«ԱԼԻՔ» - Թ. Հ. Թ. Պատգամաւորական ժողովի ընտրութիւնների Կենտրոնական յանձնախմբի նախաձեռնութեամբ, երկուշաբթի նոյեմբերի 21-ի երեկոյեան քաղաքամասերի ենթայանձնախմբերի եւ առաջադրւած թեկնածուների հանդիպում տեղի ունեցաւ բոլոր քաղաքամասերում:

Զէյթուն քաղաքամասում հանդիպումը կայացաւ «Սուքերեան» սրահում, Կենտրոն քաղաքամասի հանդիպումը տեղի ունեցաւ ազգային առաջնորդարանի դահլիճում: Սասուն քաղաքամասինը՝ Ս. Թարգմանչաց եկեղեցուն կից «Շաղուլեան» սրահում, Սարդարապատ քաղաքամասինը՝ Ս. Վարդանանց եկեղեցուն կից սրահում, Ս. Աստւածածին եկեղեցու ընտրատարածքինը՝ Թեհրանի Հայ կանանց եկեղեցասէր միութեան սրահում:

Բոլոր հանդիպումների սկզբում, ենթայանձնախմբերի ներկայացուցիչները, հակիրճ բացատրութիւններ էին փոխանցում հանդիպման նպատակի մասին, որն էր քաղաքամասերի բնակչութեան ծանօթացումը առաջադրւած եւ հաստատւած բոլոր թեկնածուների եւ ընտրւելու դէպքում նրանց ծրագրերի հետ:

Այնուհետեւ իւրաքանչիւր քաղաքամասում, իւրաքանչիւր թեկնածու մի քանի րոպէների սահմաններում նախ ներկայացնում էր իր կենսագրական տւեալները, ապա ընտրւելու դէպքում իր նկատի առած ծրագրերը եւ առաջարկութիւնները:

Այնուհետեւ ներկաներին առիթ էր տրւում հարցումների:

{gallery}201611/2016112201{/gallery}