Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

«Նայիրի» դպրոցի 60-ամեակի առիթով Հարցազրոյց «Նայիրի» տարր. դպրոցի փոխտեսչուհի՝ Տկն. Արտեմիս Մկրտչեանի հետ

Հայոց ազգ. «Նայիրի» դպրոցը ըստ Ձեր յայտարարութեան հիմնադրւել է 1955-56 ուսումնական տարում և սպասւում էր որ 2015-2016 նշւէր դպրոցի 60-ամեակը, բայց կարծես թէ ուշացել է:

60-ամեակը այն կարևոր և նշանակալից տարեդարձն է, որ իւրաքանչիւր կրթօջախ այն էլ սփիւռքեան պայմաններում հպարտութեամբ է յիշում, այդ իսկ պատճառով պահանջւում է համապատասխան մօտեցում: Անշուշտ աւելի յարմար կը լինէր անցնող տարեշրջանում տօնւէր դպրոցի 60-ամեակը, սակայն ինձ թւում է այս փոքր ուշացումը ոչ թէ բացասական այլ դրական լիցք է հաղորդել դպրոցում դերակատար բոլոր անհատներին և վստահ եմ, որ այս ոգու առկայութեամբ մեր հարազատ կրթօջախի յոբելեանը նշելու ենք պատշաճ կերպով:

Ի՞նչ կասէիք կեանքի կոչւած յանձնախմբի մասին, որի կազմում կան հանրութեանը ծանօթ և մասամբ անծանօթ դէմքեր և ինչ սկզբունքով են ընտրւած նրանք:

Նախ նրանք բոլորը հին ու նոր շրջանների «Նայիրի» դպրոցի աւարտածներ են՝ բացառութեամբ պրն. Ժորժ Ղամբարեանի, որի հայրը դպրոցի հիմնադիրներից է, իսկ ինքը ոչ թէ դպրոցի աշակերտ է եղել այլ 1963-67 թւականներին դպրոցում ծառայել է որպէս թւաբանութեան ուսուցիչ և ուրախ ենք որ վայելում ենք նման անհատի համագործակցութիւնը:

Յանձնախմբի անդամներ՝ տկն. Իշխանուհու և պրն. Հերոսի հայրերը դպրոցի հիմնադրման օրւանից մեծ դերակատարութիւն են ունեցել դպրոցում, իրենք ևս սովորել և աւարտել են «Նայիրի» դպրոցը: Պրն. Վիգէնը և պրն. Մատթէոսը որպէս Նայիրեանականներ այսօր համայնքի յաջողակ գործարարներից և ազգայիններից են և ներկայութիւն՝ հասարակական կեանքում: Պրն. Սաքօն, տիկնայք Ժաքլինը և Իւէտը անցնող տարիների ընթացքում աշխոյժ գործունէութիւն են ունեցել դպրոցի ծնողական խորհուրդի կազմում, պրն. Գասպարը ևս սովորել է մեր դպրոցում:

Ահա այսպիսի կազմով է, որ ունենալով Սրբազան հօր  հովանաւորութիւնն ու Կրթ. Խորհրդի հաստատումը, նաև դպրոցիս գործող ծնողական խորհրդի ամբողջական համագործակցութիւնը վստահ ենք որ դպրոցի 60 ամեակը նշւելու է իրեն վայել կերպով:

Այստեղ առիթը օգտագործելով կոչ եմ ուղղում «Նայիրի» դպրոցի մօտիկ և հեռու անցեալի բոլոր աւարտածներին, ծնողական խորհրդի անդամներին, սիրելի ուսուցիչ-ուսուցչուհիներին և բոլոր հայրենակիցներին իրենք ևս աշխոյժ մասնակցութիւն ունենան յանձնախմբի ձեռնարկներին և ցանկութեան դէպքում օժանդակեն մեզ:

Դուք որպէս դպրոցի փոխ-տեսուչ ժամանակին սովորել էք «Նայիրի» դպրոցում, նախ ի՞նչ զգացողութեամբ էք նայում 60-ամեակին, ապա ի՞նչ տարբերութիւններ էք տեսնում Ձեր աշակերտութեան շրջանի և ներկայի միջև:

Որպէս Նայիրեանական, նախ հպարտ եմ, որ անցնող տասնամեակների ընթացքում «Նայիրի» դպրոցը բազմաթիւ շրջանաւարտներ է ունեցել որոնցից շատերը ինձ նման բախտ են ունեցել ծառայելու նոյն դպրոցում: Շատ յաճելի է ինձ համար ամէն օր վերյիշելը մեր աշակերտութեան օրերը և մեր շատ սիրելի ուսուցիչներին, դպրոցում ծառայող ծնողական խորհուրդներին ու աշխատողներին: Խոնահւում եմ նրանց բոլորի վաստակի առջև: «Նայիրի» դպրոցը իր 60 երկար տարիների աշխատանքներով իր դրօշմն է դրել ոչ միայն Թեհրանահայ, այլև Իրանահայ կեանքում, որը անհերքելի է: Ես ևս հպարտ եմ որ նման մեծ ընտանիքի մի փոքր մասնիկն եմ: 

Ինչ մնում է անցեալի և ներկայի համեմատութեանը, պէտք է նշել որ ամէն ժամանակ և շրջան իր համապատասխան մօտեցումն է պահանջում. այդ  առումով միգուցէ տարբերութիւններ չկան, սակայն ամենամեծ խնդիրն այսօր մեր աշակերտութեան քանակի պակասն է, համեմատ անցեալի, որը կարծում եմ մի իրողութիւն է որ առաջացել է մեր կամքից անկախ և որը չպիտի բացասաբար ազդի մեր գործունէութեան վրայ:

Երէկ, այլ էր իրավիճակը, այսօր՝ այլ: Հարկաւոր է աշխատել ազգային ոգով և նոր իրողութեան պահանջներին համապատասխան մօտեցումներով:

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com