Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀԱՆԴԻՊՈՒՄ՝ ՍԱՍՈՒՆ ՔԱՂԱՔԱՄԱՍԻ ՊԱՏԳԱՄԱՒՈՐՆԵՐԻ ՀԵՏ. ՆԱԽԱՁԵՌՆՈՒԹԵԱՄԲ Թ.Հ.Թ. 16-ՐԴ ՇՐՋԱՆԻ ՊԱՏԳԱՄԱՒՈՐԱԿԱՆ ԺՈՂՈՎԻ ԴԻՒԱՆԻ

Նախաձեռնութեամբ Թ. Հ. Թ. 16-րդ շրջանի Պատգամաւորական ժողովի դիւանի, շաբաթ թւականիս հոկտեմբերի 15-ի երեկոյեան կազմակերպւել էր հանդիպում, Սասուն քաղաքամասի պատգամաւորների հետ «Նայիրի» սրահում:

Հանդիպմանը, որի բացումը յայտարարեց 16-րդ շրջանի ՊԺ-ի ատենապետ Ժոզէֆ Մեհրաբեանը, ներկաներին համապարփակ գծերով ընդհանուր տեղեկութիւններ փոխանցեց ՊԺ-ում անցեալ տարիներում քննարկւած համայնքային հիմնահարցերի մասին:

Նա նշեց, որ երբ ՊԺ-ն սկսեց իր աշխատանքը նախ մշակեց հայեցակարգ, որի հաստատումը կատարւել է սրանից 6 տարի առաջ եւ այն ներկայացւել է հերթական Թեմական խորհուրդներին, որպէսզի դա լինի գործադիր մարմնի ուղղութիւնը իրենց համայնքային աշխատանքները իրականացնելու համար: Հայեցակարգը ներառում է՝ Թեհրանի հայոց թեմի թեմապատկան կալւածների, կրթական օջախների կարգավիճակի, «Ա. Աւետիսեան» ազգային բուժարանի, գերեզմանատան եւ համայնքային մի շարք հիմնահարցեր: Նա նշեց. «Հայեցակարգում նախ գնահատւել է համայնքային կացութիւնը եւ կացութիւնը բարեկարգելու համար քայլերի կիրառման ինչպիսութիւնը»: Նա ապա օրինակների կարգով անդրադարձաւ հայեցակարգում նշւած մի շարք հարցերի. «Թեմին պատկանող հայաթափւած շրջաններում կան կալւածներ, որոնք պէտք է առաջնահերթաբար վաճառել եւ հասոյթը օգտագործել Թեհրանի հայոց թեմի համայնքի աշխատանքների բարելաւման համար: Հիմնական հարցերից է մեր հայոց դպրոցների որակը բարելաւելու համար քայլերի կիրառման եղանակները, «Ա. Աւետիսեան» ազգային բուժարանի հասութաբեր դարձնելու միջոցները, գերեզմանատան հարցերի կարգաւորումը, մի շարք անաւարտ շինարարական ազգապատկան կառոյցների աշխատանքների կատարելագործումը եւ դրանք հասութաբեր դարձնելը, ինչպէս «Զանգ» տպարանի տարածքի, Սուլթանի հողատարածքի եւ նման ազգապատկան տարածքների հարցերի կարգաւորմանը արագ թափ հաղորդելը»:

ՊԺ-ի ատենապետը միաժամանակ իր ելոյթի ընթացքում անդրադարձաւ այն բազմաթիւ խոչընդոտներին, որոնք առկայ են հարցերի արագ կարգաւորման համար, ինչպէս գերեզմանատան քարտաշների հարցը, որոշ կալւածների վաճառքի հանելու դժւարութիւնները: Նա իր ելոյթի ընթացքում կարեւորութեամբ անդրադարձաւ Թեհրանի հայոց թեմի կանոնագրի բարեփոխմանը, որը մշակւել է 1983 թւականին եւ մէկ անգամ վերանայւել է 2000 թւականին ու ընդգծեց, որ այն այսօր կրկին ժամանակավրէպ լինելով անհրաժեշտ է վերանայման ենթարկել: Նա ընդգծեց. «Բնականաբար հայեցակարգից բացի օրւայ թեմական խորհուրդները հոգ են տանում համայնքային բազմաթիւ առօրեայ հարցերի մասին»:

Նա իր խօսքի ընթացքում կարեւորութեամբ անդրադարձաւ Կարիքաւորներին օժանդակող մարմնի, երիտասարդների հարցերով զբաղւող ֆոնդերի աշխատանքներին: Խօսւեց Հայաստանում ժամանակին գնւած եւ հետագայում վաճառւած հողատարածքի գումարի օգտագործման եղանակների, Այիդա Եդգարեան անւամբ կտակւած գումարի եւ նմանօրինակ հարցերի մասին: ՊԺ-ի Ժոզէֆ Մեհրաբեանը զեկոյց ներկայացրեց համայնքային հսկայական ծախսերի եւ ոչ համահաւասար հասոյթների մասին, որոնց հետեւանքով հսկայ բացերի դիմաց է կանգնած ազգային իշխանութիւնը: Նա նաեւ քննադատական հայեացքով մօտեցաւ այն հարցին որ դժբախտաբար որոշ հարցերի կարգաւորման համար դանդաղկոտութիւնը աւելի է վնասում եւ անհրաժեշտ համարեց աւելի վճռական մօտեցումները եւ կարեւորեց այն հանգամանքը, որ անհրաժեշտ է ազգային ոգով տոգորւած, սրտցաւ եւ մասնագէտ անձանց ներգրաււածութիւնը, եւ միասնական աշխատանքը համայնքի իրավիճակը բարելաւելու համար:

 

Աւելի քան երկու ժամ տեւած հանդիպման աւարտին ներկաները հնչեցրեցին համայնքային հարցերին առնչւող հարցեր:

Լուրը՝ «Ալիք»-ից

ՏՕՆԵՐ

Կրօնական Տօների Օրացոյց


Շաբաթ 07 Յունւարի 2023;
Ս․ Ծննդեան մեռելոց

Ուրբաթ 13 Յունւարի 2023;
Անւանակոչութիւն Տեառն մերոյ Յիսուս Քրիստոսի

Շաբաթ 14 Յունւարի 2023;
Տօն Սբ. Յովհաննէս Մկրտչի Ծննդեան

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Շաբաթ 14 Յունւարի 2023;
Տօն Ծննդեան Ս. Յովհաննու Կարապետին Կարդալու տևողութիւն՝ 2 րոպէ: ԿԻՍՎԵԼ Առակներ 4.5-7։ Եսայի 40.3-5։ ԳՈՐԾՔ ԱՌԱՔԵԼՈՑ 13.25-33։ ԱՒԵՏԱՐԱՆ ԸՍՏ ՂՈՒԿԱՍԻ 1.57-58։

Կիրակի 15 Յունւարի 2023;
Ա Կիր. զկնի Ս. Ծննդեան Կարդալու տևողութիւն՝ 5 րոպէ: ԵՍԱՅՈՒ ՄԱՐԳԱՐԷՈՒԹԻՒՆԸ 54.1‐13, ԱՌԱՋԻՆ ԹՈՒՂԹԸ ՏԻՄՈԹԷՈՍԻՆ 1.1‐11, ԱՒԵՏԱՐԱՆ ԸՍՏ ՅՈՎՀԱՆՆԷՍԻ 2.1-11

Երկուշաբթի 16 Յունւարի 2023;
Սրբոցն Պետրոսի հայրապետին, Վլասայ եպիսկոպոսին եւ Աբիսողոմայ սարկաւագին 5 րոպէ: Իմաստութիւն Սողոմոնի 5.1‐8։ Բարուք 3.31‐4.4։ Հռոմէացիներ 8.28‐39։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 10.11‐16։

Երեքշաբթի 17 Յունւարի 2023;
Սրբոցն Անտօնի, Տրիփոնի, Պարսամայ եւ Ոնոփրիոսի ճգնաւորացն Կարդալու տեւողութիւն՝ 4 րոպէ: ԿԻՍՎԵԼ ԱՌԱԿՆԵՐ 21.15‐24։ ԵՍԱՅԻ 19.19‐21։ ԹՈՒՂԹ ԵԲՐԱՅԵՑԻՆԵՐԻՆ 11.32‐40։ ԱՒԵՏԱՐԱՆ ԸՍՏ ՄԱՏԹԷՈՍԻ 10.37‐42։

Չորեքշաբթի 18 Յունւարի 2023;
Պահք Կարդալու տևողութիւն՝ 4 րոպէ: ԿԻՍՎԵԼ Ա Տիմոթէոս 2.8-3.13։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 2.12-22։

Հինգշաբթի 19 Յունւարի 2023;
Սրբոցն Թէոդոսի թագաւորին եւ մանկանցն Եփեսոսի Կարդալու տևողութիւն՝ 4 րոպէ: Իմաստութիւն Սողոմոնի 6.2‐10։ Եսայի 45.1‐2։ Ա Տիմոթէոս 2.1‐7։ ԱՒԵՏԱՐԱՆ ԸՍՏ ՂՈՒԿԱՍԻ 7.1‐10։

Ուրբաթ 20 Յունւարի 2023;
Պահք Կարդալու տեւողութիւն՝ 4 րոպէ: Ա Տիմոթէոս 4.1‐12։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 2.23‐3.12։

Շաբաթ 21 Յունւարի 2023;
Սրբոց հայրապետացն Աթանասի եւ Կիւրղի Կարդալու տևողութիւն՝ 3 րոպէ: Առակներ 11.2-11։ Եսայի 61.3-7։ Եբրայեցիներ 13.7-9։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 16.33-17.8։

Կիրակի 22 Յունւարի 2023;
Բ կիր. զկնի Ս. Ծննդեան Կարդալու տևողութիւն՝ 5 րոպէ: Եսայի 58.13-59.7, Ա Տիմոթէոս 4.12-5.10, ԱՒԵՏԱՐԱՆ ԸՍՏ ՅՈՎՀԱՆՆԷՍԻ 3.13-21։

Երկուշաբթի 23 Յունւարի 2023;
Սրբոցն Կիրակոսի եւ մօրն Յուղիտայի, և սրբոց վկայիցն Գորդիոսի, Պօղիքտոսի եւ Գրիգորիսի Կարդալու տևողութիւն՝ 3 րոպէ: Առակներ 14․1-6։ Եսայի 60․8-9։ Զաքարիա 8.4-5։ Եբրայեցիներ 2․14-18։ Ղկ 9․44-48։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ