×

Զգուշացում

JFolder: :files: Հասցեն չի տանում դեպի պանակ։ Հասցե՝ [ROOT]/images/201609/2016090702
×

Տեղեկացում

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/201609/2016090702

Վախճանւել է իրանահայ անւանի արձանագործ Նշան Թանիքը

Արւեստի առաջին կարգի մեդալի արժանացած իրանահայ անւանի արձանագործ Նշան Թանիքը ծնւել էր 1939 թւականին՝ Ուրմիայում: Իր աշխատանքն ինքնուս կերպով սկսում է 12 տարեկան հասակից:

Նա Մշակութային ժառանգութեան կազմակերպութեան կողմից վկայւել էր արդիւնաբերական արւեստների գերդիպլոմով: Արժանացել էր անգլերէն լեզւի և պարսից գրականութեան մագիստրոսի կոչման և ստացել էր արւեստի պատւաւոր դոկտորի աստիճան:

Թանիքն արձանագործութիւնը սովորել է Ջաւադ Բէյկ Զաքաթալիի և Հասան Արժանգի մօտ և նւաճել է վարպետի կոչում: Նա Քերմանի «Գանջալի Խան»-ի, «Սաըդ Աբադ»-ի, Թաւրիզի, Շահռուդի և Ռաշտի ազգագրութեան, Փոստի ու նաև Իրանում մի շարք այլ թանգարանների հիմնադիրն էր:

Քեամալոլմոլքի արձանը, Շահրիարի քանդակը, «Առիւծի ու աժդահայի պայքարը» արձանը, «Աղէ մարդ»-ի արձանի նորոգութիւնը, «Սաըդ Աբադ»-ի համալիրի ջրի թանգարանի նախագծումն ու կառուցումը, ինչպէս նաև «Սահեբղարան», «Ամիր քաբիր» և «Միրզա Քուչաք Խան» հեռուստասերիաներում օգտագործւած իրերի նախագծումն ու պատրաստումը նրա աշխատանքներից են:

Թանիքն արժանացել է տասնեակ մրցանակների, գնահատագրերի ու նաև իսլամական մշակոյթի ու առաջնորդման նախարարութեան կողմից արւեստի դոկտորի կոչման: 

Անւանի արւեստագէտը վախճանւեց օգոստոսի 30-ի առաւօտեան սրտի կաթւածի հետևանքով:

Թեհրան նահանգի Մշակութային ժառանգութեան գերատեսուչ Ռաջաբալի Խոսրոաբադին խոստացել էր Թեհրան քաղաքի Բարեզարդման կազմակերպութեան համագործակցութեամբ գնել այս արձանագործ արւեստագէտի ստեղծագործութիւնները:

«Գոլեսթան» պալատի թանգարանի հանգստի կոչւած պաշտօնեայ համարւող Նշան Թանիքի վախճանմամբ անկատար մնաց պատասխանատուների տւած այդ խոստումը:

{gallery}201609/2016090702{/gallery}