Կրօնական Տօն՝

Tuesday, 04 August 2020

Տօն՝ 12 փոքր մարգարէների՝ Յովելի,Ամովսի, Յովնանի, Միքիայի, Աբդիոյի, Նաւումի, Ամբակումի, Սոփոնիայի, Անգէի, Զաքարիայի եւ Մաղաքիայի եւ Ովսէի:

Մարգարէները այն անձիք էին որոնք օժտւած էին գերբնական ուժով եւ իշխանութեամբ Աստծու պատգամները փոխանցելու մարդկութեանը, եւ նրանց դաստիրակելով՝ վերահաս վտանգից:
Նրանց առաքելութիւնն էր եւ ժողովրդի մէջ հաստատուն պահել առ Աստւած հաւատքը եւ ճանապարհ պատրաստել դէպի Աստծու արքայութիւնը, որ պէտք է իրականանար Քրիստոսի գալուստով:
Հին Կտակարանում յայտնի են չորս ծաւալուն գրքերով մարգարէներ, որոնք մեծ մարգարէներ են կոչւում:
Կան նաեւ փոքրածաւալ, բայց միեւնոյն ժամանակ Քրիստւսի եւ նրա միջոցով իրականցւող Աստծու արքայութեան մասին մեծ պատգամներ:

Արդ՝ կը ներկայացնենք իւրաքանչիւր մարգարէի պատգամը
1-Ովսէ մարգարէն՝ մարգարէանում է, որ զօրաց Տէրը բոլոր ազգերի Աստւածը պիտի լինի:
2-Ամովս մարգարէն մարգարէանում է, որ Դաւթի տունը կրկին պիտի թագաւորի:
3-Միքիա մարգարէն՝մարգարէանում է, որ Քրիստւսը Բեթղեհէմում պիտի ծնւի ու ազգերի վրայ պիտի թագաւորի:
4- Յովել մագարէն ներկայացնում է վերջին օրերում Սուրբ Հոգու էջքը, եւ աշխարհի ծագերից Նոր Կտակարանի լոյսի շուրջ համախմբումը:
5- Աբդիու մարգարէն մարգարէանում է Ադովմի վերջնական պարտութեան մասին:
6-Նաւում մարգարէն խոսում է Աստծու դատաստանի մասին:
7- Ամբակում մարգարէն՝ մարգարէանում է,վերջնական յաղթանակի մասին:
8-Յովնան մարգարէի կետ ձկան փորում երեք օրեայ փակւելն ու երրորդ օրը ելնելն, Քրիստոսի երեք օրեայ թաղումն ու յարութիւնն է խորհրդանշում: Աստւած այս գրքւվ պատգամում է, որ փրկութիւնը Հրեանրի սեփականութիւնը չէ, այլ բոլորին է պատկանում:
9-Սուփունիա Մարգարէն մի նոր յայտնութեան ու նոր անւան մասին:
10-Անգէ մարգարէն քաջալերում է գտրութիւնից վերադարձածներին, որ կառուցեն Աստծու տաճարը:
11-Զաքարիա մարգարէն մարգարէանում է,Քրիստոս թագաւորի գաստեան եւ նրա ազգատոհմի մասին:
12-Մաղաքիա մարգարէն՝մարգարէանում է Արդարութեան Արեգակի՝ Քրիստոսի գալստեան եւ Նրա պատգամաբերի՝ Յովհաննէս Մկրտչի մասին:

Պետրոս առաքեալն ասում է.« Աւեի ամուր կապւած ենք մարգարէական վկայութիւններին, եւ լաւ կը լինի, որ դուք էլ ձեր ուշադրութիւնը դարձնէք դրանց վրայ, որովհետեւ դրանք այն ճրագն են,որ լոյս են տալիս մութ տեղը,մինչեւ բացւի այն օրւայ արշալոյսը, եւ առաւօտեան աստղը ծագի ձեր սրտերում»: