«ՀԱՅ ԿԻՆ» ՄԻՈՒԹԵԱՆ ԿԻՑ «ԱՆԻ» ՄԻՈՒԹԵԱՆ ՆՈՐԸՆՏԻՐ ՎԱՐՉՈՒԹԵԱՆ ԱՆԴԱՄՆԵՐՆ ԱԶԳԱՅԻՆ ԱՌԱՋՆՈՐԴԱՐԱՆՈՒՄ

Երկուշաբթի, թւականիս հոկտեմբերի 10-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց «Հայ Կին» Միութեան կից «Անի» միութեան նորընտիր վարչութեան անդամներին, ովքեր եկել էին Սրբազան Հօր օրհնութիւնն ստանալու:

Սրբազան Հայրը ջերմօրէն ողջունեց վարչութեան անդամներին եւ հայ կնոջ դերը մեր ժողովրդի կեանքում կարեւորելով յայտնեց, որ համայնքիս աշխատող կանանց միութիւնները մեծ ներդրում են ունեցել գաղութիս ազգային, եկեղեցական եւ հասարակական կեանքում:

Սրբազան Հայրը օրհնաբեր ծառայութիւն եւ արդիւնաւէտ գործունէութիւն մաղթեց վարչութեան անդամներին: Նա մատնանշելով միութիւնների հետզհետէ «ծերացում»-ը կարեւորեց, որ հարկ է առաւել ուշադրութիւն ցուցաբերել եւ քաջալերել երիտասարդ տարրը միութենական աշխատանքներում ներգրաւելու կապակցութեամբ:

Սրբազան Հայրը թելադրեց, որ Վեհափառ Հօր պատգամին հետեւելով եւ 2022 թւականը «Սփիւռքի տարի» հռչակման առիթով, հարկ է այս ուղղութեամբ նաեւ բծախնդրօրէն աշխատանք տանել:

Ազգային Առաջնորդարանի Հանրային կապ