ԼՈՒՍԱՆԿԱՐԻՉ՝ ՀՐԱՅՐ ԲԱԶԷ ԽԱՉԵՐԵԱՆԻ ԱՅՑՆ ԱԶԳԱՅԻՆ ԱՌԱՋՆՈՐԴԱՐԱՆ

Չորեքշաբթի, 17 մայիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Լուսանկարիչ Հրայր Բազէ Խաչերեանին, ընկերակցութեամբ Իրանի Պատմական Եկեղեցիների Կենտրոնի տնօրէնուհի ճրտ. դոկտ. Շերլի Աւետեանի:

Հանդիպման ընթացքում Լուսանկարիչ Հրայր Բազէ Խաչերեանը Սրբազան Հօրը նւիրեց «Խաչքար» խորագրով գիրք-ալբոմը, որտեղ պատկերւած են Արեւմտեան Հայաստանի ու Արցախի եւ նաեւ այլ երկրներում առկայ խաչքարերը: Նա նշեց, որ լուսանկարչութեան միջոցով աշխատում է բացայայտել եւ ճանաչելի դարձնել Հայոց աշխարհը:

Սրբազան Հայրը ջերմօրէն ողջունեց եւ մեծապէս գնահատեց լուսանկարչի մտածումն ու աշխատասիրութիւնը եւ յաջողութիւն մաղթեց նրա ապագայ աշխատանքներին:

Ազգային Առաջնորդարանի Հանրային կապ