Ամէն տարի դեկտեմբերեան այս օրերին, կանգնած ժամանակի մէջ փորձում ենք այն դիտել եւ հասկանալ յարաբերաբար մեր կեանքին։ Ապրում ենք ժամանակի մէջ, առանց սակայն խորհելու թէ լինում ենք ժամանակի հետ։ Լինել ժամանակի հետ նշանակում է այն օգտագործել լաւագոյն կերպով։ Պօղոս առաքեալը ասում է.- «Օգտագործեցէք ժամանակը, քանզի այս օրերը չար են» (Եփ. 5։16)։ Իսկ մի ուրիշ տեղ առաքեալը թելադրում է ժամանակը իմաստաւորել բարիք գործելով.-«Հետեւաբար՝ քանի դեռ ժամանակը մեր ձեռքին է, բարիք անենք բոլորի, մանաւանդ հաւատքի ճանապարհի մեր հարազատներին»(Գղ. 6։9-10)։
Ուղիղ հեռարձակմամբ հետեւենք տօնական կրօնական Արարողութիւնները
Այսու յայտնում ենք մեր հաւատացեալ ժողովրդի զաւակներին, որ տօնական այս օրերին եւ ընդհանրապէս եկեղեցական արարողութիւնները, որոնք մատուցւելու են Ս. Սարգիս եկեղեցում, ուղիղ հեռարձակւելու են Քրիստոնէական դաստիարակչութեան Instagram-ային էջով:
Սիրելի եւ թանկագին հաւատակից քոյրեր եւ եղբայրներ,
2021 նոր տարւայ այս առաջին պահերին, քրիստոնէական ջերմ սիրով ու անկեղծագոյն բարեմաղթութիւններով ողջունում եմ ձեզ սիրելի հաւատակից քոյրեր եւ եղբայրներ, որտեղ որ կաք ցանկանալով միաժամանակ բոլոր աստւածային օրհնութիւններով ու բարիքներով լի տարի։
2020 թւականի դեկտեմբերի 30-ի կէսօրին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը իր գրասենեակում ընդունեց, ԻԻ խորհրդարանի Թեհրանի եւ Հիւսիսային Իրանահայութեան Պատգամաւոր՝ պրն. Արա Շահվերդեանին:
Սրբազան Հայրը ջերմօրէն ողջունեց պրն. Պատգամաւորին, որ իր վերջին ամիսներին կատարած պետական հաղորդակցութիւնների, յարաբերութիւնների եւ գնահատելի աշխատանքների մասին զեկուցեց Սրբազան Հօր:
Թւականիս դեկտեմբերի 30-ի առաւօտեան, Ազգային առաջնորդարանի դահլիճում Թեմիս Բարեխնամ Առաջնորդ՝ Գերշ․ Տ․ Սեպուհ Արք․ ՍարգսեանՍ րբազան Հօր գլխաւորութեամբ կայացաւ Կրօնական խորհրդի նիստը, որին մասնակցեցին քահանայից դասը եւ եկեղեցական խորհուրդների ատենապետները։
Սիրելի Հայրենակիցներ՝
Անսալով Թեմիս Առաջնորդ գերշ. Տ. Սեպուհ Ս. Արք. Սարգսեանի յորդորին եւ թելադրանքին, այս տարի, կորոնա ժահր համաճարակի բերումով առաջացած առողջապահական ճգնաժամային պայմանների նաեւ Արցախ-ադրբեջանաթուրքական եւ միջազգային ահաբեկչական խմբակցութեան անդամների համատեղ պատերազմի հետեւանքով, հազարաւոր նահատակ հայորդիների յիշատակը յարգելու հրամայականը նկատի ունենալով, համայնքիս միութիւններում եւ տարբեր կենտրոններում Ամանորի եւ Ս. Ծննդեան տօների առիթով ձեռնարկներ տեղի չեն ունենալու։
2020 թւականի դեկտեմբերի 29-ի առաւօտեան, թեմիս առաջնորդ Գերշ. Տ. Սեպուհ Ս. Արք. Սարգսեանն առաջնորդարանի իր գրասենեակում ընդունեց Հայաստանի հանրապետութեան դեսպանատան մշակութային կցորդ պրն․ Էդւարդ Խաչատրեանին, որը յատուկ եկած էր Սրբազան Հօրը շնորհաւորելու Նոր տարւայ եւ Ս․ Ծննդեան տօների առիթով։
Երեքշաբթի դեկտեմբերի 29-ի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց, «Յակոբեան» ընկերութեան սեփականատէր, տնօրէն ու բարերար՝ պրն. Սմբատ Յակոբեանին: Պրն․ Յակոբեանը յատուկ կերպով այցելել էր Սրբազան Հօրը շնորհաւորելու նոր տարւայ եւ Ս․ Ծննդեան տօները։
Այսու առ ի գիտութիւն յայտնում ենք մեր ժողովրդի սիրելի զաւակներին, որ այս օրերի բացառիկ երեւոյթների՝ պսակաձեւ ժահրի – քորոնայի - Արցախեան տխուր իրադարձութիւնների պատճառով, Դեկտեմբեր 31-ի կէսգիշերւայ պատարագը բացառապէս, այս տարի, տեղի պիտի չունենայ։ Նոր տարւայ առիթով 2021 Յունւարի 1-ի առաւօտեան ժամը 10։30-ին Թեհրանի մեր եկեղեցիներում ի բացառեալ Ս. Գէորգ եկեղեցի, տեղի է ունենալու հանդիսաւոր Ս. պատարագ։
Այս օրերին աշխարհը տիրապետւած պսակաձեւ ժահրով, մարդկութիւնը պատմութեան մեծագոյն մարտահրաւէրներից մէկի առաջ է դրել։ Անցեալ տարւայ ընթացքին պսակաձեւ ժահրը իր աւերը գործեց ու դեռեւս շարունակում է անխնայ հարւածել իր շրջապատը հարիւր հազարաւոր անմեղ մարդկանց մահւան պատճառ դառնալով։
Այս անողոք ու մահաբեր համաճարակի ճնշիչ մթնոլորտին մէջ տւայտող մեր ժողովուրդը ինքն իրեն գտաւ 27 սեպտեմբեր 2020 ծայր առած մի այլ մահաբեր ու կործանարար ժահրի դիմաց, արտայայտւած Արցախ-Ազերիա թրքական եւ միջազգային ահաբեկչական խմբակցութեան անդամների համատեղ պատերազմով, որ տարածւած 44 օրերի վրայ ամէն կողմ աւեր ու աւար տարածեց միաժամանակ հազարաւոր հայորդիների նահատակութեան պատճառ դառնալով։