Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԿՐՕՆԻ 10-ՐԴ, 11-ՐԴ ԵՒ 12-ՐԴ ԴԱՍԱՐԱՆՆԵՐԻ ԴԱՍԱԳՐՔԵՐԻ ՎԵՐԱՆԱՅՄԱՆ ՈՒ ՆԻՒԹԵՐԻ ՆՈՅՆԱԿԱՆԱՑՄԱՆ ԳՈՐԾԸՆԹԱՑ

Շաբաթ, սեպտեմբերի 4-ին, Կրթական խորհրդի նախաձեռնութեամբ տեղի ունեցաւ հանդիպում՝ Կրթական հետազօտութիւնների եւ պլանաւորման կազմակերպութեան (سازمان پژوهش و برنامه ریزی آموزشی) ղեկավարների ու ներկայացուցիչների հետ:

Հանդիպմանը ներկայ էին կրթադաստիրակչութեան փոխնախարար, կրթական հետազօտութիւնների եւ պլանաւորման կազմակերպութեան ղեկավար՝ Հոջաթ ալ-Իսլամ դոկտ. Ալի Լաթիֆին, դասագրքերի հեղինակային գրասենեակի եւ իմաստութեան եւ կրօնական գիտութեան բաժնի տնօրէն՝ Հոջաթ ալ-Իսլամ դոկտ. Մոլային, կրթադաստիարակութեան նախարարութեան գիտահետազօտական ինտիտուտի գիտական խորհրդի անդամ, եւ իմաստութեան ու կրօնակագիտութեան բաժնի փորձագէտ՝ պրն. Դելբարին եւ բարձրաստիճան պաշտօնեաներ:

Կրթական խորհրդից կողմից ներկայ էին ատենապետ՝ Ալֆրէդ Կարապետեանը, Տէր Գրիգորիս քհնյ. Ներսէսեանը, Քրիստոնէական դաստիարակութեան յանձնախմբի նախագահ՝ Անի Մանուկեանը եւ Կրօնի ուսուցուհին՝ Սիլւա Գրիգորեանը:

Հանդիպման սկզբում Ալֆրէդ Կարապետեանը հակիրճ ներկայացրեց կրօնի, եկեղեցիների, դպրոցների եւ միութիւնների չափազանց կարեւոր դերակատարութիւնը համայնքում: Այնուհետեւ անդրադառնալով Կրօն առարկայի 10-րդ, 11-րդ եւ 12 –րդ դասարանների դասագրքերի վերանայմանն ու նիւթերի նոյնականացմանը նշեց, որ դասագրքերի միասնական եւ մասնաւոր բաժանումը պատճառ է հանդիսանում, որ աշակերտները աւելի խորթ մօտեցում ունենան այն բաժնին, որը ընդհանուր է ազգային փոքրամասնութիւնների կրօնի դասագրքերում:

Այս խնդրից ելնելով առաջարկութիւն եղաւ ապագայում միասնական եւ առանձին բաժինները միատեղւեն եւ կազմւի մէկ ընդհանուր դասագիրք, որի մէջ կը զետեղւի քրիստոնէական դաստիարակութեան համար անհրաժեշտ առաջնային նիւթերը: Ատենապետի կողմից անդրադարձ եղաւ նաեւ Յովհաննու Աւետարանին, որն այժմ դասաւանդւում է համալսարանի գերլիսանս մակարդակում, նա ասաց, որ Յովհաննու Աւետարանն ըստ էութեան կարող է լրիւօրէն քրիստոնէական դաստիարակութիւնը փոխանցել աշակերտին:

Իսկ ինչ վերաբերւում է կրօնի դասագրքի մասնաւոր բաժնին, այն ասորի հայրենակիցների կողմից կազմւած դասագիրք է, որը գործածութեան մէջ է դրւել շուրջ 35 տարի առաջ եւ հայ աշակերտներն էլ տարիներ շարունակ ըստ այդ դասագրքի մասնակցել են կոնկուրսին՝ համալսարանի մուտքի քննութիւններին:

Ատենապետը շեշտեց, որ այդ դասագրքերի կազմութեան գործընթացին հայ ներկայացուցիչերը երբեւէ մասնակցութիւն չեն ունեցել եւ դրա հետեւանքով վերջերս իրականացւել են հանդիպումներ ասորի ներկայացուցիչների հետ, այնուհետեւ հանդիպում է տեղի ունեցել նոր դասագրքերի կազման պատասխանաու գրասենեակի (سازمان تالیف کتاب درسی) պաշտօնեաների հետ, որոնց արդիւնքում ձեռք է բերւել համաձայնութիւն՝ 10-րդ, 11-րդ եւ 12 –րդ դասարանների դասագրքերի վերանայմանն ու նիւթերի նոյնականացման առընչութեամբ:

Կրթական հետազօտութիւնների եւ պլանաւորման կազմակերպութեան ղեկավարներ հանդիպման ընթացքում նշեցին, որ Կրօնի դասագրքերի մասնաւոր բաժնի վերաբերեալ իրենք որեւէ խնդիր չեն տեսնում եւ հայ ու ասորի ներկայացուցիչների կողմից երկուստեք համաձանութեամբ պէտք է ընտրւեն դասագրքերի նիւթերը ու նկատի ունենալով սահմանւած ստանդարտները կարող են սկսել աշխատանքները: Որոշւեց, որ առաջիկայում կազմւի դասագրքից մէկ դասի նմուշ եւ ներկայացւի կազմակերպութեանը:

Պայմանաւորւածութիւն ձեռք բերւեց, որ՝
• յետագայում յանձնախմբերի կողմից դասագրքերի՝ թէ՛ ընդհանուր, թէ՛ մասնաւոր բաժինների պատրաստման, վերանայման կամ մէկտեղման դէպքում հայ ներկայացուցիչները պէտք է անպայմանօրէն իրենց դերակատարութիւնն ունենան այդ յանձնախմբերի կազմերում:
• 10-րդ, 11-րդ եւ 12 –րդ դասարանների դասագրքերը հնարաւոր է դիւրինացնել եւ միատեղել:
• Եթէ հնարաւոր լինի, դասագրքերի մասնաւոր բաժինը պատրաստել այնպէս, որ իր մէջ ներառի նաեւ ընդհանուր բաժնի կարեւոր մասերը, ապա մօտ ապագայում հնարաւոր կը լինի այս երկու դասագրքերի միատեղումը եւս:

Հանդիպումը բաւականին յագեցած էր եւ խոստումնալից:

ԿՐԹԱԿԱՆ ԽՈՐՀՈՒՐԴ

 

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Շաբաթ 26 Նոյեմբերի 2022;
Սրբոյն Նիկողայոսի Զմիւռնացւոյ Սքանչելագործ հայրապետին Եզեկիէլ 3.16-19։ Բ Տիմոթէոս 3.10-15։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 10.11-16։

Կիրակի 27 Նոյեմբերի 2022;
Ա կիր. Յիսնակի Եսայի 36.1-9։ Ա Թեսաղոնիկեցիներ 1.1-10։ ԱՒԵՏԱՐԱՆ ԸՍՏ ՂՈՒԿԱՍԻ 12.13-31։

Երկուշաբթի 28 Նոյեմբերի 2022;
Սրբոց կուսանացն՝ Յուլիանեայ եւ Վասիլուհւոյ, Աբրահամու եւԽորենայ եւ անարծաթ բժշկացն՝ Կոզմայի եւ Դամիանոսի, եւ Աստուածատրոյ վկային ԵՐԳ ԵՐԳՈՑ 8.14։ Օսէէ 14.6-8։ Բ Կորնթացիներ 6.16-7.1։ ԱՒԵՏԱՐԱՆ ԸՍՏ ՂՈՒԿԱՍԻ 8.1-3։

Երեքշաբթի 29 Նոյեմբերի 2022;
Սրբոցն Ղունկիանոսի քահանային, Տարագրոսի, Պրօպոսի, Անդրոնիկոսի, Ոնեսիմեայ եւ այլոց աշակերտացն սրբոյն Պօղոսի Իմաստութիւն Սողոմոնի 9.9-12։ Եսայի 41.15-19։ Բ Կորնթացիներ 2.14-17։ ԱՒԵՏԱՐԱՆ ԸՍՏ ՂՈՒԿԱՍԻ 6.13-20։

Չորեքշաբթի 30 Նոյեմբերի 2022;
Պահք Ա Թեսաղոնիկեցիներ 2.1-12։ ԱՒԵՏԱՐԱՆ ԸՍՏ ՂՈՒԿԱՍԻ 12.41-48։

Հինգշաբթի 01 Դեկտեմբերի 2022;
Սրբոցն Կղեմայ հայրապետին եւ Բագարատայ Տոռոմենոյ եպիսկոպոսին Առակներ 8.33-36։ Եսայի 66.18-21։ Փիլիպեցիներ 4.1-7։ ԱՒԵՏԱՐԱՆ ԸՍՏ ՂՈՒԿԱՍԻ 9.1-6։

Ուրբաթ 02 Դեկտեմբերի 2022;
Ա Թս 2.17-19։ Ղկ 12.49-59։

Շաբաթ 03 Դեկտեմբերի 2022;
Տօն սրբոց առաքելոցն եւ առաջին լուսաւորչացն մերոց Թադէոսի եւ Բարդուղիմէոսի Իմս 9.13-10.2։ Եր 16.16-19։ Ա Կր 12.26-13.10։ Մտ 9.35-10.7։

Կիրակի 04 Դեկտեմբերի 2022;
Բ. կիր. Յիսնակի Եսայի 36.22-37.11։ Ա Թեսաղոնիկեցիներ 4.1-11։ ԱՒԵՏԱՐԱՆ ԸՍՏ ՂՈՒԿԱՍԻ 13.1-9։

Երկուշաբթի 05 Դեկտեմբերի 2022;
Սրբոցն Գենարիոսի եպիսկոպոսին եւ Մերկերիոսի զինաւորին, Յակովկայ եւ Իրաւափառայ Եսայի 35.4-8։ Բ Կորնթացիներ 3.18-4.6։ ԱՒԵՏԱՐԱՆ ԸՍՏ ՂՈՒԿԱՍԻ 21.12:19

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ