Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՅՈՎՀԱՆՆԷՍ ԹՈՒՄԱՆԵԱՆԻ ՄԱՀՒԱՆ 100-ԱՄԵԱՅ ՏԱՐԵԼԻՑԻՆ ՆՒԻՐՒԱԾ ԾՐԱԳՐԵՐԻ ՇԱՐԱՆՈՒՄ՝ ՀԱՅԱՍՏԱՆ ՄԵԿՆՈՂ ԱՇԱԿԵՐՏՆԵՐԻ ՀԱՆԴԻՊՈՒՄԸ ԹԵՄԱԿԱՆ ԽՈՐՀՐԴԻ ԱՏԵՆԱՊԵՏԻ ՀԵՏ

Կիրակի, օգոստոսի 6-ին, 2023 թւականին, ազգային Առաջորդարանի դահլիճում, թումանեանական տարւայ շրջանակներում, Հայաստան մեկնող թւով 12 աշակերտներ՝ Կրթական խորհրդի ատենապետ՝ Ալֆրէդ Կարապետեանի, մեծանուն բանաստեղծի մահւան 100-ամեայ տարելիցին նւիրւած միջոցառումների պատասխանատու յանձնախմբի, փորձավար-մասնագետների եւ ծնողների ուղեկցութեամբ այցելեցին ազգային Առաջնորդարան, Թ.Հ.Թ. Թեմական խորհրդի ատենապետ՝ ճրտպ. Նորայր Արամեանի հետ հանդիպելու եւ Հայաստան մեկնելուց առաջ՝ նրա բարեմաղթանքներն ստանալու նպատակով:

Յանձնախմբի անդամ՝ Կարինէ Մանուչարեանի կողմից մանրամասնօրէն ներկայացւեց կատարւած ամբողջ աշխատանքի ընթացքը, (Լուրը տես՝ յուլիսի 30-ի Կրթական խորհրդի տելեգրամեան եւ ինստագրամեան ալիքներում, «Թումանեանական տարւայ շրջանակներում՝ այցելութիւն Հայաստան վերնագրի ներքոյ):

Փորձավարներ՝ Հրանուշ Սարգսեանը եւ Անի Զաքարեանը համառօտ, սակայն շատ տպաւորիչ ներկայացրեցին աշակերտների հետ իրականացրած երկամսեայ աշխատանքները Նշելով, որ բաւականին հետաքրքիր ժամանակ են անցկացրել եւ անհամբեր սպասում են ելոյթին, որը կունենան Հայաստանում:

Անթաքոյց ուրախութեամբ եւ մեծ ոգեւորութեամբ ներկայացան նաեւ աշակերտները, որոնք խմբի մէջ ընդգրկւել են տարբեր դպրոցներից:

Կրթական խորհրդի ատենապետ՝ պրն Ալֆրէդ Կարապետեանը հարկ համարեց նշել, որ նիթական հարցերը կարգաւորւել են Թեմական խորհրդի տրամադրած սուբսիդի, աշակերտների ծնողների եւ մի խումբ անհատների օժանդակութեամբ: Իսկ աշակերտներին ուղեկցելու են Կրթական խորհրդի կազմից 4 անդամները եւ երեք փորձավարները, ապահովելով աշակերտների հանգիստը:

Պրն. Արամեանը շնորհակալութիւն յայտնեց Կրթական խորհրդի կազմից, վեց ամիս առաջ աշխատանքը յղանալու, զարգացնելու եւ իր տրամաբանական աւարտին հասցնելու համար: Շնորհակալութիւն յայտնեց փորձավարներից, իրենց նւիրական եւ անշահախնդիր աշխատանքի համար:

Նշեց նաեւ, որ նմանատիպ ծրագրերն ու աշխատանքները շատ կարեւոր են, յատկապէս քովիդից յետոյ, որ բաւականին բաց էր նկատւում աշակերտութեան մօտ, եւ անհրաժեշտ է նմանատիպ առիթներ ստեղծել Հայաստան այցելելու, զարգացնելու համար իրենց լեզուն, գիտելիքները, որպէսզի յետագայում դառնան համայնքին արժանաւոր մարդիկ:

Նա յոյս յայտնեց, որ յետագայ Թեմական խորհուրդներն էլ կընդառաջեն նման ծրագրերը եւ աւելի կը զարգացնեն՝ աշակերտների թւի առումով այցելութիւնները դէպի Հայաստան, սուբսիդաւորելով նմանատիպ ծրագրերը: Նա անդրադարձաւ նաեւ Կրթական խորհրդի վերջին մէկ տարւայ որդեգրած աշխատանքային ձեւին, եւ կրկին յոյս յայտնեց, որ ապագայ կրթական խորհուրդները նաեւ կը շարունակեն նոյն քաղաքականութեամբ:
Նա աշակերտներին մաղթեց մէկշաբաթեայ հաճելի օրեր եւ ուրախ, զւարթ վերադարձ:

Յատկանշական է, որ յաձնախմբի անդամները Թումանեանի մահւան 100-ամեայ տարելիցին նւիրւած պատրաստել էին յուշանւէրներ, որոնցից մէկը յանձնեցին պրն. Արամեանին, որպէս Թեմական խորհրդի ատենապետ: Միւսը յանձնեցին պրն. Ալֆրէդ Կարապետեանին, որպէս Կրթական խորհրդի ատենապետ: Մէկ յուշանւէր յանձնել են Թեհրանի եւ հիւսիսային իրանահայութեան պատգամաւոր՝ պրն. Արա Շահվերդեանին, կատարած օժանդակութիւնների համար:

Յուշանւէրներից մի օրինակ յանձնելու են Յովհաննէս Թումանեանի տուն թանգարանի տնօրէն՝ տկն. Անի Եղիազարեանին եւ նախատեսել են աշխատանքի աւարտին յուշանւէրներ յանձնել նաեւ սիրելի փորձավարներին:

Առիթը պատեհ համարելով, աշակերտների ծնողներն էլ իրենց երախտագիտութիւնը յայտնեցին Թեմական եւ Կրթական խորհուրդներին, անհատ բարերարներին, պատասխանատու յանձնախմբին եւ արհեստավարժ փորձավարներին աշակերտների համար այս բացառիկ առիթը ստեղծելու համար։

Թ.Հ.Թ. ԿՐԹԱԿԱՆ ԽՈՐՀՈՒՐԴ

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ