Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Events Calendar

Կրօնական Տօն՝

Saturday, 19 December 2020

Ս. Աբգար նախավկայի եւ Քրիստոսին հաւատացող մեր անդրանիկ թագաւորի յիշատակութեան օր

Ս. Աբգար նախավկայի եւ Քրիստոսին հաւատացող մեր անդրանիկ թագաւորի յիշատակութեան օր
Աբգար հայոց արքան աստւածասէր եւ մեծահաւատ էր` ըստ մարմնի թագաւորակից Քրիստոսին, որովհետեւ Քրիստոս ծնւեց Ս. Կոյս Մարիամից Աբգարի թագաւորութեան առաջին տարում եւ 30 տարի յետոյ մկրտւեց Յորդանան գետում Յովհաննէսից:
Աբգարը, լսելով նրա մասին, անմիջապէս հաւատաց Նրան` թողնելով կռապաշտութիւնը: Եւ քանզի թագաւորը հիւանդ էր բորոտութեամբ, եւ չկար բժշկութեան հնար, Աբգարն ուղարկեց Անանէին` իր փառաւոր նախարարին` ապահունիների իշխանին, նրա հետ 10 պատւաւոր մարդկանց` մեծագին ընծաներով եւ նւէրներով: Նաեւ գրեց Յիսուսին իր հաւատի խոստովանութեան նամակը եւ աղաչեց գալ` բժշկել նրան չարաչար ցաւից եւ լինել իր հետ: Անանէի հետ ուղարկեց Յովհաննէս անունով մի նկարչի, որ եթէ չկամենայ Յիսուսը գալ արքայի մօտ, նկարեն Նրա պատկերը եւ բերեն իրեն:

Անանեն եկաւ, հասաւ Երուսաղէմ Ծաղկազարդի օրը, երբ Յիսուս իջաւ Ձիթենեաց լեռի զառիվայրերով Գէթսեմանի, այնտեղից ելաւ աւանակով Երուսաղէմ քաղաքը եւ գնաց մտաւ Սողոմոնի տաճարը: Ելնելով տաճարից` Յիսուս գնաց Գամաղիէլ օրէնուսոյց վարդապետի տունը, ով Նիկոդէմոսի` Յիսուսի գաղտնի աշակերտի, եղբայրն էր, որովհետեւ Գամաղիէլը մեծարեց Յիսուսին եւ տարաւ Նրան տաճարից իր տունը: Անանէն ուղարկեց պատւաւոր իւրայիններին Յիսուսի աշակերտների մօտ` հարցնելու նրանցից, թէ «ինչպէ՞ս տեսնենք Քրիստոսին»: Ըստ Յովհաննէս (Աւետարանչի), որ ասում է. «Կային այնտեղ ոմանք հեթանոսներից, որ եկան Երուսաղէմ եւ մօտեցան Փիլիպոսին ու ասացին. «Տէ´ր, կամենում ենք Յիսուսին տեսնել»: Փիլիպոս ասաց Անդրէասին: Անդրէասն ու Փիլիպոսը ասացին Յիսուսին եւ տարան նրանց Յիսուսի մօտ: Անանէն եւ իւրայինները տեսան Յիսուսին առաքեալների հետ Գամաղիէլի տանը: Յիսուս ընդունեց նրանց ուրախութեամբ եւ ասաց. «Հասաւ ժամը, որ փառավորւի մարդու Որդին»: Անանէն ոտքի կանգնեց, տւեց նամակը, երկրպագեց եւ Յիսուսին փոխանցեց արքայի ողջոյնը: Յիսուս օրհնեց Աբգարին եւ նրա թագաւորութիւնը, հրամայեց Թովմային նրան պատասխան գրել, երանի տւեց Աբգարին նրա հաւատի համար եւ ասաց. «Փոքր-ինչ ժամանակ եմ աշխարհում, ապա կվերանամ երկինք՝ Իմ Հօր մօտ: Այնժամ կուղարկեմ քեզ մօտ Իմ աշակերտներից մէկին` կեանք տալու համար քեզ եւ ովքեր քեզ մօտ են»: Յիսուս օրհնեց նաեւ այն պատկերը, որ նկարել էր Աբգարի սուրհանդակը: Այն բերեցին եւ տւեցին Աբգարին` փոխանակ Տիրոջ: Տեսնելով այն` բարեպաշտ արքան ուժգին բերկրեց եւ համբուրեց ջերմեռանդ սիրով ու հաստատուն հաւատով, որով այնժամ առողջացաւ կէս մարմնով: Աբգարը համարեց, թէ տեսաւ Քրիստոսին մարմնով:

Քրիստոսի համբարձումից եւ Հոգեգալուստից յետոյ, զինւած գեղարդով եւ Ս. Հոգով` Թադէոս առաքեալը եկաւ Տուբիա բագրատունի իշխանի տանը եւ բժշկեց նրան (որովհետեւ մահճին գամւած էր իր հիւանդութեամբ): Աբգարը, լսելով դրա մասին, ասաց, թէ. «Սա նա է, որին խոստացաւ ուղարկել ինձ Քրիստոս» եւ, ուղարկելով նրա ետեւից, կանչեց իր մօտ Ս. առաքեալին: Երբ Թադէոսը մտաւ Աբգարի մօտ, արքան, վեր կենալով իր գահից, երկրպագեց Թադէոսին եւ օրհնութիւն խնդրեց առաքեալից, քանզի սքանչելի նշան տեսաւ նրա երեսին եւ ոսկէ թագ Թադէոսի գլխին, ինչպէս թագաւորի մօտ: Թադէոսը, ձեռքը դնելով թագաւորի գլխին, Քրիստոսի անւամբ փարատեց նրանից բորոտութեան ցաւը: Ապա մկրտելով թագաւորին` բոլորովին բժշկեց նրան չար հիւանդութիւնից: Նոյնպէս եւ բոլոր քաղաքացիները հաւատացին Քրիստոսին եւ մկրտւեցին:

Առաքեալը կառուցեց եկեղեցիներ, ձեռնադրեց քահանաներ եւ պաշտօնեաներ: Ձեռնադրեց եպիսկոպոս Ադդէ կերպասագործին` Քրիստոսի 70 աշակերտներից, եւ թողեց նրան իր փոխարէն քաղաքի առաջնորդ: Իսկ ինքը՝ առաքեալը, վերցնելով Աբգար արքայից հրովարտակներ, որպէսզի ամէն ոք հնազանդւի Քրիստոսի աւետարանին Թադէոսի քարոզութեամբ, շարժւեց դէպի Վերին Հայք, Սանատրուկ արքայի մօտ, ով Աբգարի քրոջ որդին էր:

Աստւածասեր Աբգար թագաւորը եղաւ առաքելաբար Աւետարանի պատմողը. նշաններ եւ բժշկութեան հրաշքներ էր գործում: Գրեց նամակ Հռոմի կայսր՝ Տիբերիոսին, որպէսզի նա հրաման տայ իր տէրութեան բոլոր գաւառներում պաշտել Աստծուն` Յիսուս Քրիստոսին` ծնւած Բեթղեհէմում Ս. Կոյս Մարիամից, ով անարգւեց Պիղատոսից եւ խաչւեց հրեաների կողմից: Նոյն նամակը Աբգար թագաւորը գրեց պարսից Արշաւիր արքային` իր ազգականին եւ յանձնարարեց նրան ընդունել Սիմոն Կանանացուն, նոյն ինքը Շմաւոն նախանձայոյզին` Յովսէփի որդուն եւ Յակոբոս Տեառնեղբօր եղբօրը: Թագաւորը նրան յանձնեց Արշաւիր արքային, որպէսզի լսեն առաքեալի քարոզը: Բաբելացիների Ներսեհ մանուկ արքային նոյնպես գրեց Աբգարը` հնազանդ լինել Աւետարանի քարոզին եւ պաշտել Քրիստոս Աստծուն: Եւ այնպէս յօժարութեամբ հոգ էր տանում բարեպաշտ Աբգարը` ամենուր Քրիստոսի արքայութիւնը քարոզելու համար, որպէսզի Քրիստոսի Աւետարանի քարոզը ընդդիմութեան չհանդիպի:

Քրիստոսին հաւատացող հեթանոս թագաւորներից առաջինը եւ բոլոր քրիստոնեայ թագաւորների անդրանիկը` բարեպաշտ Աբգար թագաւորը, իր կեանքը եւ թագաւորութիւնը այսպէս կարգաւորելուց յետոյ, առաքինի կեանքով ապրած եւ ալեւորութեան հասած, հանգեց ի Քրիստոս եւ փոխադրւեց անանց թագաւորութիւն դեկտեմբերի 31-ին:

 
 

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ