ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Սրբազան Հօր այցը Ազգային Դպրոցներ (4)

Թեմիս Առաջնորդ՝ Գերշ. Տ. Սեպուհ Ս. Արք. Սարգսեանի ազգային դպրոցների այցելութեան շարանի 2-րդ շաբաթն սկսւեց հոկտեմբերի 3-ից, այցելելով նախ՝ Էլպիս Ֆերահեան Մանկապարտէզ՝

 

Ապա՝ Ռոստոմ տղ. դպրոց՝

Եւ վերջում՝ Գոհար տղ. դպրոց:

Բոլոր դպրոցներում Սրբազան Հօրը դիմաւորեցին ծաղկեփնջով և աւանդական աղ ու հացով: 

Առաջնորդ Սրբազանը աղ ու հացն օրհնելուց յետոյ, մօտեցաւ աշակերտ-ուհիներին և բոլորը միասին աղօթեցին:  

Տէրունական աղօթքից յետոյ, դպրոցների տեցչուհի, փոխտեսչուհի և փոխտեսուչը, տեսչական և ուսուցչական կազմի կողմից բարի գալստեան խօսք ասացին Սրբազան Հօրը:

Այնուհետև մանկապարտէզի բալիկները իրենց խմբական գեղեցիկ երգերով, բարձր խանդավառութիւն առաջացրին բոլոր ներկաների սրտերում:

Ռոստոմ և Գոհար դպրոցների աշակերտները հանդէս եկան աշակերտական խօսքերով և ասմունքներով:

Ռոստոմ դպրոցում, Սրբազան Հայրը աշակերտոթեանը դիմած իր խօսքերում ասաց. «... ես քանի որ Ռոստոմ դպրոցի աշակերտներին շատ եմ սիրում, ուզում եմ որ դուք լաւ աշակերտներ լինէք:  Լաւ աշակերտ լինելն իմ համար 3 բան է նշանակում. Առաջին՝ դասերը լաւ սովորէք, յատկապէս Հայոց Լեզու, Կրօն, Հայոց Պատմութիւն և ընդհանրապէս բոլոր դասերը:  Երկրորդ՝ հնազանդ, հաւատարիմ և խօսք լսող լինէք և լսէք ձեր ուսուցիչներին, տեսուչին, ծնողներին և ընդհանրապէս բոլոր ձեր մեծերին:  Իսկ երրորդ՝ ձեր դպրոցը սիրէք, սիրել նշանակում է այն ինչ դպրոցում կայ ձերն է, հետևաբար պէտք է դրան լաւ նայէք ...»:

Առաջնորդ Սրբազանը, Գոհար դպրոցում իր հայրական արտայայտութիւնն սկսեց այսպէս՝ «Սիրելիներ, 2015-2016 ուսումնական տարեշրջանն սկսում ենք խաղաղ պայմաններում և Աստծու օրհնութեամբ, նաև մեր ծնողների ու դպրոցական կազմի համագործակցութեամբ և հովանաւորութեամբ:  Սա իրօք Աստւածային օրհնութիւն է և բարիք, որովհետև այս օրերին հազարաւոր պատանիներ և ձեր տարիքի աշակերտներ, զրկւել են և զրկւում են խաղաղօրէն իրենց ուսումնական տարեշրջանն սկսելուց և շարունակելուց. հետևաբար, մենք Աստծուն փառք տալու մեծ պատճառ ունենք ...»:

Սրբազան հայրը վերջում օրհնեց աշակերտներին և առողջութիւն ու յաջողութիւն մաղթեց բոլորին:

Հարկ է նշել, որ այցերի ընթացքին ներկայ էին Կրթական Խորհրդի ներկայացուցիչներ՝ տկն. Մելինէ Բադալը և պրն. Դաւիթ Մարգարեանը:

 

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com