խորհրդի.
  • Երեքշաբթի թւականիս մայիսի 31-ին, ժամը 19:30-ին տօնակատարութիւն եւ գեղարւեստական ձեռնարկ, Հ.Մ.Մ. «Նայիրի» միութեան «Արցախ» սրահում, մասնակցութեամբ՝ Հ.Մ. «Նայրիի», «Հայ կին» միութեան կից «Անահիտ» միութիւնների ու Ս. Գրիգոր Լուսաւորիչ եկեղեցու խորհրդի.

Վերոնշեալ բոլոր ձեռնարկներին մասնակից է լինելու Հայաստանից հրաւիրւած երգչուհի՝ Եւա Եկանեանը:

Հանդիպման աւարտին պրն. Նորայր Արամեանը ընդգծեց Միութիւնների եւ նաեւ Եկեղեցական խորհուրդների համատեղ ու միասնական աշխատանքների կարեւորութիւնն եւ յաջողութիւն մաղթեց նրանց:

Ազգային Առաջնորդարանի Հանրային Կապ

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ