Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Events Calendar

Կրօնական Տօն՝

Saturday, 01 August 2020

Այսօր Տօնն է Ս. Գրիգոր Լուսաւորչի որդիների և Թոռների Յիշատակութեան օրը

Արիստակէսը Ս. Գրիգոր Լուսաւորչի կրտսեր որդին էր և շատ վաղ հասակից մտել էր վանական կեանք: Եպիսկոպոս է ձեռնադրւել հօր կողմից դառնալով նրա գործակիցը: 325 թւականին մասնակցել է Նիկիայի Ա տիեզերաժողովին: Արիստակեմէսը հօր մահից յետոյ դարձել է հայոց հայրապետ: Սպանւել է 333 թւականին Չորրորդ Հայքի Արքեղայոս իշխանի կողմից՝ նրա անուղղելի վարքը քննադատելու համար և թաղւել Թիլ աւանում:

Վրթանէսը Լուսաւորչի անդրանիկ որդին էր: Ամուսնացած էր և ունէր երկու զաւակ՝ Գրիգորիսը և Յուսիկը: Եղբօր մահից յետոյ բազմել է Հայոց հայրապետական աթոռին: Թէև Հայաստանում քրիստոնէութիւնը հաստատւել էր որպէս պետական կրօն, սակայն բազմաթիւ վայրերում դեռևս գոյութիւն ունէր հին հաւատը: Այդ պատճառով Վրթանէս հայրապետն ամենամեայ մեծահանդէս պաշտամունք էր կազմակերպում Տարօնում՝ հեթանոսութիւնն աստիճանաբար վերացնելու համար: Վրթանէսը վախճանւել է 341 թւականին և թաղւել Դարանաղեաց Թորդան աւանում, Լուսաւորչի նշխարների մօտ:

Գրիգորիսը Վրթանէսի աւագ որդին էր: Նա Հայ Եկեղեցու կողմից հարևան հեթանոս ազգերի մէջ քրիստոնէութիւնը տարածելու ջանքեր է գործադրում: Նահատակւում է մազքութների Սանեսան թագաւորի հրամանով, իսկ մարմինն իր սարկաւագների ձեռքով ամփոփւում է Արցախի Ամարաս աւանում, որտեղ 489 թւականին Աղւանից Վաչագան թագաւորի օրօք, սրբի նշխարների վրայ կառուցւում է Սբ. Գրիգոր եկեղեցին:


Յուսիկը Վրթանէսի կրտսեր որդին էր: Ամուսնացած էր հայոց Տիրան արքայի դստեր հետ և ունէր երկու զաւակ՝ Պապը և Աթանագինէն: 341 թւականին նա ընտրւում է կաթողիկոս: Յուսիկ հայրապետը, ընդդիմանալով Տիրանին, ով ցանկանում էր Յուլիանոս Ուրացողի պատկերը դնել եկեղեցում, նրա հրամանով 347 թւականին բրածեծ լինելով՝ նահատակւում է և ամփոփւում Թորդանում:

 
 

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ