Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Գիտելիքների մրցութեան մրցանակակիր աշակերտների Ճամբար՝ դէպի Նոր Ջուղա

Հինգշաբթի, յունիսի 9-ի առ. ժամը 10-ին, Ս. Սարգիս եկեղեցում համախմբւել էին շուրջ 80 մրցանակակիր աշակերտներ թեմակալ առաջնորդի նախագահութեամբ մասնակցելու կրօնական արարողութեան եւ ստանալու Սրբազան Հօր օրհնութիւնը որպէս քաջալերանք մասնակցելու Թ. Հ. Թ. Կրթական խորհրդի նախաձեռնած եռօրեայ ճամբարին, որը կայանալու է առաջիկայ շաբաթւայ ընթացքում՝ Նոր Ջուղայում:

Անցեալ ամիսների ընթացքում Թ. Հ. Թ. Կրթական խորհրդի Դաստիարակչական յանձնախմբի միջոցով կայացան գիտելիքների մրցութիւններ, Թեհրանի հայոց դպրոցների տարրական եւ միջնակարգ օղակի աշակերտների մասնակցութեամբ, ուր երկու փուլով աշակերտները մրցեցին միմեանց հետ:

Թ. Հ. Թ. առաջնորդ Տ. Սեպուհ արք. Սարգսեանը արարողութիւնից յետոյ բարի երթ ու անփորձանք ճամբորդութիւն մաղթեց ճամբարին մասնակցող աշակերտներին եւ ողջունեց նրանց մրցութիւններին մասնակցելու եւ առաւել գիտելիքներ ձեռք բերելու ձգտումի համար, յորդորելով, որ այդ ցանկութիւնը պէտք է առօրեայ կեանքում նաեւ գործադրել: Սրբազան Հօրը ընկերակցում էին արժ. Տ. Վարազդատ աւ. քհն. Տէրտէրեանը եւ արժ. Տ. Կոմիտաս քհն. Ղարախանեանը:

Այնուհետեւ եկեղեցու շրջափակում Թ. Հ. Թ. Կրթական խորհրդի ատենապետ՝ Սեւան Դանիէլեանի եւ նոյն խորհրդի անդամ եւ յանձնախմբի հետ կապ՝ Նարբէ Աբուլեանի ներկայութեամբ Դաստիարակչական յանձնախմբի ատենապետ եւ ճամբարի պատասխանատու՝ Քլարա Աղախանեանը յաւելեալ բացատրութիւններ տւեց ճամբարին մասնակցող աշակերտներին եւ նրանց ծնողներին:

Յունիսի 11-ի վաղ առաւօտեան Ս. Սարգիս եկեղեցու շրջափակից Նոր Ջուղա մեկնեցին միջնակարգ օղակի թւով 35 աշակերտ-աշակերտուհիներ, իրենց 6 պատասխանատուների հետ: Երկուշաբթի, յունիսի 13-ին Նոր Ջուղա պիտի մեկնեն տարրական օղակի 42 աշակերտներ:

Ճամբարներին մասնակցելու են պատասխանատուներ՝ Քլարա Աղախանեանը, Քամելիա Շիրւանեանը, Անդրանիկ Իփրանոսեանը, Քարմէն Ղահրամանեանը, Հերմինէ Նազարբէգեանը, Հելէն Այւազեանը, Նազիկ Բալքչեանը, Ստելլա Ասլանեանը եւ Հիլդա Աղախանեանը:

 Թ. Հ. Թ. Կրթական Խորհուրդ

 

ՏՕՆԵՐ

Կրօնական Տօների Օրացոյց


Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

Կիրակի 28 Ապրիլի 2024;
Սուրբ Խաչի Երեւման Տօն

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ