Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԱՅՑԵԼՈՒԹԻՒՆ՝ «ԱՐԱՐԱՏ» ԵՒ «ՇԱՆԹ-ՄԱՐԻԱՄԵԱՆ» ԴՊՐՈՑՆԵՐ

Նոր սերնդի ուսման, հոգեւոր ու ազգային եւ համամարդկային արժէքների պահպանման ու զարգացման կարեւորութիւնից ելնելով, Կրթական համակարգն միշտ եղել է Ազգային Իշխանութեան ուշադրութեան կենտրոնում:

Ուստի, Թեմական խորհուրդն ընթացիկ շրջանում, իրեն ենթակայ Կրթական խորհրդի համագործակցութեամբ, պարբերաբար դպրոցներ այցելելով եւ դպրոցների անձնակազմերի հետ հանդիպումներ ունենալով, իրազեկւում է հաւանական դժւարութիւնների եւ յուզող խնդիրների մասին եւ համապատասխան քայլեր ձեռնարկում դրանց լուծման ուղղութեամբ:

Յիշեալ հանդիպումների շարանում շաբաթ, թւականիս նոյեմբերի 12-ին, Թեմական խորհրդի ատենապետ ճրտպ. Նորայր Արամեանը ընկերակցութեամբ Կրթական խորհրդի ատենապետ Ալֆրէդ Կարապետեանի եւ նոյն խորհրդի անդամ՝ տկն. Ալենուշ Շահնազարեանի այցելեցին «Արարատ» օրիորդաց դպրոց:

Սոյն հանդիպմանը առանձնաբար խորհրդակցութիւն կատարւեց դպրոցի տեսչուհու՝ տկն. Բաղդադիի, փոխտեսչուհիներ՝ Շաքէ Նազարբէգեանի եւ Լալա Յովակիմեանի նաեւ Ծնողական խորհրդի անձնակազմի հետ:

Ծնողական խորհրդի հետ ունեցած հանդիպման ընթացքում անդրադարձ կատարւեց դպրոցի ընդհանուր դրւածքին եւ աշխատանքներին նաեւ շօշափւեց դպրոցի վերակառուցման հարցը, որը դեռեւս ուսումնասիրութեան փուլում է եւ հիմնականում կապւած է դպրոցների վերադասաւորման ծրագրի յստակեցման եւ դպրոցների տարր. օղակը երկսեռ դարձնելու պետական արտօնութիւնն ստանալու գործընթացի վերջնական արդիւնքին:

Դպրոցի տեսչուհու եւ փոխտեսչուհիների հետ հանդիպման ընթացքում ընդհանուր առմամբ կարեւորւեց դպրոցը ուրախ, հաճելի եւ եռանդուն միջավայրի վերածելու անհրաժեշտութիւնը, որը նաեւ կը հանդիսանայ դպրոցի ուսման որակը բարձրացնելու երաշխիքը: Մատնանշւեց նաեւ երկսեռ միասնական արտաժամեայ աշխատանքներ իրականացնելու եւ արտադասարանային դասընթացներ ունենալու ծրագրին:

Իսկ անդրադառնալով հայոց դպրոցների հիմնական առաքելութեան, ընդգծւեց հայ աշակերտին ազգային եւ հոգեւոր հոգով սնուցանելու եւ հայեցի դաստիարակութիւն տալու կարեւորութիւնը: Այս ուղղութեամբ մատնանշւեց, որ հայոց դպրոցներում մայրենի լեզուն սերտելու եւ հայ մշակոյթը զարգացնելու հնարաւորութիւնը ունենալով, հարկ է այն լաւագոյնս օգտագործել քանի որ հայեցի դաստիարակութեամբ մեծացած հայն է յանձնառութիւն զգում հայօրէն գոյատեւելու եւ հայապահպանման սուրբ աշխատանքին լծւելու:

Սոյն հանդիպման յաջորդեց «Շանթ-Մարիամեան» տղայոց դպրոցի այցելութիւնը, որտեղ ներկայ էին նաեւ Թեմական խորհրդի անդամ՝ տկն. Անի Միրզախանեանը եւ Կրթական խորհրդի անդամ՝ տկն. Անի Համբարձումեանը:

«Շանթ-Մարիամեան» դպրոցում հանդիպում կայացաւ դպրոցի տեսուչ պրն. Արեզումանդի, տարր. օղակի փոխտեսչուհի Քարմէն Չարմահալի եւ միջն. Ա. օղակի փոխտեսուչ Արբի Ալլահվերդեանի նաեւ Ծնողական խորհրդի անձնակազմի հետ:

Դպրոցի աշխատանքների եւ ծրագրերի կապակցութեամբ ընդհանուր բացատրութիւն ներկայացւելով, նշւեց, որ նոր տեխնոլոգիաների դարաշրջանում՝ հարկ է նորարարական մեթոդներ կիրառել եւ աշակերտութեան հետաքրքրութեանը շարժառիթ ստեղծելով, ուսուցումը դիւրացնել եւ արդիւնաւորել:

Հանդիպման ընթացքում կարեւորւեց դպրոց-ծնող երկկողմ յարաբերութիւնների եւ փոխադարձ համագործակցութեան կարեւորութիւնը, որոնք օգնում են զարգացնել դպրոցների կենսունակութիւնը եւ որակը:

Յիշեալ դպրոցում նաեւ կարեւորութեամբ անդրադարձ կատարւեց հայեցի դաստիարակութեան հիմնախնդրին, որի փոխանցման ամենադժւարին եւ կարեւորագոյն դերն անշուշտ բաժին է ընկնում հայկական դպրոցներին:

«Շանթ-Մարիամեան» դպրոցի շինարարական աշխատանքներին անդրադառնալով նշւեց, որ դպրոցը վերելակով օժտելու նախագիծն արդէն իսկ Թեմական խորհրդի կողմից հաստատւել եւ բիւջէն հայթայթելով հնարաւոր կը լինի այն իրագործել:

Անդրադառնալով երկրում տիրող տնտեսական բարդ իրավիճակին նշւեց, որ ուսուցիչների աշխատավարձերը նաեւ դպրոցների շինարարական եւ առօրեայ ծախսերը նկատի ունենալով իւրաքանչիւր աշակերտի իրական թոշակը տարրականի եւ միջնակարգի երկու օղակներում, կազմում է մօտաւորապէս 10 միլիոն թուման, իսկ մանկապարտզէների առումով 22 միլիոն թուման, սակայն ինչպէս միշտ Թեմական խորհրդի կողմից մէկ բաժինը սուբսիդաւորւում եւ մնացեալը գանձւում է ծնողներից:

Հանդիպման աւարտին պրն. Նորայր Արամեանը վստահեցրեց, որ բոլոր դժւարութիւններով հանդերձ՝ Թեմական խորհուրդը, Կրթական խորհրդի հետ համագործակցաբար աշխատում է հնարաւորութեան սահմաններում նեցուկ հանդիսանալ դպրոցներին եւ դժւարութիւնները մեղմացնելով ապահովել եւ բարելաւել հայկական դպրոցների կրթական մակարդակը քանի որ հաւատացած է, որ հայ դպրոցը հայի կենարար աւիշն է, որով կերտւում ու կազմաւորւում է մեր ազգի գոյատեւման գրաւականը համարւող՝ հայ պատանու եւ հայ երիտասարդի հոգին:

Ազգային Առաջնորդարանի Հանրային կապ

 

ՏՕՆԵՐ

Կրօնական Տօների Օրացոյց


Շաբաթ 29 Հոկտեմբերի 2022;
Տօն Յովհան Ոսկեբերանի

Շաբաթ 05 Նոյեմբերի 2022;
Տօն Սուրբ հրեշտակապետների Միքայէլի ու Գաբրիէլի եւ ամենայն երկնային զօրաց տօն

Շաբաթ 12 Նոյեմբերի 2022;
Տօն Անդրէաս եւ Փիլիպոս Առաքեալների

Կիրակի 20 Նոյեմբերի 2022;
Բարեկենդան Յիսնակի Պահոց

Երկուշաբթի 21 Նոյեմբերի 2022;
Տօն ընծայման Ս․Աստւածածնի երից ամաց ի տաճար։

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Երկուշաբթի 21 Նոյեմբերի 2022;
Ընծայումն Ս. Աստուածածնի երից ամաց ի Տաճարն Երգ 1.1-11։ Առ 11.30-12.4։ Ես 52.7-10։ Զք 2.10-13։ Մղ 3.1-2։ Բ Կր 6.16-7.1։ Ղկ 1.39-56:

Երեքշաբթի 22 Նոյեմբերի 2022;
Բ. օր Յիսնակի պահոց Կղ 1.12-23։ Ղկ 11.27-32։

Չորեքշաբթի 23 Նոյեմբերի 2022;
Գ. օր Յիսնակի պահոց Կղ 1.24-2.7: Ղկ 11.33-42:

Հինգշաբթի 24 Նոյեմբերի 2022;
Դ. օր Յիսնակի պահոց 3.15-4.4։ Ղկ 11.49-52։

Ուրբաթ 25 Նոյեմբերի 2022;
Ե օր Յիսնակաց պահոց Կողոսացիներ 4.5-18։ ԱՒԵՏԱՐԱՆ ԸՍՏ ՂՈՒԿԱՍԻ 12.1-12։

Շաբաթ 26 Նոյեմբերի 2022;
Սրբոյն Նիկողայոսի Զմիւռնացւոյ Սքանչելագործ հայրապետին Եզեկիէլ 3.16-19։ Բ Տիմոթէոս 3.10-15։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 10.11-16։

Կիրակի 27 Նոյեմբերի 2022;
Ա կիր. Յիսնակի Եսայի 36.1-9։ Ա Թեսաղոնիկեցիներ 1.1-10։ ԱՒԵՏԱՐԱՆ ԸՍՏ ՂՈՒԿԱՍԻ 12.13-31։

Երկուշաբթի 28 Նոյեմբերի 2022;
Սրբոց կուսանացն՝ Յուլիանեայ եւ Վասիլուհւոյ, Աբրահամու եւԽորենայ եւ անարծաթ բժշկացն՝ Կոզմայի եւ Դամիանոսի, եւ Աստուածատրոյ վկային ԵՐԳ ԵՐԳՈՑ 8.14։ Օսէէ 14.6-8։ Բ Կորնթացիներ 6.16-7.1։ ԱՒԵՏԱՐԱՆ ԸՍՏ ՂՈՒԿԱՍԻ 8.1-3։

Երեքշաբթի 29 Նոյեմբերի 2022;
Սրբոցն Ղունկիանոսի քահանային, Տարագրոսի, Պրօպոսի, Անդրոնիկոսի, Ոնեսիմեայ եւ այլոց աշակերտացն սրբոյն Պօղոսի Իմաստութիւն Սողոմոնի 9.9-12։ Եսայի 41.15-19։ Բ Կորնթացիներ 2.14-17։ ԱՒԵՏԱՐԱՆ ԸՍՏ ՂՈՒԿԱՍԻ 6.13-20։

Չորեքշաբթի 30 Նոյեմբերի 2022;
Պահք Ա Թեսաղոնիկեցիներ 2.1-12։ ԱՒԵՏԱՐԱՆ ԸՍՏ ՂՈՒԿԱՍԻ 12.41-48։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ