Հերմինէ Բաբայեանը իրանական 1395 թւականի ընտրեալ մանկաբարձուհի

Համաձայն «Բժշկական լուրեր» պարբերաթերթի վերջին համարի (օրդիբեհեշտ 20) հաղորդման, Հերմինէ Բաբայեանի անունը տեղ է գտել իրանական 1395 թւականի լաւագոյն մանկաբարձուհիների ութնեակում:

Այս պարբերաթերթը Հերմինէ Բաբայեանին ծանօթացնելով գրել է՝

 Հերմինէ Բաբայեան

 -      Ծնւել է 1956 թւականին՝ Թաւրիզում

-      Լիսանսի մակարդակով աւարտել է Թաւրիզի համալսարանի՝ հիւանդապահութեան եւ Թեհրանի Բժշկագիտութեան համալսարանի՝ մանկաբարձութեան ճիւղերը

-      Մինչև թոշակի անցնելը 30 տարի շարունակ որպէս Բժշկագիտութեան համալսարանի պաշտօնեայ պաշտօնավարել է «Միրզա Քուչաք Խան» հիւանդանոցում

-      22 տարի շարունակ վարել է ծննդաբերութեան սենեակի պատասխանատւութիւնը

-      1980-ից 1989 թւականների ընթացքում 10 տարի որպէս երեկոյեան ու գիշերւայ հերթապահ մանկաբարձուհի ծառայել է Թեհրանի հարաւում գտնւող Նազիաբադի «Մոֆարահ» բարեգործական հիւանդանոցում

-      Պարտադրեալ պատերազմի շրջանում փրկարարների վարժեցման ու դաստիարակման հարցում համագործակցել է Կարմիր Մահիկի հաւաքականութեան հետ

-      Հիւանդապահների օգնականների դաստիարակման հարցում համագործակցել է Թեհրանի Բժշկագիտական համալսարանի հիւանդապահութեան ու մանկաբարձութեան ֆակուլտետի հետ

-      Երկրի մակարդակում հետազօտական նախագծերում ու աւարտաճառերի ուղղութեամբ համագործակցել է գերլիսանսի և մասնագիտական դոկտորայի ճիւղի ուսանողների հետ

-      1992 թւականից անդամակցում է Երկրի կաթի տարածման միութեանը

-      Իրանի մանկաբարձուհիների հաւաքականութեան անդամ

-      Իրանի կոլոսկոպիի, պաթոլոգիայի և սերւիքսի միութեան անդամ

-      Ս. Գէորգ եկեղեցուն կից ծերանոցի տեխնիկական պատասխանատու

-      «Ա. Աւետիսեան» բուժարանի խնամակալ մարմնի անդամ

-      Թեհրանի Հայ Կանանց Բարեգործական Ընկերութեան անդամ  

 Թեհրանի Հայոց Թեմի Յարաբերական Մարմինը այս յաջողութեան կապակցութեամբ շնորհաւորում է տկն. Հերմինէ Բաբայեանին: