Երկուշաբթի 21 նոյեմբեր 2016-ի առաւօտեան թեմիս առաջնորդ Գերշ. Տ. Սեպուհ Ս. Արք. Սարգսեանը յատուկ հանդիպում ունեցաւ Իսլամ Աշխարհի հարցերում յեղափոխութեան առաջնորդի գերագոյն խորհրդական և իսլամական դաւանութիւնների ու դպրոցների մերձեցման խորհրդի նախագահ՝ Այաթալլահ Թասխիրի-ի հետ, իր գրասենեակում։

Այաթոլլահ Թասխիրին ջերմօրէն ողջունեց Սրբազան հօրը և մեծապէս գնահատեց իր կեցւածքն ու միջազգային բեմերի վրայ իր տարած ու տարւելիք աշխատանքները Իրանի Իսլամական Հանրապետութեան ճշգրիտ դիմագիծը արար աշխարհին ներկայացնելու գործում։ Սրբազան հայրը իր կարգին սիրով ողջունեց Այաթոլլահ Թասխիրիին վեր առնելով իր անձն ու գործը միջ-կրօնական և համաիսլամական երկխօսութեան դժւարին գործում։

Այնուհետ խօսւեց տարածաշրջանում տիրող տխուր իրադարձութիւնների և Իրանի Իսլամական Հանրապետութեան դրական խաղաղարար դերի մասին, ինչպէս նաև Իրանի Իսլամական Հանրապետութեան և Մեծի Տանն Կիլիկիոյ Կաթողիկոսութեան բարւոք յարաբերութիւնների մասին։

Շուրջ մէկ ժամ տևող հանդիպումը տեղի ունեցաւ շատ մտերմիկ և անկեղծ մթնոլորտում։